المساعد الشخصي الرقمي

مشاهدة النسخة كاملة : وش الحل مع الطير الي كيذا


صقار الدبدبه
08/12/2012, 08:11 PM
السلام عليكم ورحمة الله وبركاته

طير يالربع اهده على جول حمام ابيه يصيد وحده يهد اول مايطيرن من القاع
يفتل ويكسر عنهن ويرجع لي ويوقع على السياره

ومدري وش سالفته الطير مافيه شي طياره طيب عشان مانقول مايلحق

وصومته يومين ومانفع وشنذرته عشان مانقول صنيع

وياليت الاقا له حل اكون شاكرلكم
جيرالحر
08/12/2012, 08:20 PM
والله يمكن الطير ما تعود على الحمام او الجول ينكر ويخاف منه لان الحمام واغلب الطيور تتجمع عشان تخيف الطيور الجارحة
صقار الدبدبه
08/12/2012, 09:16 PM
كلمك معقول وصحيح نقول الجول يخوفه شوي
وذا على التعلوم يومينا اهد على جول حمام موبس جول حتى اذ لقيت 3 مع بعض اهده ويكسر عنهن
ويرجع لسياره يوقع عليها على فكره العاده ذي تو صايره فيه ولا اول يطرد طرد موصاحي
بس اول كنت اهد له وحده او ثنتين ويطردهن ماعنده مشكله

على عموم يعطيك الف عافيه على المعلومه وجزاك الله الف خير
انشوف الاخوان ولاهو قصورن بك للفايده اكثر
نجم404
08/12/2012, 10:40 PM
حمام القاع سريع جدا والطير يشوف ماله قدره فيهن وسلامتك
عادل العيباني
09/12/2012, 12:28 PM
الحمامه لوحدها تضيع علومها ويقدر الطير انه يتمكن منها لكن الجول سواء كثير او قليل يصمل بعضه والطير يدري ان ماله قدره عليهن هذي وجهة نظري وتقبل مروري
الصحافة 15
09/12/2012, 01:03 PM
تأكد لا يصير فيه ملوع
ابو شلايل
09/12/2012, 01:48 PM
أولا بين وش نوع الطير حر - شاهين - جير - وكري ايضا وش حجمة وش وزنة

ايضا هل طيرك يلحقك حمام الدحل سلم (يعني هل طيرك فارط السبق)
بعد هذا كله يتبين الوضع ,,,

لكن من وجهت نظري ان طيرك تخسس على جول الحمام
وأتوقع اول مرة تهده عليهم طلب ولحق
بعدين صار طيرك محبط ,,, ههه
مقطقط
09/12/2012, 03:15 PM
الكثره تغلب الشجاعه
صقر الجنوبي
11/12/2012, 09:28 AM
الظاهر انك مبتدي لله يبارك فيك كذا مايهد الطير و ماحد يهد على جول حمام ﻻبد تعزل من الجول حمامه وتهده عليها