احد تعامل مع زاجل للشحن السريع

[محمد السويلم]

السلام عليكم ورحمة الله وبركاتة
اخواني الأعضاء الكرام
قبل شهر ارسلت اغراض عن طريق زاجل ولا وصل الأغراض للي ارسلتها له ومن ذاك اليوم كل ماتصلت عليهم يقولون بنرفع لك ايميل وبنتصل عليك خلال 24ساعة والى يومكم ماأحد اتصل علي مع العلم كل يومين اتصل عليهم ونفس الكلام يقولون لي والأغراض ماتنوجد مثلها .
فيه احد تعامل معهم وصارله مثلي وشلزن تعامل معه ورجعوله الأغراض
مع العلم انهم ماقالوا لي انها مفقوده ولا قالو انها موجوده اسلوب تطفيش الين امل منهم واتركهم

[ابو بدر العتيبي]

وعليكم السلام ورحمة الله انا كثير التعامل معهم والحمد لله ماصار شي

[اابوعبداللطيف]

اخي الكريم/محمد السويلم
نعم انا تعاملت معهم ووالله انها المره الأولى والأخير
ارسلت معهم شحنة عسل شمع وكانت تقريبآ 40ك والله والله خسرت الأرساليه كلها وراحت علي وخرب كل العسل وصار مثل العجينه من الحرارة والرطوبه
طبعآ اول ماشافها العميل رفض عدم استلامها وصورها وقالو له خلاص هذه شحنه تالفه نعيدها لرياض ويكلموك تاخذ فيها تعويض طبعآ العسل قيمتة اكثر من 20000 الف ومن 15/8/1433 الى اليوم لا حس ولا خبر
اكلم المجاني ارسلنا ايميل اكلم الأدارة في الدمام يتهربون حتى صرت معروف عندهم ولا عاد يردون علي ووصلت معهم انه اذا سمعو صوتي يقطعون الخط
ولكن وانا اخوك ابشكيهم في المحكمه والله يعين عليهم
وحسبي الله عليهم

[ابورايف]

شركه زاجل للنقل أتعامل معها بأستمرار ولا حصل شي ولله الحمد

[اصيل نجد]

هلا بامحمد شف اخوي رحلهم خل الاتصال مايجيب نتيجه كلهم جحلط والله ماتدري من انت بيده عماله وشخل مشي حالك وسوف تتفاجا اذا رحت لمحلهم حوش مغطي بشينكو والداخل مفقود والخارج موولود من سوى التنظيم والاداره انا كنت عندهم امس الصباح مكتوب على الباب بطباشير حتي مافيه لوحه الدوام من الساعه ٩ صباحا وانطق الين فتحو الساعه ٩.١٥ ًوالله كننا شحادين عند الباب رح ياخوي اوصلهم ومن تشوف حوشهم استخلف علي بضاعك وربي يعوضك

[aljde40]

قمة الفوضى حسب تعاملي معهم وادخل على أي مكتب وشف الفوضى أرسلت معهم أغراض من الدمام للرياض يوم وصلت وإذاهي مكسرة ومرة أرسلت أغراض من الدمام للقصيم ولم تصل وأسأل عنها وكل واحد يقطني على الثاني والدمام يقولون إسأل القصيم والقصيم يقولون إسأل الدمام وبعد 15 يوم أحصلها رايحة لجدة .

[1من نجد]

والله هي حظ ونصيب عموما دايم اختر الشحن السوبر لأن فيه اهتمام اكثر ولاتشحن اشياء عليها الكلام معهم ابد

واللي فقدته ارجع لمكان الشحن وتأكد انه طالع من عندهم وشوف مستودع التسليم روح بنفسك بتحصل غرضك موجود فيه لأنهم ضيعة مايدرون وش اللي سلم من اللي بيشحن

[شمس المغيب]

زاجل تعاملت معهم كثير ولم يحصل شي ولله الحمد ولكن تتاخر عن الموعد فقط

[أبو ذيب 77]

رحت استلم من زاجل الرياض بضاعة واصلة بأسم صديقي..قل لي الموظف دور في القسم هذا وادور نصف ساعة لين لقيت الاسم على الكرتون ودفعت 10 ريال وطلعت بدون اي تحقق من ان البضاعة لي انا او اي شي يدل على اسم المستلم؟؟؟؟

السؤال هل هذي طريقتهم؟؟
وكيف لو جاء واحد وخذ له اي كرتون وعطاهم 10؟

[ابوخالد]

والله أنها شركة خايسه ومجموعة أجانب لا مسؤليه ولا أدب ولا نظام ولا تنفع إلا لنقل الحدديييييد بس صدقوني ماتنفع ولي يبي غرضه يوصل سالم يغلفه تغليف محكم هو من نفسه والله ثم والله انا جايب لهم محول كهرب خذه مني العامل ورماها في شمس ولو لا أني مأخذ حسابي في التغليف كان راح فيها تبي لها مسااااااافه طويله هالشركة وشركات الي علي شكله توصل الآن تسمي ناقل بس عشان الكرتون ب١٠ هذا هو الي يجذب الناس ولاكن حرام شي قيمته بذاك شي ارسله معهم وانت يارعي العسل ما لقيت إلا أفشل شي لنقل عندك فدكس لنقل المواد الغذائية ممتازة مره

[محمد السويلم]

اشكر كل من رد على الموضوع وشاكر اهتمامكم فعلآ التعامل مع زاجل مخاطره انا رحتلهم وكلمت الأداره عندهم وقالي اتصل على الرقم المجاني ويفيدونك وانا من يومها وانا اتصل على الرقم المجاني واروح للأداره ويقول بنتصل عليك والرقم المجاني نفس الكلام بنرفع ايميل ونتصل عليك والى بومك لها فوق الشهر ولا اتصل علي احد .
لكن التوبه اذا تعاملت معهم

[(التوقيع)]

معك رقم الارساليه تقدر تدينهم واذا مامعك شي الله يعوض عليك

اما حصل لي نفس الطريقه استقبلت ارساليه لها اسبوع مرسله وهم يقولون يومين واصله ورحت لمهم ودور بالفواتير ولا حصلو لي شي قالوا ماجت قلت لها اسبوع ماجت ماهو كلام ويبحثون مره اخرى ونفس الطريقه قالوا ماجت وبعدها وانا ادخل المخزن وابحث عنها بالرقم والاسم والجوال اي واحد منهن واخيرا وانا احصله كرتون طايح مع هالكراتين وانا اخذه وامشي . وبعدين قالوا فاتورته ماجت ولا بين اننا استلمناه قلت الحمد لله اللي الله عقل علي , لكن مالك الا تدوره بنفسك بمخزنهم اذا هي مهمه الارساليه

[طير الغرام]

شركة فاشلة و تدهورت مؤخراً تدهور خطير

كثر ضياع و تلف الأشياء عندهم و الغالب أنها تتعرض للسرقة من العماله

[شربوش]

قمة في النهب والفوضى والعشوائية وحماية المستهلك نايمة في العسل
نصيحة من إنسان قد اكتوى بنارهم لا تقربهم ولو حدت أسافر أجيب غرضي ولا أرسل معهم
والله على ما أقول شهيد

[عاشق الاتحاد]

اخواني الافاضل
انا دائما اتعامل معاهم وعمري ماحصل شي منهم
تجني ارساليات من عروق الشمال
ومن رفيق الدرب ومكشاتي
دائما استلمها 100%

[محمد السويلم]

الأخ الدهامي معي الفاتوره ولا طلنا شي

[WWS]

والله هي حظ ونصيب عموما دايم اختر الشحن السوبر لأن فيه اهتمام اكثر ولاتشحن اشياء عليها الكلام معهم ابد

واللي فقدته ارجع لمكان الشحن وتأكد انه طالع من عندهم وشوف مستودع التسليم روح بنفسك بتحصل غرضك موجود فيه لأنهم ضيعة مايدرون وش اللي سلم من اللي بيشحن


هي آؤل مره ؤ آخر مره آتعـآمل معهم
تعـآملت معهم مره بـآلشحن آلسؤبر ؤ تيتي مثل مـآرحتي جيتي
مرجؤمه مع آلحؤسه ؤ آلكرـآتين
ؤ آلسؤبر ؤ آلعـآدي كلهـآ تنشحن سؤـآ ؤ تؤصل سؤآ
مجرد آسم ؤ زيـآده قرؤش
ؤ غير آلتـآخير كلآمهم بـآلنت غير ؤ آلؤـآقع غير
ؤ غير آلتـعـآمل آلسيء ؤ آخلآق زفت
ؤ آلقرف في مكتبهم فرع آلجبيل
ؤ آلمؤظف آللي فيه
يقؤل آتصل عليك ؤلآ ترد ؤ مقفل جؤـآلك
ؤ هؤ يكذب ؤ لهـآ آسبؤع ؤـآصله عنده
ؤ يقؤل مـآجـآء شيء ؤ بـلآخير مرجؤمه
يعلم الله آن آلصرـآصير الله يكرمكم
تتمشى فيه

يـآزين آلبريد آلسعؤدي
آرسلت من آلجبيل لبريده
في رمضـآن بعد صلآه آلترآؤيح
ؤ من بكرـآ يدق علي آخؤي يقؤل ترـآ آستملتهـآ
ؤ آلتغليف رـآقي ؤ ممتـآز:good2::good2::good2:

[عزبة بر]

اسمع يالغالي .. اذا كان الغرض ما ينكسر وقيمته مو غاليه

ارسله عن طريق زاجل

لكن اذا كان شي يستاهل ارسله مع شركة محترمة حتى لو غالي

علشان ما يروح عليك غرضك

كذا نظامي معهم

بالتووفيق لك

[ابو كشتة]

شركة نقل رخيصة السعر طبعا شغلهم فيه فوضى ولافيه نظام عندهم
شحنتك ممكن توصل مع الاف المنقولات وممكن تضيع واذا ضاعت مافيه امل ترجع ولاتعوض
الادارة نفسها مجموعة حرامية تفكر يحاسبون المتسبب او يبحثون عنها مافيه امل
اول يهايطون عليك بعدين صدقني بيعطونك من الكذب والتخدير لين تمل من نفسك وتفهمها
ارسلت شحنة قارمن جديد بكرتونه بالشحن الي برقم تتبع ويكون داخل السيارة مع السواق والاستلام والتسليم بكشف ب40 ريال ولليوم ماوصل له سنة والرجال صاحبه ماترك احد من الادارة والمسؤولين ماكلمه وخلصوا كل كذب العالم عليه بعدين صارو مايردون على اتصالاته

[محمد السويلم]

أشكر كل من افادني برئيه وجزاهم عنا خير الجزاء
ابشركم الى الأن وشركة زاجل يقلون بندوره واذا ماحصلناه بعد يومين بنعوضك ولهم الأن ثلاث شهور على الحاله هذه .
نصيحة أقدمها للأخوه :
لا ترسل عن طريق زاجل اشياء ثمينه او منقرضة لأن لو فقدت أو اتلفت لن يعوضوك بريال واحد

[مكشاتي مدني]

انتبة تتعامل معهم تراهم يضيعون احيانا الارساليات اجل عمرك شفت شركة توصيل اقول وين الارسالية ويقول المصري عندك الكراتين دور فيها لاتتعدى ارامكس عطي الله يوصل من الباب للباب

[المغيسلية]

اتعامل معهم دائما وهي ممتازه

[راعي التراث]

شركة فاشلة بمعنى الكلمة

[do7my]

طيب جربتوا تتعاملون مع البريد السعودي؟؟؟


والله انه يقدم خدمات احسن من زاجل وارامكس وفيدكس وغيرهم

ويكفي انتشار مكاتبه في كل ارجاء المملكه

اتوقع مافيه شركة شحن راح تغطي على انتشاره


وبالنسبه للسعر
لغاية 15 كيلو بـ 15 ريال بس
ويعطونك رقم تتبع بعد
خلوكم من شغل بربسة زاجل والغلاء الفاحش في اسعار الشركات الثانيه

[شنطة عده]

الله لا يبيحهم ولا يحللهم ضيعو علي ارسالية او بالاحرى سرقو علي الارسالية