(( الذيب))
04/12/2012, 08:39 AM
أعتذر عن غيابي الي طال عنكم وهذي تجديد المحبة
قصيده موجهه لي من الشاعر /محمد عبيدالله الحربي يقول فيها
يـاهاجسي قود البكار المضراه=وامشـي طريقك سوقها يـم غالـي
وليــا نصيته بلغــه قــاف مبداه=سـلام يــاراع الوفـــا والكمالـي
انت العزيز ويفرح القلب طرياه=والجود ساسك ورث عم(ن)وخالي
باسوق لك من قاف شعري ومعناه=بمناسبة مالك بيوت(ن) جزالـي
لجلك يابـو مـالك ولعيون ملفـاه=بسري بموكب ناسجه مـن خيالـي
وارقـى سنـود وعالـي الضلع برقـاه=وابهر اشعــاري بصفر الدلالـي
يـاللــه تحفظلـه وليــده ومـاجـاه=وتبلغـه رشــده وترزقــه مالــي
وتجعله ذخر(ن) يفتخربـه لمرباه=ويبرهـم يصبح لهم خيـر والـي
وتكحـل اعيونـه ابنته معافــاه=وتمشي قبالـه مثــل مشـي الغزالـي
ويعـود للمقناص يـوم(ن) نبغـاه=ونحرص علـى خوته بعد انشغالـي
مع خوة (ن) تشرحلك البال تشفاه=ارجال من صفوة قنوص الجبالي
مـاهمها ياكـود شوفـه بمفلاه=ولا الرمـي ترمـي برمي(ن)هـوالـي
اتدور اكبــار الوعـول المخفـاه=وترسـل عليهـا اسهومها باشتعالـي
ولا خاب عبرود(ن) ومحكوم مرماه=يوم(ن) خبرتنا سنين(ن) طوالي
ويـاكـم ناخس بـالشـوازن ذبحنـاه=فـي وسـط غـاره مالقالـه مجالـي
وليـا طرينا الشعر جيت انت باعلاه=ماخالط ابيوتك بيوت(ن) هزالـي
اليـا حكمت القـاف ثم جيـت تقراه=قمنـا نشيلـه بجمـل الصـوت عالـي
ونـردده مــن زود حكمه ومبنـاه=وســط المجالس شـعرك اكبـر مثالـي
وصلـوا علــى امحمـد بحق(ن) عرفاه=اعـداد مـاذعذع بــراد الشمالـي
واعداد غصن(ن) نابت(ن) فوق مرواه=واعداد ماساق الدلال الرجالي
ورديت له بهذه الابيات التي ارجو ان تحوز على رضاكم
يــاهاجسي جتك البكـار المسمـاه=مــن بعـد عشت فـوق روس المفالـي
مـن راس حدب(ن) طاب جوه ومرعاه=كسـاه عشب الفكر مثـل الزوالـي
في موكب(ن) ماشفت ياناس حلياه=على الشحم ورد(ن) وصفر(ن) تلالي
مـن شاعـر(ن) ياطيـب سبكـه ومغزاه=شـاعـر ليــا هـاز الطويلات قالـي
يــامرحبا بالصاحــب الــي عرفناه=كريـم طيـب نفـس دمـث الخصالـي
مـن طيـب نفسه جـاب فـالشعر نجواه=يـالله عساه اليـا طلب شـي نالـي
يـدعـي عسـى رب الملـى يقبـل ادعـاه=الواحـد المعبـود رب الجـلالـي
وجريـت يـامحمد علـى قلبي ارشاه=واوحي بصدري مثـل صوت المحالـي
ذكرتنـي فــي وقـت يازيـن ذكـراه=يـوم الوعــول اتدوج مثــل الحلالـي
يــامـا علــى روس الشغانيـب جبناه=ويــامـا طرحنـا فـالسهل والتلالـي
انتـه تبــى الموعـد وانــا مثلك ابغاه=مـوعدك مـع اول طلـوع الهلالـي
الليـل مظلـم والنهـار انحسـر مـــاه=والصيد بيــن المـاء وبيــن الظلالـي
مـن غيـر دربيل المسافـات قسنـاه=بعـد الضريبـه عـن فويـه الصوالـي
ون كـان راد اللـــه رمينـا وصدناه=ونعلقـه فــوق الفنــون الجلالــي
واشويلكم كبــده وقلبـه مــع كــلاه=والبـاقـي اتشيلـه ظـهور الجمالـي
هـذا هـوى بالــي وشفـي وسلواه=مـع رفقت(ن) دايـم هواهـم هوالـي
وختامها عنـدي نصيحة ومسـداه=للـي لهم فـالصيد شــف(ن) وتالـي
قولوا لراعـي الصنف لايرمـي الشاه=وقت الضريع ووقت نشو السخالـي
وصلوا عـدد مــن زار بيت اللــه وجاه=واعداد حبـات الحصــى والرمالـي
علـى نبـي(ن) جـاء بحـق(ن) وطعنـاه=شفيعنـا يــوم الحشـر والسؤالــي
قصيده موجهه لي من الشاعر /محمد عبيدالله الحربي يقول فيها
يـاهاجسي قود البكار المضراه=وامشـي طريقك سوقها يـم غالـي
وليــا نصيته بلغــه قــاف مبداه=سـلام يــاراع الوفـــا والكمالـي
انت العزيز ويفرح القلب طرياه=والجود ساسك ورث عم(ن)وخالي
باسوق لك من قاف شعري ومعناه=بمناسبة مالك بيوت(ن) جزالـي
لجلك يابـو مـالك ولعيون ملفـاه=بسري بموكب ناسجه مـن خيالـي
وارقـى سنـود وعالـي الضلع برقـاه=وابهر اشعــاري بصفر الدلالـي
يـاللــه تحفظلـه وليــده ومـاجـاه=وتبلغـه رشــده وترزقــه مالــي
وتجعله ذخر(ن) يفتخربـه لمرباه=ويبرهـم يصبح لهم خيـر والـي
وتكحـل اعيونـه ابنته معافــاه=وتمشي قبالـه مثــل مشـي الغزالـي
ويعـود للمقناص يـوم(ن) نبغـاه=ونحرص علـى خوته بعد انشغالـي
مع خوة (ن) تشرحلك البال تشفاه=ارجال من صفوة قنوص الجبالي
مـاهمها ياكـود شوفـه بمفلاه=ولا الرمـي ترمـي برمي(ن)هـوالـي
اتدور اكبــار الوعـول المخفـاه=وترسـل عليهـا اسهومها باشتعالـي
ولا خاب عبرود(ن) ومحكوم مرماه=يوم(ن) خبرتنا سنين(ن) طوالي
ويـاكـم ناخس بـالشـوازن ذبحنـاه=فـي وسـط غـاره مالقالـه مجالـي
وليـا طرينا الشعر جيت انت باعلاه=ماخالط ابيوتك بيوت(ن) هزالـي
اليـا حكمت القـاف ثم جيـت تقراه=قمنـا نشيلـه بجمـل الصـوت عالـي
ونـردده مــن زود حكمه ومبنـاه=وســط المجالس شـعرك اكبـر مثالـي
وصلـوا علــى امحمـد بحق(ن) عرفاه=اعـداد مـاذعذع بــراد الشمالـي
واعداد غصن(ن) نابت(ن) فوق مرواه=واعداد ماساق الدلال الرجالي
ورديت له بهذه الابيات التي ارجو ان تحوز على رضاكم
يــاهاجسي جتك البكـار المسمـاه=مــن بعـد عشت فـوق روس المفالـي
مـن راس حدب(ن) طاب جوه ومرعاه=كسـاه عشب الفكر مثـل الزوالـي
في موكب(ن) ماشفت ياناس حلياه=على الشحم ورد(ن) وصفر(ن) تلالي
مـن شاعـر(ن) ياطيـب سبكـه ومغزاه=شـاعـر ليــا هـاز الطويلات قالـي
يــامرحبا بالصاحــب الــي عرفناه=كريـم طيـب نفـس دمـث الخصالـي
مـن طيـب نفسه جـاب فـالشعر نجواه=يـالله عساه اليـا طلب شـي نالـي
يـدعـي عسـى رب الملـى يقبـل ادعـاه=الواحـد المعبـود رب الجـلالـي
وجريـت يـامحمد علـى قلبي ارشاه=واوحي بصدري مثـل صوت المحالـي
ذكرتنـي فــي وقـت يازيـن ذكـراه=يـوم الوعــول اتدوج مثــل الحلالـي
يــامـا علــى روس الشغانيـب جبناه=ويــامـا طرحنـا فـالسهل والتلالـي
انتـه تبــى الموعـد وانــا مثلك ابغاه=مـوعدك مـع اول طلـوع الهلالـي
الليـل مظلـم والنهـار انحسـر مـــاه=والصيد بيــن المـاء وبيــن الظلالـي
مـن غيـر دربيل المسافـات قسنـاه=بعـد الضريبـه عـن فويـه الصوالـي
ون كـان راد اللـــه رمينـا وصدناه=ونعلقـه فــوق الفنــون الجلالــي
واشويلكم كبــده وقلبـه مــع كــلاه=والبـاقـي اتشيلـه ظـهور الجمالـي
هـذا هـوى بالــي وشفـي وسلواه=مـع رفقت(ن) دايـم هواهـم هوالـي
وختامها عنـدي نصيحة ومسـداه=للـي لهم فـالصيد شــف(ن) وتالـي
قولوا لراعـي الصنف لايرمـي الشاه=وقت الضريع ووقت نشو السخالـي
وصلوا عـدد مــن زار بيت اللــه وجاه=واعداد حبـات الحصــى والرمالـي
علـى نبـي(ن) جـاء بحـق(ن) وطعنـاه=شفيعنـا يــوم الحشـر والسؤالــي