استفسااااااااااااااااار عاجل ياهل البل

[مولع بالطير]

بسم الله الرحمن الرحيم
اخواني البل عددها 8 كنت اعطيها 3 سطول مكعب المغرب وسطل خبز وبالنهار ربطتين تبن بوجه العدو المهم البل احوالها زينه ولله الحمد كصاحب حلال حسيت اني مقصر قلت بعطيها كيس كامل حطيته لها البارح والي قبله يوم جيت اليوم الصبح الا حد القحات مستفرغه وخاطرها لكم عليه لاكن تسرح ومورها طيبه اخليها ماتعرضها ولا اعطيها سفن وش تنصحوني فيه الناقه ملاقي وخايف تطش ولدها ؟

[الحزوبر]

مدام استفرغت لا تسوي بها شي بس اهم شي امنعها من الماء هاليومين ومالها شر

[مولع بالطير]

مدام استفرغت لا تسوي بها شي بس اهم شي امنعها من الماء هاليومين ومالها شر


الله يجزاك خير اردها ع علفها القديم ولا استمر معها بالعلف هاذا؟

[الحزوبر]

لاردها على علفها القديم علشان اماتها الباقيه عليها خطر تحمر والعلف اذا نويت تزيده زوده كل يوم شي بسيط لحد ماتاصل لكيس كامل

[ابوناص]

ردها على علفها القديم وتراه واجد بعد لا تزيدة
ولو تبي تبدل وحده تبن ووحده ذرة او رودس احسن

اما الزيادة فهو زود شحم ومصاريف خصوصا انك تقول احوالها زينه

[وليم]

ابعدها عن الخبز وعليك بمكعب الوادي يعفيك عن الخساير ووجع الراس

[هدد 1]

خلك على وزنتك دام لها يومين واحده بس الي استفرغت عااادي امنع الماء الماء منها يومين وانا دايم ضد المكعب اي نوع كلها تمرض الأبل وسمنتها على غير صحه عليك بالشعير عطي الله هو والله العلف جربت كل شي مالقيت احسن من الشعير لاأمراض ولا خواريج حتى عطنة الناقه ( ريحت الناقه) مالها ريح مثل المكعب ويكفي ان شحمه ماينقض مثل المكعب وجهة نظر والله يبارك لك في حلاااااالك....

[التركوازي]

ردها لعلفها الأول
والأاستفراغ مايضرها شي طبيعي اذا تغير عليها الطعام او زاد عليها

[ابو الشباب3]

الله يبارك لك بحلالك

علفها الاول فيه بركه وزياده وانت تقول احوالها زينه

الله يرزقنا وياك من واسع فضله وجميع المسلمين

[راع الريمة]

شكلها مكثره بالخبز وبشمااااانه

لكن البشمه ماتضر ان شاء الله يومين وترجع تاكل