شفّي بلغزٍ به اصبِّح ربوعي حله(ذيب الفقاره وصقرالسديرات)الحل(شعرة من جلد الخنزيرمكسب)

[ابو ماجد 2]

بسم الله الرحمن الرحيم

السلام عليكم ورحمة الله وبركاته


شفّي بلغزٍ به اصبِّح ربوعي =شلّة صباحٍ بيرقه بالغطو لاح
كلٍ على الغطوات فعله يروعي=كلٍ ترى سهمه على الغطو ذباح
ياويش بنتٍ ماخفت من يبوعي=ماجهلها من كان للوصف لماح
بنتٍ ابوها شين شين الطبوعي=مع ذا بذكر الناس تنعت بالارباح
بنتٍ ابوها مالنا به نفوعي=لو هو حوى جمعٍ من البنت ياصاح


مع تحيات ابو ماجد

منتديات مكشات . خيمة الالغاز

[هاوي عبث]

صبحك الله بالخير والرضى يا فارسنا وهلا بك ومسهلا
وصح لسانك .. والله يكفينا شرابو ذا البنت (:
جاااااري التفكير بس حبيت اصبح عليك وعلى الربايع

[عطري]

و عليكم السلام و رحمة الله و بركاته
صح لسانك أبا ماجد، و صبحك الله بالرضا و العافية.
أبيات جميلة و طرح فريد، جاري التفكير في هالبنية.

[الماايسترو]

صح لسانك يابو ماجد

رمعه مستعجله

الرشوه

ولنا لقاء بعد التمعن

[ابو ماجد 2]

صبحك الله بالخير والرضى يا فارسنا وهلا بك ومسهلا
وصح لسانك .. والله يكفينا شرابو ذا البنت (:
جاااااري التفكير بس حبيت اصبح عليك وعلى الربايع


هلا بالغالي
صبحك الله بالنور
صح بدنك وسعدنا بتواجدك
ننتظر مرماعك
تحيتي لك

[ابو ماجد 2]

و عليكم السلام و رحمة الله و بركاته
صح لسانك أبا ماجد، و صبحك الله بالرضا و العافية.
أبيات جميلة و طرح فريد، جاري التفكير في هالبنية.


صح بدنك
وصبحك الله بالرضا والعافيه
شرفتنا وفي انتظار مرماعك

[ابو ماجد 2]

صح لسانك يابو ماجد

رمعه مستعجله

الرشوه

ولنا لقاء بعد التمعن

هلا بك يابو عوض
وصبحك الله بالخير
صح بدنك
والرمعه مالك لوى
انتظر مرماعك القادم

[الماايسترو]

نعاود المحاوله

مضاربة الاسهم

واعتقد ان اللياقه في هبوط هههههههه

[ذيب الفقارة]

صح لسانك أخوي أبو ماجد

رمعة ضلعاوية :

يمكن تكون جائزة نوبل

[ابوماريا]

صح السانك يابو ماجد
والله يعطيك العافية

البيضة

وطبق البيض

[ابو ماجد 2]

نعاود المحاوله

مضاربة الاسهم

واعتقد ان اللياقه في هبوط هههههههه

هلا بك يالغالي
هلا بك يابو عوض
لياقك حلوه بس اخاف انا يقالي ابموه واعميته

[ابو ماجد 2]

صح لسانك أخوي أبو ماجد

رمعة ضلعاوية :

يمكن تكون جائزة نوبل


صح بدنك يالذيب
مالك لوى يالغالي

[ابو ماجد 2]

صح السانك يابو ماجد
والله يعطيك العافية

البيضة

وطبق البيض


صح بدنك يابو فايز
مالك لوى يالغالي
هذي يذكرونه بالارباح وابوها وهو يحمل جملة منها وينه ووين الارباح

[المزيدي4]

وعليكم السلام ورحمة الله وبركاته
صح لسانك يا أبو ماجد
وسلمت ودمت مبدعا

رمعة مدري كيف تركب ؟
بس خل أقولها
الصدَفة ، والبنت اللؤلؤة
ودمت متعاونا

[ابو ماجد 2]

وعليكم السلام ورحمة الله وبركاته
صح لسانك يا أبو ماجد
وسلمت ودمت مبدعا

رمعة مدري كيف تركب ؟
بس خل أقولها
الصدَفة ، والبنت اللؤلؤة
ودمت متعاونا



هلا بك يابو سعد
واسعد الله جميع اوقاتك
صح بدنك وسلمت من الشر
الرمعه مالك لوى
انتظر مرماعك القادم

[ابو ماجد 2]

بسم الله الرحمن الرحيم

السلام عليكم ورحمة الله وبركاته

نزيد بيت لعله يحصر المرماع اكثر


شفّي بلغزٍ به اصبِّح ربوعي =شلّة صباحٍ بيرقه بالغطو لاح
كلٍ على الغطوات فعله يروعي=كلٍ ترى سهمه على الغطو ذباح
ياويش بنتٍ ماخفت من يبوعي=ماجهلها من كان للوصف لماح
بنتٍ ابوها شين شين الطبوعي=مع ذا بذكر الناس تنعت بالارباح
بنتٍ ابوها مالنا به نفوعي=لو هو حوى جمعٍ من البنت ياصاح
معنى مثل مابيننا له شيوعي=معنى مثل بالربح للناس لواح


مع تحيات ابو ماجد

منتديات مكشات . خيمة الالغاز

[أبو ذيب 77]

صح لسانك يالزعيم...جزل من جزل..

وش قولك بالمثل القائل .. قدر الشراكة مايفوح.

دمت رابح في الدارين

[ابو ماجد 2]

صح لسانك يالزعيم...جزل من جزل..

وش قولك بالمثل القائل .. قدر الشراكة مايفوح.

دمت رابح في الدارين


صح بدنك يالغالي
وصبحك الله بالخير
الجزل انتم اهله
الرمعه مالك لوى يالغالي

[قل ليش]

صح السانك ابو ماجد اقول والله اعلم انها( الحصاله

[ذيب الفقارة]

يمكن :

البنت السرقة

أبوها السارق

المثل :

المال السايب يعلم الناس للسرقة

.......................

الضلع ..... الضلع

[عطري]

مساك الله بالخير

وش رايك في المثل : مايمدح السوق إلا من ربح فيه.
و زين السوق و لا زين البضاعة.
نلتقي على خير بإذن الله،،،

[راعي العجراء]

صح السانك يابوماجد
فيه مثل يقول
لاشفت القرد بالشارع تلقى الغزال بالبيت

[ابو ماجد 2]

صح السانك ابو ماجد اقول والله اعلم انها( الحصاله

صح بدنك يالغالي
وصبحك الله بالخير
مالك لوى
تحيتي لك وتقديري

[ابو ماجد 2]

يمكن :

البنت السرقة

أبوها السارق

المثل :

المال السايب يعلم الناس للسرقة

.......................

الضلع ..... الضلع


هلا بالذيب
وصبحك الله بالخير
مالك لوى
تحيتي لك وتقديري

[ابو ماجد 2]

مساك الله بالخير

وش رايك في المثل : مايمدح السوق إلا من ربح فيه.
و زين السوق و لا زين البضاعة.
نلتقي على خير بإذن الله،،،



هلا بالعطر الفواح
وصبحك الله بالخير
مالك لوى
تحيتي لك وتقديري

[ابو ماجد 2]

صح السانك يابوماجد
فيه مثل يقول
لاشفت القرد بالشارع تلقى الغزال بالبيت



صح بدنك
هلا ببطل القصة وفارسها
صبحك الله بالخير
مالك لوى
تحيتي لك وتقديري

[عطري]

صبحك الله بالخير أبا ماجد
دام عندي فراغ الحين برمع في كل الاتجاهات ، لا تنس اليوم الأربعاء و الله المستعان.
وش رايك في المثل : التجارة شطارة.

[ابو ماجد 2]

صبحك الله بالخير أبا ماجد
دام عندي فراغ الحين برمع في كل الاتجاهات ، لا تنس اليوم الأربعاء و الله المستعان.
وش رايك في المثل : التجارة شطارة.


هلا بالعطر الفواح
صبحك بالخير
مالك لوى يالغالي
والمثل فيه معنى الربح كقولنا مكسب فايده ....الخ
هالبنت صغيره وابوها يحمل من جنسها ملايين
وقولي مع ذا بذكر الناس تذكر بالارباح
اي بالذكر اي بالمثل . لكن الحقيقه مابها ريح الربح

[ذيب الفقارة]

هذي رميعة ضلعاوية :

شعرة من جلد الخنزير فايدة

[صقر السديرات]

صح لسانك فارسنا ابو ماجد يا الله حيوه
اتمنى تكون بصحة ممتازة
سافجرها هذه المرة
وسالحق بالركب واترك الجبل خلف ظهري اجل اجل
انه المثل القائل
شعرة من جلد الخنزير فايدة
دمت صحيحا معافى

[ابو ماجد 2]

هذي رميعة ضلعاوية :

شعرة من جلد الخنزير فايدة






صح لسانك فارسنا ابو ماجد يا الله حيوه
اتمنى تكون بصحة ممتازة
سافجرها هذه المرة
وسالحق بالركب واترك الجبل خلف ظهري اجل اجل
انه المثل القائل
شعرة من جلد الخنزير فايدة
دمت صحيحا معافى



ذيب الفقاره . صقر السديرات
كفووووووو كفووووو كفوووووو
لله دركما جميعا
توافقتوا مع بعض
نعم
شعرة من جلد الخنزير مكسب
واعذروني عن الشرح مستعجل
واعتقد واضح

[عطري]

صح لسانك أبا ماجد و لله درك، كل يوم نستفيد منكم الجديد.
كفوووووووووووو ياذيب الفقارة ، كل يوم و لك لغز مفيد.
كفوووووووو ياصقر سديرات، هالمرة ماشاء الله متميز بعد عودتك من ؟؟؟؟؟؟؟؟