استفسار عن الخرازة ام 16 وينشيستر

[فهد 003]

بسم الله الرحمن الرحيم

مساكم الله بالخير اخواني
حبيت أستفسر عن الخرازة أم 16 امريكية فيها رمي أتوماتيكي
ابي اعرف عن استخدامها حلو والا لها مشاكل ؟

قطع غيارها وصيانتها متوفرة في القصيم والا لا

لأني شريتها وما أعرف عنها شي أبد

تحياتي لكم

[فهد 003]

وينكم ولا واحد يعرف النوع ذا ؟؟

شكلي بلشت فيها اجل دامكم مارديتو ههههههه

[مقطقط]

ما عندي خلفيه عنها يفودونك الاخوان ان بغيت الزين البرنون الغالي قيمته به

[محمدهروب]

صبحكم الله بالخير يالاخوان عندى خرازة تشيكية 94 ودى ابيعها للعلم اخت الجديد ام الختمين الموقع الرياض

[وسم الحر]

بالنسبة للخرازه ام 16 ممتازه مافيها مشاكل تتميز انا تاخذ 16 فشقه عن الخرازت الحديثه بس عيبها اعتقد ماصورتها قصيره ومن الدقه القديمه لكن مايعيبها قطع الغيار اعتقد اذا ماحصلت حقين الصيانه اللي في القصيم شغل الترهيم ينجح معهم

[وسم الحر]

صبحكم الله بالخير يالاخوان عندى خرازة تشيكية 94 ودى ابيعها للعلم اخت الجديد ام الختمين الموقع الرياض
صبحه بالنور كم سيمت منك

[فهد 003]

بالنسبة للخرازه ام 16 ممتازه مافيها مشاكل تتميز انا تاخذ 16 فشقه عن الخرازت الحديثه بس عيبها اعتقد ماصورتها قصيره ومن الدقه القديمه لكن مايعيبها قطع الغيار اعتقد اذا ماحصلت حقين الصيانه اللي في القصيم شغل الترهيم ينجح معهم

جزاك الله خير يا وسم الحر على المعلومة
أجل برايك أبي استخدمها دام مالها مشاكل

[falconry_q8]

السلام عليكم

انا عندي وحده

استعمالها حلو بس تحتاج تنظيف بين فتره وفتره

وهذي خرازه قديمه اخر تصنيع لها ١٩٧٩

اذا ما كنت غلطان

عيبها مالها قطع غيار ووكيلها البوري في الكويت ومالها قطع عنده

[ابو سمسم]

من واقع تجربه انها غير دقيقه في الرمي

بتعبك شوي في الرمي لانها السبطانه قصير تردف شوي ويخلف النيشان

لذالك اقترح عليك انها تتركها