محل المروج للرحلات والغلاء الفاحش بمنتجات القاضي // اشتريها من الوكيل افضل//تفاصيل

[سيف الظفير]

السلام عليكم ورحمه الله وبركاته

في يوم أمس 1434/1/20

نويت النية على خيمة المبيت من القاضي القطنية الكبيرة بمساحة 3*2 وبأرتفاع متر ونصف

ولآني من سكان شمال الرياض وأقرب محل لي محل المروج للرحلات المعروف والقريب من اشارة الخطوط السعودية بشارع العليا

الشاهد في الموضوع ولاني من زبائن المحل واعرف العاملين فيه دائماً يكون لي الخصم في البيع

أشتريت منهم ذرا ( رواق ) بين كفرين بـ 165 ريال
خيمة المبيت الكبيرة بـ 520 ريال


وعند الرجوع الى البيت تم الاتصال على شركة القاضي من الرقم الموحد وتم تحويلي الى الفرع بمدينة الرياض

والاستفسار عن الاسعار لمعرفة الفرق

وكانت المفاجأة والصدمة للأسف وهذا ما هو الا دليل واضح على استغلال التجار للمواطن السعودي ووضع الفروقات الكبيرة والغيرة منطقية بالاسعار

فوجدت من القاضي بالرياض مخرج 15

خيمة المبيت القطنية بـ 460 ريال فقط

و ذرا ( رواق ) بين كفرين بـ 115 ريال فقط.

أي ان الفرق يقدر بـ 110 ريال ولا اعتقد ان هذا الفرق بسيط ابداً.


أتمنى من إدارة محل المروج للرحلات التفكير ملياً في الاسعار ومراجعتها جيداً فتلك الاسعار غير ملائمة وغير منطقية في الربحية ابداً

مع العلم بأنني أشتريت منهم مسند من صناعة عروق الشمال بمبلغ 170 ريال , والله يستر لا يكون زايد علي بـ 20 او 30 أكثر من غيره

وتم الذهاب الساعه الـ 7 مساءً للقاضي وشراء الخيمة والرواق

وارجاع الاخرى لمحل المروج للرحلات بسبب الغلاء والفرق الشاسع بالسعر

هذا والله أعلم بما وراء القصد


كتبه

أبو صالح الظفيري
1434/1/21 الاربعاء

[ابولولو]

اخوى ابوصالح عوضك الله

ماجبت شى جديد باالاستغلال الى حاصل من اكثر محلات البريه عندنا باالشرق ومخرج 15 واجدين تعرفهم او لا تعرفهم استغلال عينى عينك واحد من المحلات حبيت اقدمله نصيحه ولا يستغلونه العمال لانهم عطوينى حاجه من غير فاتوره قلت اكيد يحطون الفلوس بجيوبهم راحت وعلمت راعى المحل السعودى صاروا العمال اذا جيت للمحل كانهم يشفون الموت وراعى المحل ماكلف حاله يسئل عنى يوم انقطعت لانى زبون دائم باالمحل ويوم محله غير معروف

[مهاجر للشمال]

الله يعوضك خير
واحد من الشباب يقول لي انه حصل له موقف في محلات المروج، يقول حصلتهم عارضين حافظة كولمن ب 180 ريال بسعر اقل من العلياني ب 30 ريال، ومدحتهم وشريت الكولمن منهم وقلت لهم زين هذا السعر الطيب العلياني عارضها بالسعر الفلاني(يوم تغير وجه اليماني)، وبعد اسبوع شاف الحافظة واحد من الشباب واعجبته وقلت له تراها تنباع بالمروج بهالسعر وفي العلياني بهالسعر راح لهم على طول وحصلها عندهم ب 225 ريال!! بعد اسبوع بالضبط، وقال لهم ليش انتم غالين هالحافظة كنتم تبيعونها ب 180 ريال قام اليماني وحلف بالله العظيم انهم ما قد باعوها بهالسعر!!!

[«نجم الخير»]

امس عندهم الصراحه المحل مافيه شي يسوى لي يومين وانا افر محلات الرياض ادور بريق كوري 3 لتر مالقيت حتى السنيدي اللي ع الدائري يقول ماعندهم فناجيل هذي محلات الله يخلف اما الاسعار فحدث ولا حرج

يازين القصيم ومحلاته :p

[سيف الظفير]

اخوى ابوصالح عوضك الله

ماجبت شى جديد باالاستغلال الى حاصل من اكثر محلات البريه عندنا باالشرق ومخرج 15 واجدين تعرفهم او لا تعرفهم استغلال عينى عينك واحد من المحلات حبيت اقدمله نصيحه ولا يستغلونه العمال لانهم عطوينى حاجه من غير فاتوره قلت اكيد يحطون الفلوس بجيوبهم راحت وعلمت راعى المحل السعودى صاروا العمال اذا جيت للمحل كانهم يشفون الموت وراعى المحل ماكلف حاله يسئل عنى يوم انقطعت لانى زبون دائم باالمحل ويوم محله غير معروف


اللي مهمل حلاله في طويق يا الذيب وفي بليس اتركه

والله اقولها من غير مجاملة امس يوم خلصت من القاضي مريت على الكشاته ابي فاس الا وابو خالد مقابلني بالمحل وحريص كل الحرص على الخدمة لاي زبون ومنصح ويقول الحق وهذي لله شهاده حق. فهذا الفرق بين الاول والثاني


ومن ناحية الربع والفروقات للأسف بعض المحلات ماخذينها نهابة ماهي تجارة وربح معقول

وأبشرك لا توصي رجعت للمروج وعطيته اليماني وخذيت فلوسي والله ما يفرح بها

[سيف الظفير]

الله يعوضك خير
واحد من الشباب يقول لي انه حصل له موقف في محلات المروج، يقول حصلتهم عارضين حافظة كولمن ب 180 ريال بسعر اقل من العلياني ب 30 ريال، ومدحتهم وشريت الكولمن منهم وقلت لهم زين هذا السعر الطيب العلياني عارضها بالسعر الفلاني(يوم تغير وجه اليماني)، وبعد اسبوع شاف الحافظة واحد من الشباب واعجبته وقلت له تراها تنباع بالمروج بهالسعر وفي العلياني بهالسعر راح لهم على طول وحصلها عندهم ب 225 ريال!! بعد اسبوع بالضبط، وقال لهم ليش انتم غالين هالحافظة كنتم تبيعونها ب 180 ريال قام اليماني وحلف بالله العظيم انهم ما قد باعوها بهالسعر!!!


امس يوم رجعت الاغراض لمحل المروج انهبل اليمني على السعر اللي شريت به اغراضي من القاضي وانجن جنونة

ورح واتصل على معرض القاضي وكلن يكذب على الثاني بالاسعار

ولكن لا حول ولا قوة الا بالله حنا الضحية في تجار الحرامية

[سيف الظفير]

امس عندهم الصراحه المحل مافيه شي يسوى لي يومين وانا افر محلات الرياض ادور بريق كوري 3 لتر مالقيت حتى السنيدي اللي ع الدائري يقول ماعندهم فناجيل هذي محلات الله يخلف اما الاسعار فحدث ولا حرج

يازين القصيم ومحلاته :p




المحل أقل من عادي ولكن اروح له اذا ابي شئ اعتيادي
وبسيط

ولكن بعض الامور لها اهلها وانت خابر ولا يخفاك

ومن ناحية القصيم عز الله ان فيه كل شئ والله أعلم

[Snatch]

لو كل تاجر قرأ هالاية واتعض ما اظن انه بيزيد ريال عن حقه
قال الله تعالى : (( ويل للمطففين ))
هذا افساد في الارض واكل اموال الناس بالباطل

[اصيل نجد]

هلا بابو صالح هالخبر سمعته من ناس كثير ان محل المروج اللى تقول انهم حراميه وانا الحمد لله ماتشرفت وزرتهم حسبي الله ونعم الوكيل

[Phot]

احب اضيفلك معلومة قالها لي احد اليمانيين

يقول اغلب اليمنين مايعترفون بالتسعيرة
يبيعك اما بتسعيره من مزاجه بناء على شكلك
او يبيعك بسعر مرتفع ولايعترف بأسعار السوق نهائياً
يعني لو صارت السلعة عند محل بكذا هو مايعترف فيها ابد ويحط تسعيره من راسه

لذلك احذروا من اليمنيين لهم اسلوب مختلف بالتجارة وبدون اي ثقافة

[باشا]

أنا ضد الغلاء والمبالغة في الأسعار
ولكن... ليتك نا صحتهم وإذا لم يستجيبوا فلكل حادثة حديث
والا وش رايك يا أبو صالح بدل من التشهير

[aglanco]

الله يعينك ياسيف الضفير

شيء طبيعي جدا

الكذب +النصب+الحلف

اساليب البيع

الله يوفقك على التذكير

[العاااازف]

الكشاته ابي فاس الا وابو خالد مقابلني بالمحل وحريص كل الحرص على الخدمة لاي زبون ومنصح ويقول الحق وهذي لله شهاده حق. فهذا الفرق بين الاول والثاني


لله يطولي عمرك بس
مادري ليه طاير فيه والله مالقيت احد يمدحه مثلك وليس (سوء نيه بك)
لكن امرة احيان والله قمة الاكتئاب .
وجيه لاتعليق عليها اغراض بدون ترتيب كذب بالاغراض تقليد لاكثر البضاعه وباسمهم حاطينها عمال نفوس شينة وعيون قويه
ولا سبق وشفت السعودي الي تقول عنه في المحل

[محمد آل مغيرة]

أنا ضد الغلاء والمبالغة في الأسعار
ولكن... ليتك نا صحتهم وإذا لم يستجيبوا فلكل حادثة حديث
والا وش رايك يا أبو صالح بدل من التشهير


أعتذر من أخي أبوصالح وأستأذنه في الرد
أخوي الباشا يلعب عليه في السعر ويغشه لاخاف من الله ولا قدر عميل المحل
الا بيض الله وجهه حذر الناس منه
لو كلمه ابوصالح بعد مارد الخيمة لهم كان رجعها اليمني ولصقها في ظهر واحد ثاني هذا الصنف الله يبعده عن بلدنا كلونا أكل
والله ان لم تحذر منهم الدولة والمواطنين بتصير كوارث في البلد
أرتحنا منهم فترة بعد حرب الكويت وترزقوا السعوديين وفتحوا محلات عينوا خير
ومن زادوا عندنا وهم والعياذ بالله مستسعرين ما فيه نشاط يدخلونه الا ويصيرون فيه مثل السرطان ويتكاتفون ضد السعودي كأنه هو الأجنبي بشكل غريب الى أن يطفش يا يقبلهم المحل أو يخسرونه
وكل ذلك بدعم من تجار الجملة أبناء جلدتهم الله يقطعها من جلدة


والله لو حرصنا على التشهير بهم لخافوا من مقاطعة الكشاتة لهم وتأدبوا

[سيف الظفير]

لي عودة للرد

[دهران]

يمنع كتابة مواضيع التشهير
نعتذر منك اخونا سيف الظفير
يغلق الموضوع