العزم تعبان عندي

[جنرالهم]

السلام عليكم ورحمة الله وبركاته
ياخواني موتري جي اكس 2006
المهم عزمه ميت بالخطوط
مع العلم غيرة بواجي واسلاك بواجي وصفاية بنزين كلها وكاله
ولا زلت اعاني من العزم
قبل يومين كنت ماسك خط ووراي هونداي صغيره مدري وش نوعها
والله الفرق بيني وبينه مايجي له 15 متر وراي
مع العلم موتري مايفصل فاك الفصله واعتقد انه تفصل معها ولا يمديه تعداني

والحمدالله مشيك على زيوته وكل شي
ونوع البنزين 95.
افيدوني الله يجزاكم الف خير

[أبو اريام]

شيكت على فلتر الهواء
او يكون غطاء الفلتر ما تسكر زين

[جنرالهم]

ايه يالغالي مشيك على كل شي
واعتذر على التأخير

[مخايل البراق]

وعليكم السلام
اخوي جنرالهـــم
اذا كان القير اوتوماتيك غير الزيت مع الفلتر اصلي ..

[يكفيني نظرة]

دامه تعبان عطه بندول :D
امزح معك نظف الثروثل ونظف حساس الهواء اللي بين الفلتر والقربه ببخاخ الالكترونيات ..

[rpk]

فك دبات البيئه صارت معي وصار عزم الموتر ثقيل وترتفع حراره

[جنرالهم]

وعليكم السلام
اخوي جنرالهـــم
اذا كان القير اوتوماتيك غير الزيت مع الفلتر اصلي ..

لا يالغالي جير عادي
وغيرة زيت القير وكل شي بس الفلتر ماغيرته مدري العادي له فلتر ولا لا ؟؟


دامه تعبان عطه بندول :D
امزح معك نظف الثروثل ونظف حساس الهواء اللي بين الفلتر والقربه ببخاخ الالكترونيات ..
ههههههههههههههههههاي
قسم فاطس ظحك لان كثير قالو هالكلمه
والله مدري وش هو الثروتر اذا كنت تقصد البخاخ نظفته وكل شي
بس الحساس ماسويت فيه شي
ننظر بوضعه


فك دبات البيئه صارت معي وصار عزم الموتر ثقيل وترتفع حراره

كنت ناوي افكها من زمان
بس قالو لي تضر على الموتر وخليتها
والحراره الحمدالله على الربع ماترتفع عندي ولا شي
بس مولف له مروحتين

يعطيكم الف عافيه وبيض الله وجيهكم

[rpk]

غير الحراره العزم يفررررق ولا فيها مشاكل فكتها وعمرها الافتراضي من 70 الي 100 حسب الاستخدام

[يكفيني نظرة]

هذا الثروتل:

http://im16.gulfup.com/rRiN1.jpg (http://www.gulfup.com/?kKjgpH)

[جنرالهم]

الله يجزاكم الف خير
ماقصرتو وبيض الله وجيهكم

[شفر 10]

هل تعشق معك السيارة بسهولة أو فيه مقاومة؟
عندي الكلتش تعبان ومضعف العزم مرررة

[جنرالهم]

هل تعشق معك السيارة بسهولة أو فيه مقاومة؟
عندي الكلتش تعبان ومضعف العزم مرررة

اسف على التأخير
لا التعشيق عندي بسهول
ماعدا يوم اعشق بالثاني بعض الاحيان
يعلق مايعشق على طول

[ابوصنهل]

اخوي كم ماشي موترك ؟

[جنرالهم]

اخوي كم ماشي موترك ؟

حوالي 300 الف

[ابوصنهل]

حوالي 300 الف

عندك دبات البيئة احتمال كبير تكون متسدده مع الأستخدام

فأعتقد ان مالك حل إلا انك تفرغها وتركب دبة كاتمة للصوت

لأن الصوت بيطلع اقوى شوي ..

وبالنسبة هل فيها ضرر أو لا ؟

مافيها ضرر مع المدى القريب ابداً .. بالعكس بتحس ان سيارتك تنفست شوي :)

واعتقد ان تفريغها افضل من أنك تشتري شكمان كامل مع الدبات من الوكالة اللي بيكلفك مبلغ وقدرة

[جنرالهم]

الله يجزاك الف خير
وبيض الله وجهك كفيت ووفيت
بدون أي قصور بالاخوان كلهم

[أبوساهم]

اخوي غير موزع الكهرباء (الشاكوش).