سؤال عن الشناذره عند الاجانب ( الاوروبين والامريكان)

[falcon 1]

السلام عليكم ورحمة الله وبركاته
صبحكم الله بالخير جميعا ...كيف حالكم يالربع عساكم طيبين

سؤالي:

هل الاجانب يعترفون بالشناذره , وهل يستخدمونها ؟


جزاكم الله خير

تحياتي اخوكم فالكن 1
والسلام عليكم ورحمة الله وبركاته

[ابوعزيز2007]

والله مادري ننتظر الربع ونشوف

[راكااااان]

ماعندي خلفيه يفيدك الي عنده خبره بل موضوع لاكن انا عرف نكلس يشنذر المانيا هذه الي اعرفه

[falcon 1]

جزاكم الله خير يالربع
نشوف الاخوان شيقولون

[THE SNIPER H]

لا الاجانب لا يقومون بالشنذره حيث انها خطيره علي الطير وقد تؤدي لقتله
كما انها تؤدي للالتهاب في الفرسه

[الغرشوب]

..ما اعتقد : حسب نضرتي لهم ..
وبنسبـــه لي الحمد لله ما اعترف فيهاا << مع اني مبتدي ..

[صقر الجنوبي]

السلام عليكم ورحمة الله وبركاته
صبحكم الله بالخير جميعا ...كيف حالكم يالربع عساكم طيبين

سؤالي:

هل الاجانب يعترفون بالشناذره , وهل يستخدمونها ؟


جزاكم الله خير

تحياتي اخوكم فالكن 1
والسلام عليكم ورحمة الله وبركاته


وعليك السلام ورحمة الله وبركاته
اي نعم ياأخي الأجانب في أوروبا وأمريكا والصين واليابان وغيرهم كثير من الدول الصناعية يستخدمون الشناذرة في بعض الصناعات كمواد لتصنيع البطاريات والألعاب النارية وفي الصياغة وعمليات لحام المعادن وفي المجال الطبي في مستحضرات حل البلغم ولدبغ الجلود وغيرها لأن الشناذرة هي مادة كلوريد الأمونيوم وتدخل في بعض الصناعات
أما نحن فالشناذرة لدينا يستخدمها الصقار لإزالة الكيس الدهني وهي طريقة مضرة وقد تؤدي الى موت الطير ولكن أنصح الصقار باستخدام 7حصوات صغيرة أفضل في المساء بعد اعطاء الطير وجبة خفيفة بدون الريش والعظم والجلد.

[falcon 1]

اولا جزاكم الله خير
ثانيا : الشي الي ابي اوصله ..انه نترك هالعاده ..حنه ناخذه علبنه جدي استخدمه وجد جدي استخدمه الخ.
لازم نكسر هالحاجز . الطيور دايما تمرض من الشناذره وانا شوفت عيني واجد ماتت منها .

الله يكتب الي فيه خير
ويرزق كل مسلم من واسع فضله

تقبلو تحياتي
اخوكم
فالكن 1

[بو_غانم]

الأجانب لا يستخدمون الشناذر ولا يعرفونها،

اعرف الكثير من الصقارين البريطانيين وطريقتهم في اخراج الشحم الزائد يكون بوضع حول وكر الطير الحصى الصغير، ف اذا احتاج الطير ينزل من وكره وياخذ حاجته من الحصا وبعد فتره يخرجها.

طريقة ممتازه لا شناذر ولا هم يحزنون.

[سلطان 1]

مشكور اخوي
فالكون ١ علي طرح هالموضوع.
ولا قصور في الاخواااااان اللي ردو قبلي.

لكن بالنسبه لي انا
اقول الغرب ماهم قدوه لنا في مسأله الطير وتدهيله
والامور اللي تتعلق بالطير.
ياخي
اول من صقر بالصقر وصاد به هم العرب.
وأول من درب وصاد بالصقر هو / الحاااااارث بن معااااويه. /
وأول من صاااااد في الاسلاااام هو / حمزه بن عبدالمطلب /اسد الله.

ياخي الغرب شف طريقه صقاااارتهم واغسل يدك منهم.

الشنااااذر بعد الله سبحانه
هي اللي تزين نفس الطير
ولولا الله ثم هالشنااااذر والله من طير
بيغدي ولا هوب صائد.

[راكااااان]

مشكور اخوي
فالكون 1 علي طرح هالموضوع.
ولا قصور في الاخواااااان اللي ردو قبلي.

لكن بالنسبه لي انا
اقول الغرب ماهم قدوه لنا في مسأله الطير وتدهيله
والامور اللي تتعلق بالطير.
ياخي
اول من صقر بالصقر وصاد به هم العرب.
وأول من درب وصاد بالصقر هو / الحاااااارث بن معااااويه. /
وأول من صاااااد في الاسلاااام هو / حمزه بن عبدالمطلب /اسد الله.

ياخي الغرب شف طريقه صقاااارتهم واغسل يدك منهم.

الشنااااذر بعد الله سبحانه
هي اللي تزين نفس الطير
ولولا الله ثم هالشنااااذر والله من طير
بيغدي ولا هوب صائد.
كلام سليم بس هم تفوقو بلعلم ودراسه انا تابعتهم وصقارتهم عجيبه لو يهد الطير على بعير هد شي غريب سبحان الله

[راعي الذيبة]

ماضنى لانهم مايقنصون الاجانب نفس العرب

[falcon 1]

الله يجزاكم خير يالربع على ردودكم

بيض الله وجيهكم

اسال الله ان يوفقكم لكل خير ويرزقكم من واسع فضله

[شرمان99]

انا ضد الشناذر عندي طيري له اربع سنوات ما اذكر اني شنذرتة اخذه وهدة ويصيد

[بدا]

سؤال يطرح نفسه هل هو حلال شنذرة الطير ...؟؟؟؟

[m7md-qtr]

توجد شناذر طبيه في قطر ولا اعرف ان كانها عندكم فالسعوديه ولكنها افضل بوااجد من الشناذره العاديه وبارده على الطير والطيور الكبار ماتلتهب منها

[عواد الشمري2]

الغرب مدري عنهم
اما من ناحيت نترك الشناذر والله هذي على حسب الطير
فيه طيور مستهده ماعندها مشكله ونفسيتها زينه ومورها طيبه وفيه طير لا مايندق خشمه الا بشناذر على حسب الطير هذي

[نجم404]

يعطيك العافية على هالمعلومات المفيدة

[عاهد بن علي]

بعض الوحوش ( يشنذر نفسه ) بابتعلاع حصوات صغيره

[Hawawii]

لهم طرق اخرى في الشنذره

[عيون النسر]

مشكور اخوي
فالكون ١ علي طرح هالموضوع.
ولا قصور في الاخواااااان اللي ردو قبلي.

لكن بالنسبه لي انا
اقول الغرب ماهم قدوه لنا في مسأله الطير وتدهيله
والامور اللي تتعلق بالطير.
ياخي
اول من صقر بالصقر وصاد به هم العرب.
وأول من درب وصاد بالصقر هو / الحاااااارث بن معااااويه. /
وأول من صاااااد في الاسلاااام هو / حمزه بن عبدالمطلب /اسد الله.

ياخي الغرب شف طريقه صقاااارتهم واغسل يدك منهم.

الشنااااذر بعد الله سبحانه
هي اللي تزين نفس الطير
ولولا الله ثم هالشنااااذر والله من طير
بيغدي ولا هوب صائد.

والله كلامك زين احنا الي علمنا الغرب التصقير واحنا من ابتدعناة