من يحلها وله جائزه

[sulaiman.fj40]

سلامي للجميع/باختصار ركبت مكينه 305 حقت كابرس مع قير 700 امريكي على نيسان باترول ربع والغيت الدبل ابغاه اخف واسرع/لكن المفاجأه انه صار ثقيل بالقومه ومايفز بسرعه/ وش الحل يالربع؟؟؟؟؟

[sgl2002]

اتوقع ان القير هو المشكلة وماهو مناسب مع الدفرنسات

[وجعين]

سلامي للجميع/باختصار ركبت مكينه 305 حقت كابرس مع قير 700 امريكي على نيسان باترول ربع والغيت الدبل ابغاه اخف واسرع/لكن المفاجأه انه صار ثقيل بالقومه ومايفز بسرعه/ وش الحل يالربع؟؟؟؟؟
اكيد من القير غير القير وسأل اهل الامريكي عن القير المحشور الي يعطيك فزه وقومه بس السرعه تكون اقل

[sulaiman.fj40]

شكرا يااخوان على سرعة الرد وارجو مساهمة بقية الاعضاء ممن لديهم خبره وللجميع الشكر والامتنان

[SGL]

ليش ماركبت350 افضل واقوى305احسن مافيها صرفية البنزين اقل شوي والجربكس700 من افضل الجربكسات اربع نمر ومريح للمكينه باالخط وعندك300 ثلاث نمر جيد بس الافضل700 بس امكن السبب من الجربكس ماهو ضابط مع قوة المكينه

[الكشات وافى]

قد يناسبك هذا الموقع اللى يعلمك ماهو القير المناسب لسيارتك ...




http://www.tremec.com/performance/gear-calculators.html

[شفر 10]

305 ضعيفة والقير كبير عليها

[المنيعي1]

سلامي للجميع/باختصار ركبت مكينه 305 حقت كابرس مع قير 700 امريكي على نيسان باترول ربع والغيت الدبل ابغاه اخف واسرع/لكن المفاجأه انه صار ثقيل بالقومه ومايفز بسرعه/ وش الحل يالربع؟؟؟؟؟
الحل انك تركب قير عايدي
علماً ان المكينة 305 سعة البستم 5000 فقط
وثقيلة حتى على الكابرس وكالة ماتقارن بالـ 5700

[أبو اريام]

اخوي مكينة ٣٠٥ على قير ٧٠٠ ولا احلى
بس شيك على الكربليتر او الديلكو يبيله وزن

[سفاح الصفاري]

بعطيك الي عندي


احتمال كبير يكون من القير وانا اقولك ليش

الحين المواتر السريعه تلقى عليها قير بالاول تمشي الى 150 طبعاً هذاي مواتر مكينها قوية مره تمشي 300 وعليها
بعكس النيسان الي لا يتعداى 40

وان بقولك : انا واحد من اخوياي الله يهدية معه كابرس راح يركب على مكينة الكابرس قير كوماروا طبعاً صار تقول مقوم الموتر في 3

انا اقول لزم قير مناسب لقوة مكينة الكابرس
يعني على قولتهم يبيله قير يحشر
يحشر = تعشيقاته تكون قريبة

[sulaiman.fj40]

ماقصرتوا يااخوان واشكركم على المشاركه بالراي-وعندي سؤال له علاقه:هل الدفرنش له دور؟يعني يمكن الكارونه صغيره على قير 700 او النسبه بين القير والدفرنش فيها اختلاف وهذا اللي يخلي الموتر بقومته كأنه مقيد/ رايكم بارك الله بالجميع-

[أبو اريام]

انا ارجع وأقول تأكد من وزن الديلكو وتأكد من الكربليتر

[ابوراكان تبوك]

305 ضعيفة والقير كبير عليها

صحيح نفس اللي يدور في المخ لاني استخدمت كوابرس مكاين 305 و 350

لكن لو ركبت مكينة 454 بتشوف الفرق ومكينة 510 خيال

[أصيل حجآ زي]

305 ضعيفة والقير كبير عليها



هذا هو الكلام الصحيح .
:good2: :good2: :good2:

يا دوب تستطيع تتحمل قير 350 HM.
:good2:

[شفر 10]

الريوس * * * الغيار الرابع**الغيار الثالث. * * الغيار الثاني * *الغيار الأول ** نوع القير
TH350 ********2.52** * *1.52******* * *1.00 ********** N/A* * * *1.93
200r4. ******** 2.74** * *1.57 ******* * *1.00 ********** 0.67** * * 2.07
700r4. ******** 3.06** * *1.62 ******* * *1.00 ********** 0.70 *** * 2.29

هذي مقارنة بين الجربكسات

[sulaiman.fj40]

شكرا اخواني جميعا واعتقد اني لازم اغير القير الى قير 350 حق الكابريس . ماهي نصيحتكم وبالاخص الاخوه شفر واصيل حجازي ولا يهونون بقية الاخوان / انتظر اجاباتكم لاعدمناكم.

[أصيل حجآ زي]

أخي / سُليمآن
الشُكر والحمدُ والفضل ُ
والمنة لله المُنعم الجبآر
ولك جزيل الشُكر وأوفرُه .


حآضرين يا عم .


شُف :
أهم ما في الموضوع أنهُ بعد التكيب .
ضروري تتأكد أن منظم القير اللي يكون بيمين القير
يحصُل على هواء شفط { فآكيوم Vacuum }
يُشبك بلي من الثلآجة حقت المُحرّك فوق المُحرك أو من الكربريتر .
بالعآدة الكآبرس القديمة بمؤخرة الكربريتر بزبوز { مآصورة } صغيرة
يُشبك بها اللي اللي يروح ليمين القير ويُشبك بجُلبة { بزبوز صغير }
ليتحكم بمنظم القير والمُنظم هو اللي يتحكم بتبديلات القير .
أقراء هذا الدرس لتعرف وش أقصُد :
ردي لمن سأل عن أهم أسبآب تأخير تعشيق نمر القير التمآتك خلل نظآم التحكـُم {المُنظم}؟ (http://www.mekshat.com/vb/showthread.php?t=327539)



ولا نحتآج جآئزة ولا أي شيء
الا دعوة صآدقة بظهر الغيب .
وفقك الله .


أفضل شيء يركب على المُحرك
اللذي ذكرتهُ 305 هو قير 350
قوي ويتمآهى ويتمآشى مع
عزم { تورك Torque } المُحرّك .


في الأصل :
شركة جي أم GM صنعت قير
هيدرومآتك 200 TH200-HYDRAMATIC
لسيآرآت مثل الأمبآلى
في عآم 1977 الى عآم 1979 صليبي .
وركبتها على عدة سيآرآت من تلك الطرآزآت في أمركا وكندا .
وأثبت ذلك القير فشل ذريع .
فما كآن من جي أم شفر ليت الا أن
أستدعت { ري كول Recall } الزبآئن
الذين عندهم تلك القيور الضعيفة
وعوضتهُم بقيور قوية 350 TH350-HYDRAMATIC .
وسحبت كُل القيور الضعيفة 200 و 200R
TH200-HYDRAMATIC
TH200-R - HYDRAMATIC
و 200- 4أر GM TH-200-4R .



http://www.hemmings.com/story_image/250571-1000-0.jpg?rev=1


http://www.hemmings.com/story_image/42776-500-0.jpg?rev=1



وهذي تحت صورة
الـ 200 4أر تربوهيدرومآتك
Turbo Hydra-Matic 200-4R :
http://www.hemmings.com/story_image/43762-500-0.jpg?rev=1






هذي تحت صورة الــ 700 4أر
GM TH700R-4 transmission
http://www.hemmings.com/story_image/43761-500-0.jpg?rev=1






وهذا تحت صورة
للقير هيدرومآتك 200 سي
أسوأها على الأطـلآق
Turbo-Hydramatic 200C

http://www.drwtransmission.com/images/200C/200C.jpg




الحروف التي تلي أسم القير التمآتك
هي لتعديلات رئيسة بالقير نفسهُ يعني طرآز مُختلف
عن الطرآز الأســآسي وكآنت محآولات مُستميتة من جي أم
لأنقآذ قيورها من تلك الطرآزآت الفآشلة .
طبعآ :
فآشلة بالنسبة لمستوآهُم .
بالنسبة لنا وين نحنُ من التقنية .
نبعُد عنهُم وعن الدول المُتقدمة صنآعيآ .
يعني أقول حوآلي بين 500 و 700 عآم .
وأن تفآئلنا نقول 550 عآم بالهجري .
أتكلم عن التقدُم التقني الصنآعي وخآصة الألكتروني .
أن شاء الله ينهض شبآبنا الأبطآل ليتعلمو كُل جُزء من التقنية .

والله العظيم :
كُلما قرئت في موآقعهُم ومنتديآتهُم التقنية
أني أذهل من المستوى اللي وصل فيه العآمة منهُم
خلي عنك المُتخصصين /// شيء رهيب .
تحصل كثير من العآمة منهُم يتكلم عن أدق الأشياء التقنية
بشكل كآنهُ مُدرس في مدرسة تقنية .

طبعآ :
كثيرين منهُم ما يعرف كوعهُ من بوعه .
بس يعرف يقراء ويكتُب وأذا أضطر .
يدخُل الموآقع التقنية والمنتديآت التقينة
ويحصل اللي يبغى بتفآصيل مُملة ودقيقة .
شيء رآع وشيء عجيب ويعجبوني في منتديآتهُم التقنية .

لذك أنصح وأُشدد على الشبآب تعلمُ لُغتهُم لنستفيد
من الموآقع والمُنتديآت التقنية وعلوم التقنية التي أسسها أجدآدنا .
ونمنا نحنُ عنها .


في هذا الرآبط تحت
به شرح كويس عن هذي القيور
ما عندي وقت أفصلهُ أو أترجمهُ :
http://www.hemmings.com/mus/stories/2006/03/01/hmn_feature14.html




.
وخزنتها ونظفتها { ري كوندشن / يعني تلميع وتدليع } .
ولما صنعت الكوآبرس مُظلآت 85 صليبي .
ركبت تلك القيور عليها وأرسلتها للعُربآن .
يعني خدعتنا بغشها وكُنت أنا أحد هؤلائي الضحآيا .
لكن الحمدُ لله تمكنت أن
أخلي قيرهُم يعيش معي حوآلي 5 أعوآم .
وبعدها ركبت 350 القوي .
الآن أو من مُدة أخبُر
القير 350 TH350-HYDRAMATIC
المُجدد بقيمة حوآلي 1350 ونزل سعرهُ كثيرآ .
الأيآم هذي ما عندي علم عن سعرهُ .


وأهم شيء .
تستخدم زيت جي أم GM الأصلي المتوآفق مع
موآصفآت / معآيير دكسرون 3 Dexron III .
لا تستخدم أي زيت لا يحمل دكسرون 3 Dexron III .


ودآئمآ :
قس مستوى الزيت بالطريقة الصحيحة .
وهي تختلف في القيور
الشرقية { يآبآني + كوري + صيني }


عن طريقة قيآس مستوى زيوت القيور
الغربية { أمريكي + كندي + مكسيكي + برآزيلي }



ويختلفآن عن طريقة فحص مستوى زيوت القيور الألمآنية الغريبة .
كـيـف تـفـحـص قـيـرك و ز يـتــُه / حــتـى لا تــُـفــاجـئ بـخـرآب قـيـر سـيـآرتك (http://www.mekshat.com/vb/showthread.php?t=222916)



كـيـفـيـة تـغــيـر زيـت قـيرك الـتـمآتك والعـآدي مـُـرفق بأشـرطة للتوضيح ؟؟؟ (http://www.mekshat.com/vb/showthread.php?t=285489)







موفق
وتلقى خير بأذن الله

[sulaiman.fj40]

الف شكر اخوي اصيل حجازي وماشاء الله عليك والمامك بالميكانيكا بارك الله فيك. لن نصل الى ماوصل اليه الغرب ولا بعد الف عام ان استمر وضعنا كماهو الان-بالنسبه للقير اتفق معك ان ال350 انسب قير للمكينه 305/ وان شاالله ابحث عن واحد واركبه ونكون على اتصال عبر هذا الموقع المفيد. مرة اخرى لك مني وافر التحيه والاحترام وجزاك الله خيرا اخي.

[وجعين]

ونا انصحك ترجع قير الباترول لان المكينه8 سلندر تبي تصير قويه عليه مقارنه بمكينته ال6سلندر وراح يعطيك عزم وتسارع اكثر من القير التماتيك الي تبي تركبه بس يبيلك تحويله بين القير والمكينه بعدين وش فايده الجيب ونت ملغي الدبل يعني لاغرزت يبيلك احد يسحبك

[sulaiman.fj40]

اشكرك اخوي وجعين/ انا هاوي تجربة الباترول بدون قير ودبل ولا تحويله وبجرب ان شفت انه سالك خليته/ترا الهافات الاوله كانت دنقل ولا فيها دبل وتشق الطعوس وتطوي الفيافي والقفار / تحياتي

[شفر 10]

ما أزيد على كلام أستاذنا وشيخنا أصيل إذا تبي تستخدم نفس المكينة الأفضل لها قير 350 لانه مشهود له بقوة التحمل
بس رأيي الشخصي لو كنت مكانك وسيارتي باترول راح أركب لها مكينة 350 مع قير 700r4
طبعا قير 700r4 لازال يستخدم إلى يومنا هذا في التاهو واليوكون الى موديل 2007 تحت اسم 4L60 وهذا دليل نجاحه و من موديل 2009 وما فوق تغير إلى 6L80 و 6L85 اللي يسموه الشباب أبو ست غيارات.
اذا جاء حرف ال E في النهاية ---> 4L60E هذي النوعية الكتروني

ملاحظة أخيرة تأكد من محول العزم (التورك كونفيرتر) اللي يسموها الشباب الطنجرة أو البطيخة ترى لها شغل بالفزة

[ysssf1]

اممممممممممممممممممممممممممممممممممم

[وجعين]

اشكرك اخوي وجعين/ انا هاوي تجربة الباترول بدون قير ودبل ولا تحويله وبجرب ان شفت انه سالك خليته/ترا الهافات الاوله كانت دنقل ولا فيها دبل وتشق الطعوس وتطوي الفيافي والقفار / تحياتي

صحيح قصدك الفوروت القديمه بس شي قبال شي لاحض ان دفرنساته مشروكه وسرعته يالله تجيب الميه يعني كانك تبي تدورلك دفرنس مشروك يمكن تمشي الامور