المساعد الشخصي الرقمي

مشاهدة النسخة كاملة : مكينة الباترول 99 خبطت المشوره لاهنتوا


قمري قيال
07/12/2012, 02:56 PM
عندي الباترول حق خالي جاني وقال لمبه الزيت تأشر ودينه بسطحه للمكانيكي قال الطرنمه تحتاج تغيير
غيرناها ونفس المشكله قال ابفك الكرتيل وحصل الشخال حق الطرنبه مسكر نضفه
وبعدها الموتر طلع فيه صوت عمود الكرنك يعني قل وصول الزيت اثر بالمكينه والحمد لله
السؤال لاهنتوا المكينه حقته شغاله وفيها الطقه هذي ومغير الطرنمه وكاله والموتر بلوفه صافيه
ماهو الافضل
اوضب المكينه والا اشري مستعمله مافكت مع العلم مكينته ماسبق فكت
وسؤالي ايضا واسف على الاطاله وشلون استخدام المكاين اليابنيه وهل فيها اختلاف عن السعوديه
واللي عنده خلفيه عن الاسعار لايبخل علينا
وجزاكم الله خير
sgl2002
07/12/2012, 06:50 PM
اذا حصلت مكينة ممشاها شوي فاخذها

اما مسالة فكت وما فكت ماهي بشرط النظافه

وانا صراحه افضّل التوظيب اذا كان عند واحد فاهم
sgl2002
07/12/2012, 06:51 PM
بعدين شكل خالك كان يطول على الزيت ومايغير السيفون
صاروخ الغطغط
07/12/2012, 09:32 PM
لوتشري وحده ماتدري كم هي ماشيه لنك بتاخذها مفكوكه من السياره وبيقول نضيفه على الشرط والافضل انك توضب المكينه قطع غيار اصلي وترجع جديده ونت مرتاح وتا خذ وتمر الورشه وتشوف شغلهم حتى لامنك وضبتها ترتاح نفسيا وتدري ان المكينه كل مافي وسطها جديد المكينه الجاهزه ضربة حض يازينه او رديه
وجعين
07/12/2012, 11:14 PM
تبي نصيحتي لو انك منتب اخ>ن نصيحتي لانه يبي يجيك ردود مخالفة لرأيي الاسبوع الي فات واحد من العيال عنده موديل99 يقول الموتر بلورشه وه>ي ثالث تخبيطه له وكل توضيب يكلفه بحدود ال7000 الاف ريال والرجال يبي يركب لكزس انارايي انك تركب له مكينة ديزل تصبر صبر الجمل ولافيها نقص ولا خرابات والخيار الثاني تركب مكينة لكزس او فكسار وريح نفسك من مكاين الباترول الفاشله
قمري قيال
07/12/2012, 11:21 PM
الله يعطيكم العافيه على الردود ونسمع تجارب الاخوان الباقين
تم نصيحة اخوي وجعين بمحلها بس الرجال كبير ولا له بالتوليف
والموتر هذا ماشكى من شي اول بس مثل ناقالوا الاخوان يتأخر مايغير الزيت
والحقيقه ماهو راعي جور او سرعه ممشاه هادي وودي له باقل التكاليف بس يكون افضل الشغل سواء تزضيب او
تغيير مكينه
sgl2002
08/12/2012, 12:08 AM
اما مكاين الباترول فاشله اسمح لي

هي المكينه اللي ماتعرف النقص مهما زاد الجور

وتعيش وتطبق المليون ما انفكت
LPFDFD
08/12/2012, 01:26 AM
انا مع اللي يقول وظب كل شي اصلي وابعد عن التشاليح لانك ماتدري كم ماشي

وعلى ماقيل وجهن تعرفه ولا وجهن تعرّف عليه

وسلم لنا على خالك لاعدمناك وتقبل مروري ...
التمسساح
08/12/2012, 02:48 AM
اذا مافيها من الاول نقص زيت او حراره وتبي اقل التكاليف فك كرتير الزيت وينفك عمود الكرنك وينخرط ويتغير له سبائك ثابة ومتحركه وتمشي معاه
kshtat999
08/12/2012, 04:50 AM
انا من رائيي توظب لكن اولا تشوف بيعينك المكان اللي يجلس عليه عمود الكرنك اذا متااكل ويبي لحام لاتوضبه ابد بيرجع يسد الشخال مع الوقت لان سبب خراب موتركم تاكل وحده على الاقل من السبايك الثابته تحت عمود الكرنك
أحمد محمد1429
08/12/2012, 08:39 AM
موقع يالحبيب
وجعين
08/12/2012, 02:26 PM
لاصار كبير بسن ولا هو راعي سرعه ركب مكينه بلد ديزل تلقاه بحدود 7000 الى 8000 كانه على خبري استعمال ياباني تجي اخت الجديده احسن له من توضيب مكينته ومعروفه مكينه الباترول الديزل جوده عالية وصبر وسريعه بلخط مقارنه بمكاين الديزل الاخرى
أبو اريام
08/12/2012, 07:23 PM
انا رأيي من رأي الاخوان اللي يقولون وضب بشرط انك انت بنفسك تشتري قطع الغيار
وميكانيكي ممتاز ومخرطه ممتازه راح ترجع المكينه احلى من اول
قمري قيال
08/12/2012, 10:56 PM
ماقصرتو ولا هنتوا على هالردود الجميله الوافيه
والله رايكم اطيب من رأي ابو عبدالله وابو احمد
ربع ابن اسحاق

والظاهر استخرنا وان شاء الله نبي نوضب الموتر