الفحل وانتاجه رايكم يهمني !

[منصور555]

السلام عليكم ورحمة الله وبركاته اليوم حبيت اعرض لكم الفحل وانتاجه وابي رايكم ياهل الصنف
هذا هو الفحل الفاخر من سلالة ابل الامير سلطان الله يرحمه
http://i.imgur.com/VZzoQ.jpg
وهذاهو انتاجهhttp://i.imgur.com/u9zEJ.jpg
واسف على الاطاله وشاكر مروركم مقدما

[الرويضة اون لاين]

ماشاء الله تبارك الرحمن..

البعير طيب وطرحة طيب ماشاء الله..

الله يبارك لك فيه , واللي مثل هذا ماينتفرط فية ابد


سم الصوور..

http://i.imgur.com/VZzoQ.jpg



http://i.imgur.com/u9zEJ.jpg

[منصور555]

الله يجزاك خير
ونصيحتك ماخوذه بعين الاعتبار
ولاهنت على تنزيلك للصور الله يبيض وجهك

[السبيعي 503]

البعير حسب رايي

فوق المتوسط وطيب وطرحة زين ماشاء الله

يعني لو يلقحن عليه نياق بطونهن زينة بيجي انتاج طيب بإذن الله

[الودعاني 2009]

ماشاء الله البعير زين ولو ان اعتقد فيه عرق سوداني بس راسه زين واعتقد ان سنه توه جذع او ثني واصبر عليه الين يجي رباع وان شاء الله بيكبر راسه اكبر بس اكرمه في الصيف علشان مافيه ضراب والله يرزقك من واسع فضله , وانتاجه طيب بس الله بالضراب والنوق الطيبات

[a.alshadady]

أرحب يا منصور.. ما شاء الله.. الله يباركلك في البعير وإنتاجة.. إذا نويت تبيع تراني شراي

[منصور555]

شاكر مروركم والله يبيض وجيهكم ويجزاكم خير ونصايحكم على العين والراس ومنكم نتعلم

[SS1]

سلام عليكم

الفحل كفووووووو

والانتاج عادي جدا ولكن هذا لايعود على الفحل يعود للفحل وام الحوار وبطهنا وزينها

يااليتك تفضل لنا بصورة لام الحوار فضلا وليس امر

[معانق المزن]

ياليت اكثر من صورة للفحل حتى نتأكد هل هو فاخر اولا واذا فيه صور لامه
والحوار توه مايبين زينه

[منصور555]

شاكر مروركم بالنسبه للفحل على الطبيعه احسن والحوار ترى حبيت اوضح معلومه مايبين زينه الا اول مايطيح من بطن امه وبعدها مايبين الا اذا تعدى مفرود والصور ان شالله بزودكم فيها قريب

[مزاد الشرقيه]

الله يباركلك في حلالك ومالك
والصوره لاتكفي لأبداء الرأي
ياليت تصور البعير من جنبه ومقفاه
ليبين مواصفات البعير من جميع النواحي
اما الراس ماعليه خلاف اما الأنتاج متوسط
وهذا يعود للبطن والسن وهي عوامل لها دورفي الأنتاج
هذا رأيي المتواضع والله اعلم

[سالم الغانم]

مشاء الله تبارك الله
الله يطرح فيه البركه
الفحل طيب وإنتاجه طيب

[المستحيل277]

سلام عليكم القعود ماعليه والظاهر انه يعرف خان والله اعلم وتر مايضر بس دور له ضرايب طيبه لو فطير تلقاها رخاص وترجالله فيهن مووووووفق

[سعيد بن عياش]

ما شاء الله تبارك الله بارك الله لك فيه أشهد لله أنه ناموس , لكن أد حق الله فيه , من جاك يضرِّب لا ترده ويبارك الله لك فيه ومثلك وجه عامر ما يوصى ,لكن وصية حق عليه أقولها.

[مساعد بن خالد]

كم سومه البعير

[نايف الذيب]

منصور

ماشاء الله تبارك الله

انت راعي نظر طيب مايحتاج تاخذ راي احد

تقبل تحياتي

[منصور555]

مساء الخير بالنسبه للفحل اصله معروف ماله عرف بخان ياللي تقول والفحل الحمد لله ماخبر اني منعت احد منه والفحول واجد وطيبه واشكال واللوان ولله الحمد
وشاكر مرور باقي الاخوان ويعطيكم الف عافيه