مشاهدة النسخة كاملة : فتك 2005
أبو نهار
02/12/2012, 07:54 PM
معي جيب فتك 2005 صار به تقطيع وانا بالنفود مع بعض الطلعات تقل الكفر اللي قدام يحجر شوي ويفك !!!!
عجزت لا اعرف وش علته ؟
بعض الشباب يقولون مانع أنزلاق !؟
وأنا ما أشوف بالطبلون لمبة مانع انزلاق ، ولا له فيوز بالعلبة !!!؟
وبعض الشباب يقولون يمكن الدفلك معلق .
أرجوا منكم الإفادة لا هنتوا .
تقطيع نتعه اوالكفر يمسك سامحنا مافهمناك
أبو نهار
02/12/2012, 08:53 PM
اشكرك على التبيين
الكفر يمسك ماهو تقطيع مكينه
باترول 4500
02/12/2012, 09:52 PM
مركب فرارات ؟
ابوسند9
02/12/2012, 09:53 PM
اخوي ابو نهار
انت تقول الكفر يحجر طيب هل انت متاكد 100 % ؟
لكن انا اشك في خرطوش فلترالهواء الكبير والخارج للمكينه تاكد منه ممكن فيه شق او تنسيم فكه وافحصه فحص دقيق لانه دائم ينشق وله دور في عزم السياره بالنفود
واللى جرب خلي السياره تغرز وجرب اذا شفت السياره فيها تفتفه او قطعه بسيطه او تحس ان السياره ما تقبل الدعس شي بسيط فما المشكله من خرطوش الفلتر
مركز حراره
03/12/2012, 09:12 AM
اذا كان الكفر مع الفرامل فهاذا ABS ممكن نركب له فاصل اذا دخلت البر فقط
ابوسند9
03/12/2012, 03:44 PM
اذا كان الكفر مع الفرامل فهاذا ABS ممكن نركب له فاصل اذا دخلت البر فقط
اخوي مركز حراراه
الباترول ما يحتاج فاصل,, فيوز تفكه وتنتهي المشكله
وما اعتقد ان مشكلته مع الفرامل ونظام ABS
منطفق بركاده
03/12/2012, 04:09 PM
اذا التحجير من الكفرات الاماميه يمكن يكون جنزير دبل على بدايته هذا والله اعلم
أبو نهار
03/12/2012, 06:01 PM
اخوي ابو سند9 ,,,
بيض الله وجهك ، لقيت الخرطوش منشق
لا قطعنا الله من هل العرف اللي مثلك وشرواك
والشكر موصول لكل من أدلى بدلوه بيض الله وجيهكم جميعاً
ابوسند9
05/12/2012, 09:18 PM
ووجهك ابيض اخوي
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir