يا أخوان أفيدونا عن السكتون الإنجليزية ( الأومقا ) .. تكفون بسرعة ..

[الرساوي نت]

وهل هي حقت كد وإلا يومين وأنت لايفها ..:j





تكفون أفيدونا عاجلاً يالنشاما .

[Abo3zoz]

والله مدري عنها وانا اخوووك


يفيدووونك الاخوان ان شاء الله

[عاشق الحـوض]

والله مدري ونا اخوووك



يفيدووونك الاخوان ان شاء الله

[ابوفهد225]

السلام عليكم

الاوميقا ممتازه وتكد ولا تبي تغيير سسته الابالخمس سنوات اذا كنت تجلد بها جلد

واذا كان استعمالك عادي كل عشر سنوات

واذا هي نظيفه ولا لك نظر فيها تراي شراي

واذا انت خابر وحده ثانيه تراي شراي

ولاتخليني رد علي وانا اخوك

[الرساوي نت]

الأخوان abo3zoz و عاشق الحوض وابو فهد 225 الله يعطيكم العافية على تشريفكم للموضوع وما زلت أنتظر الرد من أصحاب المعرفة


أخوي أبو فهد 225 أنا مثلك شراي :)

[الرساوي نت]

معقولة ما تعرفون عنها شيء

[قناص بغداد1]

اترك عنك واشر الالمانيه فايروخ

[مدالنظر]

هههههههههههههههههههههههههههههههههههههههههااااي

أخوي الرساوي نت
أذا تخبرها جديده أبي منها 5 :D
أي نعم تراي صادق:cool:

الأوميقا مايحتاج تنشد عنهااااااا

أذا أنت تعرف أحد معه زيها ؟؟؟
خذها وجربهاااااا

ياجماعه.. قوة + وزن خفيف + وزنيه سهله جداً وثابته
وتراها تجي مقاسين 27 و 80 لكن والله العالم أنها نفس الحجم والوزن ولايبين معك وش هي الا من اللي يعرفونها
مثل الوكيل أو أحـد يبخصها زين
لأن الظاهر أنهم مايكتبون عليها المقاس
وأنا طال عمر مانيب أبخصها زين لكن مجربها فترة موسم واحد يعني تقريباً شهرين
غير طبيعيه هاك البندق!!!! ماشاءالله لا اله الا الله
ولا قط سمعت أحد يعذرب بها أو يسبها
الزبده أنها راااااااااحت على اللي فرصته ما أنتهزهاااااااااااااااا:(
ما أمدانا عليها قبل تنقطع
عاد الحين رح شف المستعمل بكم ؟؟؟:rolleyes:
:no2:
هذا أذا فرط فيها راعيهااااا

;) شف لي لو وحده معكم ياسناااايدي:good:

[شغب007]

انا استخدمها وهي حقت كد لي فترة طويلة وهي عندي ولله الحمد ماصار فيها اي شي

[جيب VX-R]

الرساوي اخوي مافي احسن وحقت كت الى ديــــــــــــــــنا من 45 لفوق
.
.
وانشاء الله تعجبك
.
اسمع دينا 45 افضل واريح لك .
.
والسلام عيكم

[شبح الصحراء]

أنا افتيك عن الأويجا ، اشتريت واحدة من الرماية مع بداية إجازة الصيف وكان سعرها 1695 ريال مع ضمان سنتين وقوتها 95 ، الأوميجا قوية جداً جداً وتعتبر أقوى السواكتين ، ولكن بعد اسبوعين إستخدام حصل عندي خراب بسيط فيها وهو عند تعشيق الماسورة لا تعود وتركب على القاعدة وصلحتها بـ 30 ريال ، طبعاً الخراب حصل خارج الرياض ولم استطيع اصلاحها على الضمان . ولكن الحمد لله بعد إصلاح الخراب عادت الأوميجا كما كانت وقد رميت بها أكثر من الف رصاصة دون مشكلة والحمد لله .
ملاحظات أخرى :
لاحظت ان التصويب بها غير دقيق بالمرة أحياناً تصيب الهدف وأحياناً كثيرة لا تصيب والسبب على ما اظن هو المنظار المستخدم نوع زيد وهناك من يقول ان السواكتين لا تصلح معها المناظير لأنها تتغير الوزنية فيها كل فترة وتحتاج لإعادة الوزن لذلك انصحك بعدم تركيب منظار .
وأنا مستعد لأي إستفسارات ثانية عن الأوميجا .

[الربذي]

لاتشاور روعه جلست عندنا يجي خمس سنين زي الحلاوه بس سرقت !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!
قبل ست سنين

[الرساوي نت]

والله ما قصرتوا الله يعطيكم العافية قولوا آمين .

وأبشركم شريت وحده جديدة للدخل من الرماية للي بطريق التخصصي بـ 1150 ريال والسكتون شكلها قوية وما صورتها قصيرة لكن وما سألتهم كم القوة .. نسيت لكن قلت لهم أبيها للدخل وقالوا سم :D

[سهيل واحد]

أنا افتيك عن الأويجا ، اشتريت واحدة من الرماية مع بداية إجازة الصيف وكان سعرها 1695 ريال مع ضمان سنتين وقوتها 95 ، الأوميجا قوية جداً جداً وتعتبر أقوى السواكتين ، ولكن بعد اسبوعين إستخدام حصل عندي خراب بسيط فيها وهو عند تعشيق الماسورة لا تعود وتركب على القاعدة وصلحتها بـ 30 ريال ، طبعاً الخراب حصل خارج الرياض ولم استطيع اصلاحها على الضمان . ولكن الحمد لله بعد إصلاح الخراب عادت الأوميجا كما كانت وقد رميت بها أكثر من الف رصاصة دون مشكلة والحمد لله .
ملاحظات أخرى :
لاحظت ان التصويب بها غير دقيق بالمرة أحياناً تصيب الهدف وأحياناً كثيرة لا تصيب والسبب على ما اظن هو المنظار المستخدم نوع زيد وهناك من يقول ان السواكتين لا تصلح معها المناظير لأنها تتغير الوزنية فيها كل فترة وتحتاج لإعادة الوزن لذلك انصحك بعدم تركيب منظار .
وأنا مستعد لأي إستفسارات ثانية عن الأوميجا .




الأخ ... شبح الصحراء

شف الميزان حق ساكتونك اذا هو ثابت لانه بعض الاحيان مع ترجيع الماصورة بقوة يبداء يرتخي و ترا مسمار الميزان مسدس (يعني سداسي) اذا هو مرتخي يبي لك مفتاح مسدس اصلي و على نفس المقاس والسبب اني اقولك يبي له اصلي لان ابو ريال و ريالين ما ينفعن و يبوزن المسمار .. بالتوفيق

اما انت ياالرساوي نت فمبروك عليك والله يطعمك من خيرة و يكفيك شره .. الاوميجا من افضل السكاتين ان لم تكون الافضل ..

[شبح الصحراء]

تصدق عاد يا سهيل باز عندي كذا مسمار بسبب المفاتيح الرخيصة مع اني دورت على مفاتيح اصلية ما حصلت حتى عند الرماية ما عندهم الا المفاتيح حرف ال الرخيصة .
اظن ان سبب عدم دقة الإصابة من نوع الرصاص ، لاني استخدم رصاص مدبب مثل ابو سهم والمفروض استخدم رصاص عريض لأن الساكتون قوي جداً على رصاص ابو سهم ويسبب تغير اتجاه الرصاصة ، اشتريت علبتين رصاص عريض وابجرب حضي .

[مدالنظر]

مااااااااااشاء الله .......
الله يطعمك من خيرها ويكفيك شرها........الف مبروك


يااااجماعة الخير أنا آآآآآآآآآآآآآسف يوم أفتيتكم بعدم وجودها
لأني والله دورتها بالرياض والوسطى عموماً .. و وصيت عليها من حايل ولا لقيتها
لا...ويقولون لي الرميح والرمايه (هالكلام قبل سنتين ) أنها موقف صناعتها وغيروها بأنجليزيه ثانيه مدري وش أسمها

لكن مادام الدعوه أنها موجوده عند الرمايه
ما أقول الا..........................

الله لاااااااا يجزاكم الاّ بكل خير


أروح لهم ان شاء الله هالأسبوع آخذ لي وحده بس :D ....كههههههههههههههههههه

أي نعم وحده لي

وأصحاب الأربع الباقيات يا (الرساوي نت) رآعينهن يقدرون يآصلون الرمايه قبلي بعـد


;) ;) ;)

آخر أستفسار علشان أتأكد بس

هل هي الأوميقا القديمه ماغيرهاااااا ولا لااااا ؟؟؟؟
لأن أخونا الرساوي يقول أن ماصورتها قصيره .
وانا أعرف أن فيه أنجليزيه ماصورتها قصيره مره
يعني أقصر من أخشابها وقوتها قوة الفايروخ 80أو 85
فلو سمحتوا وضحولنا الفرق أذا وجد

وسامحونا على الأطاله

تحياتي