استفسار لاهل الجيره

[عادل العيباني]

السلام عليكم ورحمة الله وبركاته
كلفني احد زملاي بإستفسار من اهل الخبره في مجال الجيره وهو اذا كان هناك جير وكري الطول 17 والعرض 17,5 فما وزن الهدد له لانه احتار معه صراحه وانا مالي خبره في الطيور المهجنه والمفرخه لذلك نترك المجال لكم ونشوف توجيهاتكم ودمتم سالمين .

[جيرالحر]

والله مافي وزن محدد للهدد ولكن فيه وزن مثالي لخفة الطير وسرعته هذا اللي اعرفه وانا اشوف بالنسبه لهذا الحجم مابين 900-1000 تقريبا وزن مناسب للهد وان شاء الله ينطرب خويك

[رعد المطر]

هناك طيور تهد على صنعه وتطربك وهناك طيور تهد بعد جردها وكما قال لك اخي جير حر هو 900-1000مناسبه لهداد الطير والله يوفق الجميع

[عادل العيباني]

جزاكم الله خير على المعلومات وننتظر المزيد من الاراء دون قصور فيكم لاهنتو

[klash1]

السلام عليكم والله ياخوي انا الجيره الي عندي اهدها علي وزن ١١٠٠ وتبع الجير اهده علي٨٠٠ ذا انسب اوزان لهم

[راكااااان]

مقاس 17 بشكل عام الوزن يكون 950 يزود وينقص شوي مافي مشكله هذه بنسبه لي انا وكلن ورايه

[عبدالله بن الشيخ]

السلام عليكم ,, الله يبارك لكم فالطير انشالله

بالنسبة لحجم الـ 17,5 أنصحك نصيحة لاينزل عن ال 1050 , خلك فوق إذا كنت تبي الجناح الطيب

طبعا انت صقار كبير وتعرف ان الطير لازم يكون حار ومستهد صح قبل كل شي علشان تقدر تتحكم في وزنه

لازم الطير يكون عاق شبيكته ومستهد على الهدد او على الدعو ومجرود صح بعدين تبدى ترفع وانا اخوك

واما غير هذا الكلام فالطير هو اللي يتحكم فيك وبالتالي تخترب الشغلة .

المهم : بالنسبة لحجم ال 17,5 على حسب الطير وانا اخوك , يعني:
في طيور وزنتها 1050
وفي طيور تقبل 1100
وفي طيور تقبل 1150
وفي طيور تقبل 1200

يعني وانا اخوك دور وزنة طيرك بين هذي الأوزان

وفي حالات نادرة وانا اخوك , مثلا انا كان عندي جير شاهين 17,5 يهد على 1300 ويعطيك جناح خيالي

اتمنى اني افدتك , والسلام عليكم ورحمة الله وبركاته .

[راعي الذيبة]

ملقصروااااااا الاخوان كفووو ووفووو

[عادل العيباني]

بيض الله وجيهكم والله يجزاكم عنا كل خير