المساعد الشخصي الرقمي

مشاهدة النسخة كاملة : استفسار عن صقارة الشواهين


أبومحمد عنيزة
09/12/2012, 07:33 PM
السلام عليكم ورحمة الله وبركاته:

ابستفسر يالربع عن صقارة الشواهين هل تختلف عن الصقور الاخرى مثل الوكري والحر

يعني(يبي لها مزاج خاص) ولا تدريب عادي كباقي الطيور ؟؟ وهل هي سهلة التنكر
ارجو الافادة وجزاكم الله خير
طواش
09/12/2012, 09:42 PM
لا ابشرك ان الشاهين سريع الطاعه ولا ياخذ وقت تدهيله وتربيبه اذكر معي شاهين هاده 7 يوم على علومه
ذيبان 2000
10/12/2012, 12:59 AM
نعم الشاهين بسرعه تكسر وحاشته وتدهيله سريع يعني اسبوع بالكثير اسبوع ويومين
راكااااان
10/12/2012, 02:58 AM
صحيح كلام الأخون لاكن سريع تنكر ايضآ وحساس اكثر من جميع الصقور الأخره نظافه و هتمام و علف وامراض طبعه خايس شوي لاكن يطربك بكلشي ياخذ شي ويعطي شي ومايتحمل الحر زي الصقور الباقيه هذه الي عرفته عن الشيهان عند ماكان معي والأخوان الي عندهم خبره اكثر مني يفيدونك بتوفيق
أبومحمد عنيزة
10/12/2012, 07:46 AM
الله يجزاكم خير جميعاً.. ولكن هل يصلح للمبتدأين أو اللي له سنه بالصقاره؟؟
صقر الجنوبي
10/12/2012, 07:48 AM
السلام عليكم ورحمة الله وبركاته:

ابستفسر يالربع عن صقارة الشواهين هل تختلف عن الصقور الاخرى مثل الوكري والحر

يعني(يبي لها مزاج خاص) ولا تدريب عادي كباقي الطيور ؟؟ وهل هي سهلة التنكر
ارجو الافادة وجزاكم الله خير
وعليكم السلام ورحمة الله وبركاته
الشاهين في التدريب ماتختلف عن باقي الطيور ولا يعلى عليها في الصيد سرعة ودقه في الإنقضاض لكن الشاهين مشكلتها طير سنته سواء كان فرخ او قرناسه بعد كذا يتدنى مستواها بالتدريج وتقل كفائتها في الصيد الا أقل القليل من الشاهين, وأيضاً ماتتحمل الحرارة تكافخ ماتركد وسريعة الأمراض ومن ناحية القرنسة يبي له عناية خاصه عشان تصفي وتجهز قبل الهدد واذا كان ولابد تبي لك شيهانه خذلك من طرح السعودية تراها أفضل من اللي تشبك في الخارج
صقر الجنوبي
10/12/2012, 07:50 AM
الله يجزاكم خير جميعاً.. ولكن هل يصلح للمبتدأين أو اللي له سنه بالصقاره؟؟
اذا انت مبتدأ لاتاخذ شاهين
برق المغيب
10/12/2012, 08:29 AM
افادوك الاخوان الشيهانة يبيلها صبر وعناية خاصة سواء بالتدريب والا بالمحافظة عليها ريشتها مثل مايقولون قزاز سريع الكسر والثانية فيها النزارة والمكافخ وقت الجوع والا الحر أما هدادها الى الله عطاك منها خذ الطرب والوناسة ... الله يكرمنا واياك ومن يقراء من واسع فضله
أبومحمد عنيزة
10/12/2012, 09:54 AM
الله يجزاكم خير جميعاً والله يحرم هالوجيه عن النار ويسعدكم دنيا وآخره
ذيبان 2000
10/12/2012, 06:49 PM
الله يجزاكم خير جميعاً.. ولكن هل يصلح للمبتدأين أو اللي له سنه بالصقاره؟؟
الشاهين احسن شى للمبتدئين هو والوكري