مشاهدة النسخة كاملة : استفسار عن اسعار مولد كهربائي (ماطور)
أبو عائشة
04/12/2012, 04:36 PM
السﻻم عليكم
مساكم / صبحكم الله بالخير
حبيت استفسر عن الماطورات احجام 1800 - 2000 - 2200 واط كم اسعارها بالشرقيه
واذا فيه مستعمل وبحالة جيدة اهﻻ وسهﻻ السومه جاهزة
هوا الشرقية
04/12/2012, 07:17 PM
حياك الله اخوي
انا اللي اعرفه ان مواطير هوندا ( تجميع هندي ) الـ 2000 شمعه بـ 2000 ريال اما الـ 2500 شمعه فبـ 2500 ريال .
لكني انصحك بماطور روبن الاصفر 2900 شمعه ( ياباني اصلي ) بـ 2900 ريال وصدقني عن تجربة انه لك وللزمن حتى ان عندي مكيف جنرال الكتريك فريون نقال 10000 شمعه اللي يبيعونه في ساكو وكان يشتغل عليه بالراحه .
الروبن 2410 شمعه ب 2700 ريال بالقديمي بالدمام
2900 شمعه ب 2900 ريال
الهوندا الصغير اليباني الاصلي 2000 شمعه ب 3200 ريال
الهوندا الهندي على 2000 الى 3800 حسب مقاسه
الينمار الديزل من 6500 وفوق
المواطير الصينية من 800 الى 2000 ريال حسب المقاس
ولي تجربه مع الصيني الاحمر من اليماكس مقاس 2900 شمعه طلعت الى الان 4 طلعات فيه مشالله شغال وكل طلعه اقل شي 5 ساعات تشغيل زي الورد كلفني 1500 ريال الله يستر من بعدين هههههه لايجيب العيد
صراحة الروبن عن واقع تجربة حمار مكدة
سدير سديرك
05/12/2012, 02:43 AM
انا انصح بروبن الاصفر ياباني ممتاز حمار مكده من جد شاريه من زمان وخبط وسبب التخبيط من الزييت حاطه عند العمال ويشغلونه ولا يهتمون بالزيت ولقيته يحطون زيت محروق حق مينة ديزل وخبط وضبته عند واحد شغله دمار
واشتغل فتره بسيطه وانظلق الذراع وكسر المكينه الجرم وش السوات فيه انطله وشري جديد ولا وش العله
والعذر ياصاحب الاعلان دخلة موضوع بالموضوع ههه
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir