المساعد الشخصي الرقمي

مشاهدة النسخة كاملة : فتك 2005 في مشكلة[ الله يجزاكم الجنة انا محتاج فزعتكم]


منطقة التوقيت
07/12/2012, 02:14 PM
سلام عليكم ورحمة الله وبركاتة وشلونكم عساكم طيبين

يا اخوان طلبني واحد من الربع يبي موتري يطعس فيه حسبنا الله عليه

ليتني ما اعطيته اياه اخذه وحرق علي السيارة

اولاً تطلع ريحة حريق في كلتش السيارة تشمها تكتم
ثانياً السيارة اول ما اشغلها اسمع فيها صوت قربعه تحت من ورى
ثالثاً يوم اجي اقوم السيارة بالأول اسمع صوت القربعه واضح مع اختلاف صوت المكينه

اذا تعديت 40 يروح الصوت ويرجع الصوت الطبيعي للمكينة

انا في الرياض واللي يعرف ميكانيكي شاطر تكفون الفزعه قبل لا انجلط
وجزاكم الله الف خير
التمسساح
07/12/2012, 04:30 PM
بدون زعل انت رجال ماتفهم وهو رجال مايستحي يعني يطلبك موترك علشان يطعس فيه الواحد اكره ماعليه ياخذ موتر ماهو له ويخاف عليه اكثر من اي شي ثاني ماهو علشان مايدفع عليه تصليح لا بس انا اعتبر الي مايحافظ على شي ماهو له انه قلت احترام لصاحب الموتر اتمنا انك فهمت قصدي من ردي
الحزوبر
07/12/2012, 04:33 PM
في قريييييح
مخ سعودي
07/12/2012, 06:31 PM
تعوذوا من ابليس ياجماعة الخير ويمكن الرجال ماعلمه وين بيروح
اخوي انت انزل تحت الموتر وحدد العطل من وين حتى لو ترفعه على عفريته ومر الصناعية ومر اكثر من ورشه حتى تقتنع بالعطل
اما الكلتش شف زيته ان شفته محترق احتمال تحتاج فحمه ودزق وكلتش وتركبه عن واحد فاهم ويوزنه صح
عاشق البيكال
07/12/2012, 06:40 PM
اخوي انت خصيم نفسك عطيت الرجال موترك ورضيت بسواته قبل ياخذ موترك اطلب من ربك العوض ثانيا يمكن عندك الكلتش هذا احتمال كبير والقربعه شيك على شيال العمود
وحلالك اذا تبي تسبله بعه افضل لك
انا كد صارلي نفس السالفه وبلعتها وسكتت والعوض من رب العباد
sgl2002
07/12/2012, 06:46 PM
الكلتش شكل خويك غرز ومحطه بالدبل الخفيف لين طلعت الريحه

وخله ماعليك من الريحه اذا التعشيق مضبوط ومايحن بنمره يعني تحس الموتر بالفاضي وانت معشق فخله الريحه بتروح بعد فتره

بالنسبه للقرقعه هذي شكلها من الشكمان او الصاجه
وانت رح حرك الشمكان بيدك بتسمع الصوت
ابوسند9
07/12/2012, 08:13 PM
كلام اخونا 2002sgl 100%
واذا هو قير عادي وبالخط ما يمشي كويس فهو دزق وكلتش
وفيه ورشة سليمان الخطيب ,الرياض, صناعية الدائري مخرج 18 ورشة ليمتد
منطقة التوقيت
07/12/2012, 08:22 PM
يا اخوان يعلم الله اني مادري وين رايح بموتري والحين انا كليتها فوق راسي الموتر.قربع من ورى ووديته عند كم ميكانيكي قالوا انحرق صحن الكلتش والفحم و دسك وقال لي احتمال الصليب اللي قاعد يضرب معاك عموما يا اخوان تكفون ابي رقم واحد منكم يدلني علر ورشات والله لدعي له في ظهر الغيب وجزاكم الله خير
sgl2002
07/12/2012, 09:21 PM
ياخوي الموتر يحن والا لا؟

ماعليك من كلام الميكانيكيين

الموتر وانت ماشي حطه بالخامس وهو يمشي ٤٠ وفك رجلك من الكلتش وادعس له

اذا قام يحن يعني يرتفع عداد الضغط والموتر مكانه فمعناه الكلتش خربان

واذا لا وقام يتعتع ولا حن فمعناه سليم

والريحه تروح بعد كم يوم

والطقطقه اللي تقول قلت لك شف الشكمان دفه بيدك وشف يتحرك او لا؟

وشف صليب العمود اذا هو خربان يطلع له صوت صرصرة وطقه قوية اذا رفعت رجلك من الكلتش او ماتبي تمشي
alhawaawy
07/12/2012, 10:34 PM
كلام أخوي sgl 2000 صحيح

واذا تبي ورشة تتأكد عندك بالصناعية القديمة بالرياض ورشة الدبيان أو ورشة التركي

كلهم الاثنين و نعم خبره و الدبيان أرخص من التركي شوي لكن كلهم والله ونعم في الشغل
«نجم الخير»
08/12/2012, 12:16 AM
الورش الزينه بالرياض كلها بالصناعيه القديمه
ورشة ابوصالح التركي
ورشة سليمان الخطيب