لغزٍ بنيته بين طينه ولبنه ....................... حله ( ابو اسامه ) .. الحل (سلسبيل)

[ابو ماجد 2]

بسم الله الرحمن الرحيم


السلام عليكم ورحمة الله وبركاته


لغزٍ شغلني بين سطرٍ وسطري =نوبٍ اطيله ثم اعوّد اخبنه
اسمٍ وله ذكرٍ بالانسان يطري=لغزٍ بنيته بين طينه ولبنه
حرفين لهن طاري مع اسلاح خطري=واللي بقى عزي لمن صار ابنه
من بعد جمع لاحصل فيه شطري=اصبح على ماقيل في لين جبنه
مع الضنى نصف طرالك ياعطري=والنصف الآخر قاصدٍ درب زبنه


عزي لمن صار ابنه . يصبح ابناَ لباقيه
شطري . اي جعل نصفين

مع تحيات ابو ماجد


منتديات مكشات . خيمة الالغاز

[ابو اسامه 2]

وعليكم السلام ورحمة الله وبركاته

صح لسانك يا الغالي ملايين على هذا الابداع

هذا اللغز يا ابو ماجد يحتاج براد شاهي ونزود عليه النعناع او الحبق عشان التركيز :D

لله درك وبيض الله وجهك يا الغالي

تحياتي لك

[حمدان ابوخشيم]

مح ؟ البيض

[ابو ماجد 2]

وعليكم السلام ورحمة الله وبركاته

صح لسانك يا الغالي ملايين على هذا الابداع

هذا اللغز يا ابو ماجد يحتاج براد شاهي ونزود عليه النعناع او الحبق عشان التركيز :D

لله درك وبيض الله وجهك يا الغالي

تحياتي لك


هلا بك يامشرفنا الغالي
مرورك شرفني
صح بدنك والابداع انتم اهله
وهاللغز طال عمرك جاء عاقبة جلسة يحبه قلبك اجتمع فيها
احباب شرواك وبر ممطور ونار ماتطفأ والقهوه والحليب والزنجبيل ........الخ
انتظر مرماعك يالغالي

[ابو ماجد 2]

مح ؟ البيض

هلا بك يالغالي
مالك لوى
تحيتي لك وتقديري

[النبهاني]

وعليكم السلام ورحمة الله وبركاته
صح لسانك يازعيم
جبته ضافي ما به خبانه
الله يضفي عليك ثوب الصحه والعافيه
محاوله يالغالي
سنام

[ناصر العلي]

وعليكم السلام ورحمة الله وبركاته
سلمت يالغالي
وصح لسانك
وغالي ومسند على غالي
ويش قولك بـ
سمسار
سماسرة

[ابو اسامه 2]

صح لسانك مره اخرى يا الغالي

رمعه

سنافي

تحياتي لك

[ابو ماجد 2]

وعليكم السلام ورحمة الله وبركاته
صح لسانك يازعيم
جبته ضافي ما به خبانه
الله يضفي عليك ثوب الصحه والعافيه
محاوله يالغالي
سنام


صح بدنك يابو سالم
عاد تصدق وانا اضع في اللغز خبنه وطينه ولبنه كأنك امام ناظري لعرفي بك وبحبك للكلمات القديمه على وزن مدمشق
كني ببو مهند يضحك
ههههههههههه
شرفني مرورك والرمعه مالك لوى
انتظر مرماعك القادم

[ابو ماجد 2]

وعليكم السلام ورحمة الله وبركاته
سلمت يالغالي
وصح لسانك
وغالي ومسند على غالي
ويش قولك بـ
سمسار
سماسرة


هلا ومليون هلا
صح بدنك وسلمت من الشر
وخل ابتواسا
ماااالك لوى يالغالي
انتظر مرماعك القادم

[ابو ماجد 2]

صح لسانك مره اخرى يا الغالي

رمعه

سنافي

تحياتي لك


هلا بمشرفنا
صح بدنك
مالك لوى
في انتظار مرماعك القادم

[صقر السديرات]

صح لسانك زعيمنا
ابيات توسع الصدر ايقاع جميل
لله درك ايها الاخ المبارك
كنت احبك وزاد حبي لك لما رايت من كريم اخلاقك وادبك
انا افخر بمعرفتك
اما الان مع الرمعة بس ذا المرة من مطيح الضلع
سنابل
دمت بخير

[ابو ماجد 2]

صح لسانك زعيمنا
ابيات توسع الصدر ايقاع جميل
لله درك ايها الاخ المبارك
كنت احبك وزاد حبي لك لما رايت من كريم اخلاقك وادبك
انا افخر بمعرفتك
اما الان مع الرمعة بس ذا المرة من مطيح الضلع
سنابل
دمت بخير


هلا بالغالي
هلا بك يابو فيصل
وانا اللي لي الفخر بمعرفتك عن قرب الله لايفرقنا
وماقلته عني قلته انا والهيل عنك وكنا متفقين فيه حيالك
رغم قصر اللقاء الا انه اعطانا انطباع كبير عن شخصك الكريم
وبعدين انتم ماشاء الله عليكم يكفيك ان طريدك ماغثك مثل طريدي
ههههههه
الله يديم الالفه بينكم
وسلم لي عليه كثير السلام
شهادتك بالابيات سرتني وكلام من هو بوزنك فخر لي
الرمعه لايزال طليق
في انتظار مرماعك القادم
والضلع انت خربته علينا بعد ماشفناك الكل يرغب بالرمعه الخاطئه ياعله يأتي للضلع ويحظى برؤيتك فيه

[ال-رايق]

بسم الله الرحمن الرحيم


السلام عليكم ورحمة الله وبركاته


لغزٍ شغلني بين سطرٍ وسطري =نوبٍ اطيله ثم اعوّد اخبنه
اسمٍ وله ذكرٍ بالانسان يطري=لغزٍ بنيته بين طينه ولبنه
حرفين لهن طاري مع اسلاح خطري=واللي بقى عزي لمن صار ابنه
من بعد جمع لاحصل فيه شطري=اصبح على ماقيل في لين جبنه
مع الضنى نصف طرالك ياعطري=والنصف الآخر قاصدٍ درب زبنه


عزي لمن صار ابنه . يصبح ابناَ لباقيه
شطري . اي جعل نصفين

مع تحيات ابو ماجد


منتديات مكشات . خيمة الالغاز

ابوماجد الله يمسيك بالخير بعد تحية الاسلام
وصح لسانك
وعطري غالي ويستاهل كل خير
والله يبيض وجهك على ماتوليه من اهتمام واشعال لجو الخيمة
خذ هالبويتين واسمح لي لأني لقيت زنقه زنقه بالقاف -ولا اقول ليه كذا-لانك ما اوردت اللغز للرد ولكن من باب ودي اجاريك باكثر:

شطرين لغزك جادله بالشمطري=واذا قربته ريح هيله وبنّه
ياواحد في مدحه ان جيت ابطري=مقدر له اوفي يعني والله غبنه
لكن على السليقة وحياة فطري=ارسل سهوم الحب يمكن يصبنه

[ابو ماجد 2]

ابوماجد الله يمسيك بالخير بعد تحية الاسلام
وصح لسانك
وعطري غالي ويستاهل كل خير
والله يبيض وجهك على ماتوليه من اهتمام واشعال لجو الخيمة
خذ هالبويتين واسمح لي لأني لقيت زنقه زنقه بالقاف -ولا اقول ليه كذا-لانك ما اوردت اللغز للرد ولكن من باب ودي اجاريك باكثر:

شطرين لغزك جادله بالشمطري=واذا قربته ريح هيله وبنّه
ياواحد في مدحه ان جيت ابطري=مقدر له اوفي يعني والله غبنه
لكن على السليقة وحياة فطري=ارسل سهوم الحب يمكن يصبنه


هلا بالغالي
هلا بالمتحدث شعرا
هلابك يابو مهند
جزل ودائما جزل
رفع الله قدرك بالدارين

[عطري]

و عليكم السلام و رحمة الله و بركاته
صح لسانك أبا ماجد ، و تشكر على التوجيه حفظك الله.
و الله يهنيكم بهالجمعة الزينة ، وأدام الله بينكم الأخوة ، و جمعكم في جنات النعيم .......آمين.
التفكير جاري ،،،،

[ابو ماجد 2]

و عليكم السلام و رحمة الله و بركاته
صح لسانك أبا ماجد ، و تشكر على التوجيه حفظك الله.
و الله يهنيكم بهالجمعة الزينة ، وأدام الله بينكم الأخوة ، و جمعكم في جنات النعيم .......آمين.
التفكير جاري ،،،،



صباح الخير يالعطر الفواح
صح بدنك
وانت تستاهل معلقات وانت اصبحت رمز للالغاز الصباحيه
جزاك الله خير على دعائك وجمعنا واياك على خير دنيا وآخره
صح بدنك وفي انتظار مرماعك

[الماايسترو]

صح لسانك يابو ماجد

ومساكم الله بالخير

غالي ومسند على غالي

الصراحه جيت اسلم عليكم واشوف احوالكم يالنشاما
لكن اول ماقريت اللغز طرى على بالي رميعه لك عليها ههههه

الرمعه /نووي

عاد رمعه لاثبات الوجود وناسف عن قلت الدخول فالاختبارات بدات تشهر اعلامها

تحياتي للجميع

[ابو ماجد 2]

صح لسانك يابو ماجد

ومساكم الله بالخير

غالي ومسند على غالي

الصراحه جيت اسلم عليكم واشوف احوالكم يالنشاما
لكن اول ماقريت اللغز طرى على بالي رميعه لك عليها ههههه

الرمعه /نووي

عاد رمعه لاثبات الوجود وناسف عن قلت الدخول فالاختبارات بدات تشهر اعلامها

تحياتي للجميع

هلا بك يابو عوض
صح بدنك وشرفت اللغز وراعيه
مالك لوى يالغالي
ووجودك ثابت بالقلب يالغالي
تمنياتي لك ولجميع زملانا اللي عندهم اختبارات بالتوفيق

[عطري]

السلام عليكم و رحمة الله و بركاته
صبحك الله بالخير أبا ماجد
في الحقيقة أشكل علي فهم هالعبارة
عزي لمن صار ابنه . يصبح ابناَ لباقيه
هل تقصد أن باقي الأحرف تصبح ابناً لباقي السلاح؟؟؟
إذا كان هناك ما يفضح اللغز ، فلا توضح، و شكراً.

[ابو ماجد 2]

السلام عليكم و رحمة الله و بركاته
صبحك الله بالخير أبا ماجد
في الحقيقة أشكل علي فهم هالعبارة
عزي لمن صار ابنه . يصبح ابناَ لباقيه
هل تقصد أن باقي الأحرف تصبح ابناً لباقي السلاح؟؟؟
إذا كان هناك ما يفضح اللغز ، فلا توضح، و شكراً.



وعليكم السلام ورحمة الله وبركاته
يسعد هالصباح ياعطرنا الفواح
انت تامر أمر يالغالي
عزي لم صار ابنه
من كان ابنه نرثي لحاله والمقصود المخاطب باللغز ممكن يصير انت وان شاء الله مايصير

[ابو اسامه 2]

صح لسانك مره اخرى يا الغالي


وش رايك في


النعق والنعيق


وقوله تعالى


ومَثَل الذين كفروا كمَثَل الذي يَنْعِقُ بما لا يسمع إلا دعاء ونداء




تحياتي لك

[ابو ماجد 2]

صح لسانك مره اخرى يا الغالي


وش رايك في


النعق والنعيق


وقوله تعالى


ومَثَل الذين كفروا كمَثَل الذي يَنْعِقُ بما لا يسمع إلا دعاء ونداء




تحياتي لك


صح بدنك يابو اسامه
مالك لوى
وتوجهك لكلمة وردت بالقرآن الكريم طيب
انتظر مرماعك القادم

[أبوعبدالرحمن99]

و عليكم السلام و رحمة الله و بركاته
صح لسانك يا ابو ماجد
لست بصدد الرمع و لكني سأختصر ما يظهر لي من معطيات
‏_‏ هناك مجال لزيادة أبيات و الوصف المذكور مختصر
‏_‏ كلمة واحدة
‏_‏ تجمع جمع تكسير فيختلف لفظها
‏_الجمع تزيد حروفه عن المفرد
الحروفين الأولى لها علاقة بسلاح ما ، و عندما ندخل معهما المزيد من الأحرف نحصل على شي يتعلق بالأبناء
‏_اللفظ ورد في القرآن الكريم( قد يكون بصيغة الجمع)

[ابو ماجد 2]

و عليكم السلام و رحمة الله و بركاته
صح لسانك يا ابو ماجد
لست بصدد الرمع و لكني سأختصر ما يظهر لي من معطيات
‏_‏ هناك مجال لزيادة أبيات و الوصف المذكور مختصر
‏_‏ كلمة واحدة
‏_‏ تجمع جمع تكسير فيختلف لفظها
‏_الجمع تزيد حروفه عن المفرد
الحروفين الأولى لها علاقة بسلاح ما ، و عندما ندخل معهما المزيد من الأحرف نحصل على شي يتعلق بالأبناء
‏_اللفظ ورد في القرآن الكريم( قد يكون بصيغة الجمع)

هلا ومليون هلا يابو عبدالرحمن
شرفت اللغز وصاحبه
تجمع جمع تكسير ولكن نفس عدد الحروف باقيه
الحرفين الاولين يطرن مع اسلاح غطير اي قد يصحبنه بالذكر
الباقي ممكن اكون انا او أنت ابنا له وان شاء الله مايجي هاليوم
ومفتاح الحل هنا
اسمٍ وله ذكرٍ بالانسان يطري
واللغز صراحة وضعته وبالبال برق القصيم وبرق اعرفه ماتعوق معه هالنوعيات وليس قصور فيكم

[ابو اسامه 2]

مسبل

والجمع

مسبلين او مسابل

وعزي لمن كان ابنه

ابن السبيل ؟

الذي انقطع به السفر

[ذيب الفقارة]

الحقيقة وانا أفكر في البيرق وردت في ذهني :

دينار دنانير ....دي ... نير

قلت يمكن تصيب

[ابو ماجد 2]

الحقيقة وانا أفكر في البيرق وردت في ذهني :

دينار دنانير ....دي ... نير

قلت يمكن تصيب


هلا بالذيب
حياك الله يالغالي
مالك لوى تحيتي لك وتقديري

[ابو ماجد 2]

مسبل

والجمع

مسبلين او مسابل

وعزي لمن كان ابنه

ابن السبيل ؟

الذي انقطع به السفر


ابو اسامه
رميتك كسرت جناحه وما عاد يقوى على المطير
وابن السبيل هذه تكفي لأقول لك
كفووووو كفووووو كفوووو
وصح لسانك ملايين
ولكن اللغز ركب على
سلسبيل
والسلسبيل عين في الجنه
وهو الماء السلس السهل المرور
واما قولي في الانسان فالمقصود سورة الانسان

(وسَلْسَبيل : اسمُ عَيْن في الجَنَّة ، أَو وصفٌ لكل عين عَذْبَةٍ سريعةِ الجريان ، وفي التنزيل العزيز : الإنسان آية 18 عَيْنًا فِيهَا تُسَمَّى سَلْسَبِيلاَ ) ) . والجمع : سلاسب ، وسلاسيب )
اول حرفين يطرن مع سلاح خطير ( سل السيف )
اللي بقى سبيل وعزي لمن صار ابنه ( ابن السبيل ) وما قصرت اتيت بها
الجمع لسلسبيل سلاسيب
سلا يطري مع الضنى والسيب ممر يزبنه من له طريق يريده
بيض الله وجهك يابو اسامه

[ابو اسامه 2]

ابو اسامه
رميتك كسرت جناحه وما عاد يقوى على المطير
وابن السبيل هذه تكفي لأقول لك
كفووووو كفووووو كفوووو
وصح لسانك ملايين
ولكن اللغز ركب على
سلسبيل
والسلسبيل عين في الجنه
وهو الماء السلس السهل المرور
واما قولي في الانسان فالمقصود سورة الانسان

(وسَلْسَبيل : اسمُ عَيْن في الجَنَّة ، أَو وصفٌ لكل عين عَذْبَةٍ سريعةِ الجريان ، وفي التنزيل العزيز : الإنسان آية 18 عَيْنًا فِيهَا تُسَمَّى سَلْسَبِيلاَ ) ) . والجمع : سلاسب ، وسلاسيب )
اول حرفين يطرن مع سلاح خطير ( سل السيف )
اللي بقى سبيل وعزي لمن صار ابنه ( ابن السبيل ) وما قصرت اتيت بها
الجمع لسلسبيل سلاسيب
سلا يطري مع الضنى والسيب ممر يزبنه من له طريق يريده
بيض الله وجهك يابو اسامه





الله يبارك فيك يا الغالي ويرفع قدرك

ويشرفني ان اسمي انا من يطرّز موضوع وعنوان لغزك
والله يبارك فيك يا الغالي
لغز متكتك مرستك

الله يطول في عمرك ووجهك ابيض يا الغالي

تحياتي وتقديري لك

[ابوماريا]

سلمت يابو ماجد على اللغز الرائع

وكفووووو يابو اسامة

[عطري]

صح لسانك أبا ماجد
وكفوووووووووووو يا أبا أسامة
أخذ مني مجهود كبير هاللغز، و الحمد لله الذي سخر له مشرفنا الغالي.

[ابو اسامه 2]

سلمت يابو ماجد على اللغز الرائع

وكفووووو يابو اسامة


كفوك الطيب يا الغالي

والله يسلم عمرك

تحياتي لك

[ابو اسامه 2]

صح لسانك أبا ماجد
وكفوووووووووووو يا أبا أسامة
أخذ مني مجهود كبير هاللغز، و الحمد لله الذي سخر له مشرفنا الغالي.


كفوك الطيب يا الغالي

والله يبارك في حياتك

تحياتي لك

[ابو ماجد 2]

سلمت يابو ماجد على اللغز الرائع

وكفووووو يابو اسامة


سلمت من الشر ايها المثالي
تحيتي لك وتقديري

[ابو ماجد 2]

صح لسانك أبا ماجد
وكفوووووووووووو يا أبا أسامة
أخذ مني مجهود كبير هاللغز، و الحمد لله الذي سخر له مشرفنا الغالي.


صح بدنك يالعطر الفواح
تحيتي لك وتقديري