ياوسعة الصدر حييّتي=في جوّ أرضه ممطوره........الحل الطلقه وبيت النار...حله ناصر العلي

[ال-رايق]

السلام عليكم ورحمة الله وبركاته
اليكم هذا اللغز
وترى نصف الهرج طايح عشان العاقل يطيح نصف هرجه(المثل يقول كذا):

ياوسعة الصدر حييّتي=في جوّ أرضه ممطوره
قضيت حلو المكاشيتي=مع طيّب ينوخذ شوره
ايضا مع ذيّع الصيتي=ناس بهم نفسي مسرورة
ازحول ماهم مفاليتي=مافيهم نفخه وخنفورة
مافيهم نزر ولدهيتي=بخيل حتى على بزورة
فطورنا قرص وفتيتي=ماهوب خبز وشابوره
بالسمن ماطبّه الزيتي=من ياكله تضبط شعوره
والنار تقدح بكبريتي=الين يشعشع سنا نوره
والكبش له ساعة ميتي=دقايق والغدوة منثورة
وودلال بن مغاميتي=من طافح الهيل وقشورة
والشاهي مزاج تكريتي=تسواته بالجمر محكورة
وسوالف مابها كيتي=كل يسولف حسب دوره
مافيها لغط و تناهيتي=عن ضيقة الصدر مقصورة
لو ناصل بحور هاييتي=كل ركب فوق بابوره
وعندي لكم لغز يابالفيتي=يسلم من الذبح حنجوره
وش بنت تسكن لها ببيتي=يحرسها ثم يكشف العورة
بيت قوي دون تسميتي=يستر على ابليس وافجوره

وسلامتكم/أخوكم ال-رايق
مكشات/خيمة الألغـــــــــاز

[المزيدي4]

وعليكم السلام ورحمة الله وبركاته
صح لسانك يا أبو مهند وسلمت وسلكم إبداعك ودامت روائعك
قصيدة رائعة وطرق أروع
من شاعر جزل عوّدنا على الجزلات
وهذي القصيدة المكشاتية إحداها

وخذ هذه الرمعة الضلعية فتح باب:
البذرة

دمت بود

[ابو سالم22]

وعليكم السلام ورحمة الله وبركاته

ماهي البكت و السيجاره

عصمنا الله عنها

[صقر السديرات]

صح لسانك ابو مهند
دائما جزل وخفيف دم
شكلك كاشت من هالقصيدة;)
اسمع يا ابومهند ما قد ذبحت لك لغز لكن كود الله يجيبة
يمكن
السلحفاة
او السكين في جرابها
دمت محبا للبراري

[ابو اسامه 2]

وعليكم السلام ورحمة الله وبركاته

صح لسانك يا الغالي ملايين

وبيض الله وجهك شاعرنا الرائع الرائق

لله درك ولا فض فوك

ابيات تطرب

وعز الله هذي الجلسات والا بلاش

خوة رجال مناعير

ماهي جلست الطرب واهل الجنز والبنز

جاري التفكير يا الغالي

[ابو ماجد 2]

هلا بالغالي
هلا بك يابو مهند
هلا بالمتحدث شعرا
زادك الله من فضله
عز الله انك عبرت عما يختلج بالنفس
انت رائع بجميع حالاتك والواحد يعجب فيك وبمواضيعك
وبعض الناس تعجب فيه واذا ماواجهته قلت نسبة الاعجاب فيه
وانت اعجبنا فيك وحين لقيناك تجاوزت مافي البال من اعجاب ولا استطيع ان اقول الا انه زادنا لقياك اعجابا وانبهارا فيكم
جزاك الله خير
لايحضرني مرماع ولكني اتيت لأسجل تحيتي وتقديري
زاد اجابنا فيك اعجابا

[المهستر1]

صح لسانك وبيض الله وجهك..
مرور تقدير واعجأإآب

[ناصر العلي]

وعليكم السلام ورحمة الله وبركاته
سلمت ياأبومهند
وصح لسانك
والله لايضرك على هالوصف
ويش قولك بـ
العقدة

وَقَوْله تَعَالَى " وَمِنْ شَرّ النَّفَّاثَات فِي الْعُقَد " قَالَ مُجَاهِد وَعِكْرِمَة وَالْحَسَن وَقَتَادَة وَالضَّحَّاك : يَعْنِي السَّوَاحِر قَالَ مُجَاهِد إِذَا رَقَيْنَ وَنَفَثْنَ فِي الْعُقَد .

[ابو ماجد 2]

صبحك الله بالخير
مريميع يالغالي
البيت
الردم بين السدين
البنت قبيلة ياجوم وماجوج
الردم يستر القبيله في فجورها ولكن من علامات الساعه انه يظهرها ويكشفها

[torrjom]

صح السانك

ياابومهند

عاداتك رقي الصعايب

والله يزيدك من فضله

طر على بالي ابونايف يوم قريت قصيدتك

بلغه سلامي ولا عليك امر

تسجيل حضور

وجاري التفكير

كل الوووووووووووود

[النبهاني]

وعليكم السلام ورحمة الله وبركاته
صح لسانك يابو مهند
لله درك
والله يوسع صدرك بالعافيه
محاوله يالغالي
القمراء والليل

[المزيدي4]

خذ رمعة ثانية يا أبو مهند
الشمس !

[ال-رايق]

وعليكم السلام ورحمة الله وبركاته
صح لسانك يا أبو مهند وسلمت وسلكم إبداعك ودامت روائعك
قصيدة رائعة وطرق أروع
من شاعر جزل عوّدنا على الجزلات
وهذي القصيدة المكشاتية إحداها

وخذ هذه الرمعة الضلعية فتح باب:
البذرة

دمت بود



ارحب يابوسعد
وتسلم الله لايهينك ..وماعليك زود
واكمال الروعه تسجيل حضورك الغالي يالغالي
تحياتي

[ال-رايق]

وعليكم السلام ورحمة الله وبركاته

ماهي البكت و السيجاره

عصمنا الله عنها


يامرحبا ببوسالم
والله حيّه وسلمه
والرمعه بعيده
تحياتي

[ال-رايق]

وعليكم السلام ورحمة الله وبركاته

صح لسانك يا الغالي ملايين

وبيض الله وجهك شاعرنا الرائع الرائق

لله درك ولا فض فوك

ابيات تطرب

وعز الله هذي الجلسات والا بلاش

خوة رجال مناعير

ماهي جلست الطرب واهل الجنز والبنز

جاري التفكير يا الغالي




هلا وغلا مليارات على قدر الحضور والغيبات
مشرفنا الغالي والمشهود له من الجميع بالطيب .
وصح بدنك الله لايهينك
وماعليك زود فيما ذكرتني به من اطراء الله يسعدك
وصدقت ان الطلعات مع الناس تثبت ظنك الطيب فيهم خصوصا مثلما وضحت من الاجناس.
بانتظارك
تسلم ويسلم تفكيرك

[ال-رايق]

صح لسانك ابو مهند
دائما جزل وخفيف دم
شكلك كاشت من هالقصيدة;)
اسمع يا ابومهند ما قد ذبحت لك لغز لكن كود الله يجيبة
يمكن
السلحفاة
او السكين في جرابها
دمت محبا للبراري



صح بدنك
وياهلا بالغالي اول وزاد غلاه تالي:l
ارحب تراحيب مالها عد وتحاسيب
حي الله اخونا ابوفيصل/وحتى لو انا كاشت ماني معلمك ويني به (تدري!ابعطيك الاحداثية لو تبي)
والجزالة والذوق وخفة الدم =منك والله نستفيد/وكذلك وقت الجد الله ليوفقك
والرمعه :
الأوله تبقيك بالضلع حتى لو تقاعد تحطك مستشار وفي مجلس الشورى كمان.
---------------
الثانية:
انت خطير لذا اقول لك خيرها بغيرها .
تحياتي

[ال-رايق]

هلا بالغالي
هلا بك يابو مهند
هلا بالمتحدث شعرا
زادك الله من فضله
عز الله انك عبرت عما يختلج بالنفس
انت رائع بجميع حالاتك والواحد يعجب فيك وبمواضيعك
وبعض الناس تعجب فيه واذا ماواجهته قلت نسبة الاعجاب فيه
وانت اعجبنا فيك وحين لقيناك تجاوزت مافي البال من اعجاب ولا استطيع ان اقول الا انه زادنا لقياك اعجابا وانبهارا فيكم
جزاك الله خير
لايحضرني مرماع ولكني اتيت لأسجل تحيتي وتقديري
زاد اجابنا فيك اعجابا


الله يطوّل عمرك كثر ما اوليتني من اهتمام والدليل على ذلك حلو ردك النابع من عذب ضميرك العصامي عصمك الله من الشر يابوماجد,,يا اخينا الغالي:
وصح بدنك وماعليك زود
ونتبع اثرك الله يثريك بالصحة والسعادة والغناه عن الناس(آمين).
والقلوب شواهد وليتنا على قد المسئولية في التعامل مع مثلك وشرواك ممن يشرف الرجل ان يتقدم بهم بالمجالس ويستقبلهم استقبال اصحاب الفضيلة ووجهاء البلد.
تحياتي

[ال-رايق]

صح لسانك وبيض الله وجهك..
مرور تقدير واعجأإآب


ياهلا وغلا باخونا الغالي
وتسلم تسلم الله يوفقك
ووجهك ابيض ودربك خضر ولا ترى مكروه
الله يرفع قدرك

[ال-رايق]

وعليكم السلام ورحمة الله وبركاته
سلمت ياأبومهند
وصح لسانك
والله لايضرك على هالوصف
ويش قولك بـ
العقدة

وَقَوْله تَعَالَى " وَمِنْ شَرّ النَّفَّاثَات فِي الْعُقَد " قَالَ مُجَاهِد وَعِكْرِمَة وَالْحَسَن وَقَتَادَة وَالضَّحَّاك : يَعْنِي السَّوَاحِر قَالَ مُجَاهِد إِذَا رَقَيْنَ وَنَفَثْنَ فِي الْعُقَد .





هلا بك اكثر ياللي لك الورد ينثر
هلا وغلا بأخونا ابوعلي
وصح بدنك -وماعليك زود
والي يسرك يسرنا الله يسعدك بالدارين
والرمعه:
جميله من جميل
لكن المطلوب مايخص الدين
تحياتي

[ال-رايق]

صبحك الله بالخير
مريميع يالغالي
البيت
الردم بين السدين
البنت قبيلة ياجوم وماجوج
الردم يستر القبيله في فجورها ولكن من علامات الساعه انه يظهرها ويكشفها





هلا وغلا بالغالي
والله يصبحك بالسرور
ورمعه جميله
والمطلوب في غير القرآن الكريم
تحياتي

[ال-رايق]

صح السانك

ياابومهند

عاداتك رقي الصعايب

والله يزيدك من فضله

طر على بالي ابونايف يوم قريت قصيدتك

بلغه سلامي ولا عليك امر

تسجيل حضور

وجاري التفكير

كل الوووووووووووود











ارحب تراحيب كثيرة في النت ولا مع اثيره/مرحبا واهلين باخونا طرجم
والحقيقه دائما ماتفرحنا بمداخلاتك جعلك تسلم يابوعبدالعزيز
واشادتك شهادة فخرية تشرّف من يتسلمها .
وابو نايف الله يذكره بخير طيب ويسلّم عليكم جميعا -طبعا من قرابة اسبوعين لكنه مشغول والله يكون بعونه وعون الجميع ونيابة عنه اقول تسأل عنك العافيه .
الله لايهينك
تحياتي

[ال-رايق]

وعليكم السلام ورحمة الله وبركاته
صح لسانك يابو مهند
لله درك
والله يوسع صدرك بالعافيه
محاوله يالغالي
القمراء والليل


يامرحبا ومسهلا ترحيبة من منهلا
هلا بالغالي /اخينا وبناخينا ابوسالم
وصح بدنك
والله يسلمك ومشكور على ردك الجميل جمّل الله ساسك ومعانيك وعمّر الله مبانيك.
والرمعه يازينها
بعيدة بالحيل
الحاجة ملموسة ويدك والحار.
دمت لمّاحا
تحياتي

[ال-رايق]

خذ رمعة ثانية يا أبو مهند
الشمس !



ابو سعد ووجه السعد
الله يرضى عليك
الرمعه الاوله وهذي/بعيده بعد الضلع في الطول والارتفاع والمسافه وعلى طاري الشمس فيه دولة ماهي بعيدة عننا قال المفكرون العباقرة عندهم:
(نشتي نطلع الشمس)قالوا لهم ناس ليه ماتطلعون القمر قالوا(المملكه سبقونا ونشتي نغيّر)قالوا لهم طيب الشمس حارقة :f)قالو(نطلع بالليل)هههههههههههههه
المطلوب حاجة ملموسه اذا فكرت بالبيت تطلع الحاجة والبيت ماهو حجر او اسمنت كما تم توضيحه.
تحياتي

[راعي العجراء]

صح السانك يالراااايق
ابيات تطرب الكيف وتوسع الصدر
والحمدلله على السلامه
ماشاءالله كاشت الله يوسع صدرك بالعافيه
هه وشلون الكشته عساكم تونستوا
ماعلمتوني اكشت معكم لو اتوسد عرفجه بس اطلع من الديره
على العموم وين حقنا من الضبان
ورمعه
ماهي الكشافه في بيوت الطين عن الدخان

تحياتي

[ابو ماجد 2]

محاوله
العين
وتنستر في بيتها اثناء النوم والاغضاء

[راعي 505الدلة]

ارحـــب تراحيب الحيا يابو مهند
صح لسانك على ماسطرت
وبيض الله وجهك على اللغز الكايف
ودام جوك ياطويل العمر بر وفلة احجاج
فعندي رمعه يابلفيتـــــي :D:D
شنـــطة العــــزبـــه
ادري انهـــا غـــاديـــه

[ناصر العلي]

نعاود المحاولة يالغالي
ماتصير
الطلقة ببيت النار


http://www.alramay.com/up/05-2007/alramay_80842046.jpg

[محمد الظاهري]

ماشالله تبارك الله عليك يابو مهند
طرق وابيات ينسج معها
واكرر الابيات لجزل كلماتها
ووصف الحاله
اشكرك ياشاعر الالغاز ياغالي
محبك

[ال-رايق]

صح السانك يالراااايق

صح بدنك يالغالي/اخونا ابوجلمبو
ابيات تطرب الكيف وتوسع الصدر
والحمدلله على السلامه
ماشاءالله كاشت الله يوسع صدرك بالعافيه
هه وشلون الكشته عساكم تونستوا
ماعلمتوني اكشت معكم لو اتوسد عرفجه بس اطلع من الديره

هههههههههههه حلوه عرفجه مكتوب عليها تصبح على خير
على العموم وين حقنا من الضبان
ورمعه
ماهي الكشافه في بيوت الطين عن الدخان

تحياتي


هلا وغلا براعي العجراء
ياخوي متعودين على سوالفك الحلوة لذا ردّيت عليك مثل اللي فوق بالاحمر احسب اني بخيمة السوالف!:D
وحكاية الوناسة ابشرك فل الفل ولله الحمد
وحكاية تروح معنا ابشر لكن الشرط :
تجيب الدنّينة عشان نشوف انت تقدر ترقى(درب دحل ضاحك)او تستخدم الدنينة خمسة في مدري كم.
والضبّان ابشر بالخير والعوض في اللي جاي,,,لأننا صدنا ثلاثة عيرة توّهن نازلات ولقيناهن موقعاتن في طلحة ام الطيور اللي حول الشوكي وحظنا زين صدناهن توهن قاطعات البحر وفي الرجعه لقينا المكون اللي عازمتهم مكسور جناحها ومسكها واحد من الربع يعرفه المحافظ عنده فقّاسة بضلع الشيخ مانبي نذبحها عشان البيض وقسمك موجود.
والرمعه/
تؤهلك ولا تزعل منّي تروح للمحافظ
تحياتي

[ال-رايق]

محاوله
العين
وتنستر في بيتها اثناء النوم والاغضاء



خل اتساوا
والحل عند اللي تقول له خل اتواسا
تحياتي لك يا اغلى زعيم

[ال-رايق]

ارحـــب تراحيب الحيا يابو مهند
صح لسانك على ماسطرت
وبيض الله وجهك على اللغز الكايف
ودام جوك ياطويل العمر بر وفلة احجاج
فعندي رمعه يابلفيتـــــي :D:D
شنـــطة العــــزبـــه
ادري انهـــا غـــاديـــه



ارحب ياراعي الدلة,عد وبل المستهلّة ,ياعريب الجدود, يامحارب الزلّة
----------------
وحيّاك رب العالمين
وصح بدنك,,وجهك ابيض اليوم ودوم
وشنطة العزبة انتم اهلها ومكرمينها,,
وخيرها بغيرها
لكن ادري انها اعجبتك الكلمة ياعارف قاموسها:D:good2:
تحياتي

[ال-رايق]

ماشالله تبارك الله عليك يابو مهند
طرق وابيات ينسج معها
واكرر الابيات لجزل كلماتها
ووصف الحاله
اشكرك ياشاعر الالغاز ياغالي
محبك

يامرحبا بالظاهري , اعداد نجم ساهري , سلام من عقد الذهب , صفصافه الجواهري
---------
سجّت بك العافيه يامشرفنا الغالي واخونا اللي يفرحنا تواجده وتسرنا ردوده.
واللي تقوله اعتبره وسام اعتز فيها الله يعّز ويرفع مقدارك.
تسلم عسى عمرك طويل

[ال-رايق]

نعاود المحاولة يالغالي
ماتصير
الطلقة ببيت النار


http://www.alramay.com/up/05-2007/alramay_80842046.jpg


تعاود المحاولة يابوعلي ومعك (شوتقن)وتبغانا نقول مالك لواء؟؟؟؟
مستحيل!!!!!!!!!!!!!!
--------------------------
القناص وبيده بندقية/أخونا الغالي ناصر
--------------------
الحل/الطلقة وبيت النار(بيت الطلقة)
----====
التوضيح/
وش بنت تسكن لها ببيتي يحرسها ثم يكشف العورة
(بيت النار -بعد الحراسة والاختباء عدا المؤخرة((العدسة او القمع))حيث يسمح للنادوس((الضرّاب))بالمباشرة.
بيت قوي دون تسميتي يستر على ابليس وافجوره
قوي اي من الفولاذ وليس الاسمنت,,وابليس هنا اقصد به كما يسميه الكثير((الشيطان))وافجوره المقصود التفجير .
كفانا الله واياكم الشر
وتقبلوا تحياتي

[ناصر العلي]

تعاود المحاولة يابوعلي ومعك (شوتقن)وتبغانا نقول مالك لواء؟؟؟؟



مستحيل!!!!!!!!!!!!!!
--------------------------
القناص وبيده بندقية/أخونا الغالي ناصر
--------------------
الحل/الطلقة وبيت النار(بيت الطلقة)
----====
التوضيح/
وش بنت تسكن لها ببيتي يحرسها ثم يكشف العورة
(بيت النار -بعد الحراسة والاختباء عدا المؤخرة((العدسة او القمع))حيث يسمح للنادوس((الضرّاب))بالمباشرة.
بيت قوي دون تسميتي يستر على ابليس وافجوره
قوي اي من الفولاذ وليس الاسمنت,,وابليس هنا اقصد به كما يسميه الكثير((الشيطان))وافجوره المقصود التفجير .
كفانا الله واياكم الشر


وتقبلوا تحياتي


بيض الله وجهك ياأبومهند
وربي يسلمك من الشر يالغالي
والشاعر اليمني يقول
وادعتهم يوم الأثنين.....صبح الثلوث أوحشوني
دمت بخير