عندي مشكلة في جمس ابي لها حلا بسرعه الموضواع خطير

[عاشق بترول]

:(السلام اخوني عندي جمس موديل 97 صالون 454 دبل الارضي اول ماادخل النفود او اسحب احد يعلق البنزين ويدعس لحله بدون تدخل مني خاصه في في الدبل خفيف اوثقيل
لزم افضي القير على طوال ولا يكمل تعليق وكم مره بغاء يسبب لى مشاكله وارجو المساعد

[صريح المقال]

السلام عليكم ورحمة الله وبركاته :)

مشاركة بسيطة وأنا مانيب خبير ولا تعتمد على كلامي مجرد محاولة للمساعدة .

الغريب أخوي ان المشكلة تصير مع الدبل فقط !!
ما أشوف له علاقة بالموضوع دعسة البنزين شي منفصل عن الدفرنسات والقير والدبل !!

لكن قد تكون المشكلة فعلاً لها علاقه لا أدري صراحةً .

الي عندي تجربة مرت علي زمان هو تعليق دعسة البنزين بكابرس قديم وكان السبب ان سلك الأبنص الي هو السلك الي يربط الدعسة بالمكينة وإذا ضغطت الدعسة ينسحب السلك عشان يفتح الثروتل الي هو حلق المكينة أو مدري وش اسمه المعذره تراني ميح بالميكانيكا :)
المهم ان السلك هذا معدني مكون من أسلاك صغيره ملفوفة زي نظام الحبل .. ويجي وسط لي بلاستيك كحماية له .. الي حصل ان سلك الأبنص هذا المعدني انفتل يعني (تشعر) أو مدري كيف أشرحها لكن زي الحبل إذا تقطع مع الوسط وطلع له زي الشوشة هههههههه
ويوم انفتل وطلعت له هالشوشة صارت تمسك بالمجرى البلاستيك ( أحياناً) وتعلق الدعسة علي .. وبغيت أروح فيها كم مره والحمد لله ربك سلم .
الشاهد انه إذا علّق أفضي القير (والدعسة مازالت شابكه وشوي وتنفجر المكينة) وأنزل يدي للدعسة وأسحبها أو أحط رجلي وأنتم بكرامه وراها (وأحيان مقدر تكون ناشبة بالأرض فلازم أستخدم يدي) وأرفعها وتفك التعليقه .
ولا تصير معي إلا إذا دعست الدعسة كاملة .

وسلك الأبنص هذا بتسعين ريال ذيك الأيام غيرته وطلع تمام التمام وأذكر ان الدعسة حتى ارتفعت على فوق وزانت الدعسة كثير .. طبعا يجي أطوال مختلفه وأنا خذت أقصر من بلده وصارت الدعسة مرتفعه لفوق وطلعت أكثر مجال من أول يعني أدعسها للنص كني داعسها كامل بالسابق .
ورب ضارةٍ نافعة .

هالكلام أيام مراهقه وعلى كابرس 1979 :)

والي حبيت أوضحه لك ان المشكلة قد تكون أسهل وأبسط من فحص كمبيوتر وقطع بالألوف ما يتورعون بعض أصحاب الورش فالوقت هذا من تحميلك سعرها وشفط دراهمك في زمن يندر فيه ان تجد الأمين فلا تأمن أحداً ولا تسيء الظن بأحد ولكن تأكد بنفسك واقطع الشك باليقين .

ولا أدري هل موترك نفس نظام القديم ولا وش سالفته لكن حبيت أعطيك فكره وباقي الاخوان ما يقصرون ويكفي انك تروح تفحص وأنت فاهم (أو مسوي فاهم ههههه) عشان ما يغشك أحدن ما يخاف الله مع الأسف ويخاف من الفاهم عشان لا يكفشه !!

الله يرزقك بالمهندس الأمين ويجعلها سهالات .
هذا الي عندي وأعرفه فإن أصبت فمن الله وحده وإن أخطأت فمن نفسي والشيطان .

والسلام عليكم ورحمة الله وبركاته .

[أبلج]

والله أعلم ان المشكلة اللي في سيارتك كهربائية ويبيلك كهرباي فاهم أمين يسويها
كان عندي كابرس ltz 96 صارت فيه حالة اني بعض الأحيان أول ما أشغل السيارة يكون البنزين معلق واوا ما احطه على الd يطمر وانا رجلي على البريك واول ما أرفها يمشي كأني داعس بنزين وأيضا كان يعلق القير بعض الأحيان مايبدل الا بعد ما تحن السيارة ورحت لأكثر من كراج حتى الوكالة في الأخير طحت على كهربائي فاهم وأمين فحصها طلع فيها التماس في الظفيرة وصلحة ورجعت طبيعية الى أن بعتها

[بن عاقول]

لعلك تفحص الدعسة بارك الله فيك والسلك المعدني اللي واصل لها ، المشكلة والله أعلم لا تخرج عن أحدهما أو كلاهما ، فلا أن المشكلة كهربائية وإنما ميكانيكية " شد ودفع ".

[شنطة عده]

ما عندي خلفيه عن الاميركي ولكن احتمال ان الاصياخ حقت تعشيق الدبل تضغط على سلك البنص تاكد من هذي النقطة

[كبسولة2]

تعليق الدعسة في السيارات القديمة يكون بسبب واير دعسة البنزين

يعلق في الجرجور المغلف له بسبب الاتربة والصدأ

وحله بفك واير دعسة البنزين من جهة الكربريتر أو البخاخ ورفعه لاعلى وصب زيت بداخله

حتى يسيل ويصل لفتحة الواير الداخلة للغمارة عند أرجل السائق

مع سحبة ورده أكثر من مرة لتزيته من الداخل بعدها ب‘ذن الله تخف الدعسة معك

كنها وكاله

http://www.mekshat.com/pix/upload05/images248/mk41568_2.jpg

[عاشق بترول]

جزاكم الله خير على تفعلكم معي وان شاء الله بعمل الزام بتفكيك غدا وعلمكم ا يش يصير معي ببدا بفكره اخوي كبسوله ولا يهون من عندي من اخوان

[أحمد محمد1429]

أعتقد إن فيه قطعه الكترونيه صغيره خلف البخاخات من جهة اليمين للسياره منها

[.أبوعبدالرحمن]

ينقل للقسم المناسب