وش الحل

[رياح الشرق1]

كيف حالكم يارجال انا موتري جي اكس 2007وفيه قرقعه تحت اي مطب او بطناج لو خفيف تسمع القرشه والقرقعه الي تدبل التسبد وانا بديره ما من ورش زينه اي كلام وما ودي يخبصون علي الموتر ويغيرون شغلات مالها داعي تغير فما ادري من وين القرقعه هل هي جلد ولا وشي وذا تخبرولي ورشه زينه بشمال يعني الجوف عرعر زينه يعرف للجيوب يعلمنا وين مكانها الله لا يهينكم

[يكفيني نظرة]

ياخوي وقف على حفرة زيت وفهم العامل انك تبيه يحرك كل شي ببطن الموتر ويهزه ويطقه الين تلقى الصوت .
انا قد جننتني طقطقه ولاتجي دايم وصوتها صوت حديد بحديد واخرتها وقفت عند ورشه وسمعته الصوت وقلت له ابجلس بالسياره وانت تلمس الين اسمع نفس هالصوت وماقعد عشر دقايق الا وهو مطلع المشكله ..

[ابوسند9]

اخوي تقدر تشكيك عليها بنفسك فرشه وانزل اسفل السياره وشوف
ويا ليت وضحت هل تظهر عند المطب؟ واللى على طول ؟ اتمنى وصف دقيق
وشيك على الاتي,
شوف الكنداسه ومواصير الكنداسه من الامام للخلف ربما احد الكراسي او الشيلات متقطعه وتدق بالبدي
وشيك على صاجة عازل الدبه ربما المسامير تحتاج ربط , بين الكنداسه والبدي
كذالك شيك على كرسي القير وعلى مسامير المساعدات
الشي الاخر دق الدبه الكبيره بيدك وشف اذا فيها صوت فربما شخال الكنداسه منفك
اما جلد البدي فا انا استبعدها جدا لان السياره 2007

[رياح الشرق1]

الله يعطيكم العافيه جميع وبالنسبه للصوت يابو سند يقرقع عند المطبات والبطناج تسمع القرقعه مهي عل طول هل هي جلد العضلات ولا وشي بالضبط والموتر ماشي يابو سند 220الف وما عمري غيرة جلد له وطلعاتي للبر يعني خفيف مره وقت مواسم بس يعني طيوراو ربيع يعني ها الشغلات ودمتم

[رياح الشرق1]

يعني وين تنصحوني اغير الجلد الي ماسكات البدي والي بطن الموتر

[رياح الشرق1]

حتى لو با القصيم امشيله اشكو لله والله يعنا على ال700كيلو ولا ها الورش التعبانه الي عندنا بس يا الربع ابي ورش تربيط وتشديد وتغيير القطع الي يبلها تغير بس مثل مساعدات او جلد يعني با العربي ورشه تردلك الموتر وكاله ...تحياتي لكم

[رياح الشرق1]

للرفع ارجو الرد

[ls1.5700]

شيك على ربلات البنهارد الاماميه والخلفيه
وعلى ربلات عمود التوازن
ولاتنسى تشيك على الشكمان كامل مع ربل القاعده

[ابوسند9]

حتى لو با القصيم امشيله اشكو لله والله يعنا على ال700كيلو ولا ها الورش التعبانه الي عندنا بس يا الربع ابي ورش تربيط وتشديد وتغيير القطع الي يبلها تغير بس مثل مساعدات او جلد يعني با العربي ورشه تردلك الموتر وكاله ...تحياتي لكم
اخوي رياح
انت الحين شكلك بالشمال
اتوقع عرعر او الجوف فيها ورش كويس ولاتروح لورشه مكيانيكيه روح لميزان لانه تخصصهم
والسياره 2007 وماشيه 220 الف ماشاء الله وطلعاتك للبر خفيفه انا اشوف الممشى عادي جدا على موديله
لذا انصحك تمر كذا ميزان وتقوله شيك على جميع بطن السياره وانزل معه اسفل وسجل كل شي واذا خلصت مر ورشتين وشوف اذا اتفقو على القطع التي تحتاج تغيير روح واشتريها وركبها
اما جلد البدي انتبه تستبدلها لاني متاكد انها جديده وعددها 10 كراسي وقيمتها 1700 ريال وشغل يد 400 ريال واذا مشي معك 500الف كيلو ذاك اليوم استبدلها لذا والله ما ابي لك الخساير لاني ابخص بها الشغلات

[رياح الشرق1]

الله يعافيك ابو سند ومخبور وكفو والله الينك ما قصرت لا اول ولا تالي ابيض وجه والله لا ابي امشي على كلامك × تحياتي لك

[LPFDFD]

اخوي رياح صبحك الله بالخير

انت شكلك بسكاكا :)

اسمع وانا اخوك في على طريق العروبة مقابل حجز المرور ميزان تركي والله كثير اللي يمدحونه ومنهم اخوي بس ماجربته شخصيا واشتريت سيارة من امريكا وفيها نفس المشاكل اللي عندك احس انها دسن مع البطناج مع ان مديلها 2008 وناوي اروحله على اخر الاسبوع وان شاء الله افيدك بتجربتي معه :)