يا اخوان شما اقتراحاتكم وارائكم

[بارود2]

السلام عليكم ورحمة الله وبركاته ..



بختصر لكم الموضوع كلن يدلي بدلوه


انا بعت لي طير قرناس بكر حر على احد الاخوان في المملكة العربيه السعوديه



علوم الطير : معلم على حبارى ، صايد الكروان معي هالسنه أول الوقت ، ولاشاف أرنب



الزبدة ان الطير مشنذر شهر 9(ميلادي) ودعيته من المربط لين نص 10 تقريبا وبعدها فالبيت يعشى على وكره ..


بعته في بداية12 بعد ما جاتني دوره خارج البلد..



أخونا في الله استلم الطير من أول يوم هد على حمامه ولحقها الطير مسافه بسيطه ومنع منها ..وكلمني وقلت له يخوي الطير ما أهد له حمام وبالاصح أدعيه بالملواح لجل اركد الطير على التكيه لأن صار لي فتره اخليه على التكيه وماشالله مايحترك ، فقلت له اذا انت تبي تشوف جناحه هل هو طيب ولالا مافيه مشكله ادع الطير أسبوع وهد له حمام


كلمني بعدها بيوم وقال الطير جبت له نورس ومابغاه !!! قلت ياخوي الطير علومه اللي عطيته وش دخل النورس !!!


اليوم كلمني يقول الطير هديته على كروان ولا بغاه ولا حتى شافه



( افيدونا بارك الله فيكم ) انا ماعندي مشكله أرجع فلوسه طيري وخابره لكن هل من الممكن انه لعب بالطير أو خرب طبوعه؟ هل أنه يهد له حمام واذا افلس يعشيه(وخذاها عاده)، ولا مروع الطير بالنورس


انا افكر اللحين اروح للطير يوميا ادعيه لمدة أسبوع وبعدها بهد له كروان وهو موجود


واسمحو لي على الاطاله

[نجم404]

عليكم السلام ورحمة الله وبركاته
مرحبا اخي بارووود كلامك واضح وان رجعت الطير انت وضميرك وطبوع طيرك ممكن تغير بالحمام

[مالقيت اسم ا]

اذا كنت موثق صيد طيرك بالصور ماعليك منه.

[جيرالحر]

اخوي رجعة واشرط بعد التاكد من طيرك ترجعة اذا على خبرك رد له والله يعوضك خير من ترك شي لله عوضة خير منه واذا طيرك تغيرت علومة اشرط علية تنقص من قيمة الفلوس المعادة له هذا شوري عليك والله يدلك

[ابرق الحرار]

رجع الطير بشروط خل الفلوس عندك وبعد ماتجهز طيرك تواعدو في المدعى بحظور رجال لهم خبرتهم في الصقاره وحضر الكروان او الحباره اذا الطير طرحها ياخذ طيره ويحط عليها مبلغ متفق عليه من الطرفين واذا ماطرح رد افلوسه واستلم طيرك

[برق المغيب]

عطوك العلم اخوان شما..... وانا من رأي اخونا ابرق الحرار

[(هزاع)]

(البيع المشروط )
اذا انت شارطله اذا مالحق كذا او اذا ماصاد كذا او اي شرط لزمك ارجاع الطير وارجاع دراهم الرجال
اما اذا انت تقوله علوم ولاتشرط عليها ماعليك ارجاع
شف ورضي ضميرك
الاثم ماحاك في صدرك وخشيت ان يطلع عليه الااخرين
انت ادرى بما قلت وحكم على نفسك بما شرطت او احكم عليه