سؤال عن المرشال وارجوا الاجابه من المستخدمين

[...الحر..]

السلام عليكم كيف حالكم يالربع حبيت استفسر عن انواع اجهزة المرشال من حيث ابوكم ريشه وكم يوصل من كيلو ومدى جودته وكم اسعاره ووين يباع بالرياض وكم سعر الريشه الزينه حقته ووش اسمها وهل سعره يشمل الريشه والا الريشه لحالها والجهاز لحاله ووش افضل الترددات واسف على الاطاله وشكرا

[حشّار]

وعليكم السلام
اجهزه تتبع الطير المارشال اللي اعرف واستخدمت نوعين ابو ثلاث ريش وابو ١٦ ريشه
طبعاً الريشه سعرها لحال ١٢٥٠ والريش تختلف تاخذهن جدد بعضهن يجيب ٦ كيلو وبعضهن ياصل ٩ كيلو بالارض ويمكن تزيد
طبعاً انا افضل ابو ثلاث ريش لانه ادق في التحديد
وفيه ناس يفضلوا ابو ١٦ ريشه
سعر ابو ثلاث اذكره ٢٨٠٠ وابو ١٦ ٣٦٠٠
وعندكم بالرياض تلقاهم في محل السويبع
هذا اللي عندي

[سلطان 1]

وعليكم السلام
اجهزه تتبع الطير المارشال اللي اعرف واستخدمت نوعين ابو ثلاث ريش وابو 16 ريشه
طبعاً الريشه سعرها لحال 1250 والريش تختلف تاخذهن جدد بعضهن يجيب 6 كيلو وبعضهن ياصل 9 كيلو بالارض ويمكن تزيد
طبعاً انا افضل ابو ثلاث ريش لانه ادق في التحديد
وفيه ناس يفضلوا ابو 16 ريشه
سعر ابو ثلاث اذكره 2800 وابو 16 3600
وعندكم بالرياض تلقاهم في محل السويبع
هذا اللي عندي

ما قصر اخوي حشار
كفئ ووفئ
ومن تجاااريب. وكل يعد ماواجه.
لا تعدا ابو ثلاث ريش
والا ابو 16 ريشه اللي هي ويلد لايف. مايعلا علي هالجهاااازين
من حيث تحديد موقع الطير.
اما بالنسبه للريش خذ العااايديه الاوله لا تااااخذ ام قرص.
واليا بغيت تشري ريش خذها من السويبع واشبكها
عنده وخله يعلقه في المحل واركب موترك ورح اقل شي 6 كيلو او 7 كيلو
وشغل جهازك ان دق اشتر الريشه اللي تدق لانها جابت هالمسافه وسط هالبنيان وأسلاك
الكهرب يعني في البر بتجيب دبل المسافة.
وسلااااامتك.

[راعي رماح]

عليكم السلام أخوي ..

يبدو إن الشباب يقصدون جهاز الويلد لايف الامريكي .. وأنت تقصد جهاز المارشال الامريكي .. ومن هنا جاء اللبس بين الجهازين .. وبينهم فرق كبير .. لا من ناحية الحجم ولا من ناحية السعر ..

الويلد لايف اللي تكلموا عنه الشباب نوعين 1- ابو 3 ريش سعره 2300 ريال .. 2- ابو 16 ريشة سعره 3300 ريال ..


أما الماارشال فالموجود عند الوكيل السويبع بالرياض نوعين .. 1- ابو 10 ريش ب 4500 ريال .. 2- ابو 100 ريشة ب 6000 ريال .. ويجي في شنطة ..

اما الريش فزي ماقالوا الاخوان ..

وتحياتي لك ..

[...الحر..]

الله يبيض وجيهكم وماقصرتوا لكن وين الافضل المرشال ولا الويلد لايف

[سان جورج]

افضل الاجهزة من حيث الدقة في التحديد هو جهاز اياما الاسباني وتقريبا موجود في الكويت عند بدر محارب حسب كلام الاخوة
http://www.ayama.com/en
وهذا هو موقع الشركة
اما بالنسبة للريشة انصحك بريشة R22 من شركة tinyloc الاسبانية
http://www.tinyloc.com/
وهذه الريشة مع الجهاز بالاعلى تدق معاك على مسافة 50 كيلو واكثر بإذن الله , اما دقة التحديد فما عليها كلام وذلك لوجود ميزة PT3 وهي ميزة مضافة للجهاز ويرجى التاكد من وجود هذه الميزة لانها تعطى حسب الطلب
وكل هذه الحسبة لا تكلفك اكثر من 1600 دولار اذا انت جبت الاجهزة لحالك من الشركة
اما بخصوص الترددات فكلما قل التردد كان افضل في الاماكن الوعرة مثل الوديان والغابات 216 افضل من 433 في الوديان والغابات , وكلما زاد التردد كان افضل في المسافات المفتوحة ولا يتاثر بالعوامل الجوية والكهرباء اي انه في الاماكن المفتوحة 433 افضل من 216 . و حسب مكان صيدك اختار التردد المناسب

[...الحر..]

ماقصرتوا يالربع