مساعدتكم يا اهل الشياهين

[falcon 1]

السلام عليكم ورحمة الله وبركاته
مسيكم بالخير يالربع علومكم اخباركم عساكم طيبين


انا دايما اخذلي طير لكن كتب الله ان اخذلي شيهانه هالموسم

عندي تبعه 13*13 فرخه جبليه تجي عاالوح وتطلب الحمام

وزنها حاليا 590 .

النيه ارفعه فوق ال 600

الحمامه لا ارتفعت ارتفاع الشبة توقع الشيهانه وطيارها مع القاع دايم.
لا عديته عاللوح تجي وسبوق ما شاء الله لكن ما تمسح تمسح مره ثم توقع بعيد , تنفض وبعد فتره تجي. وعلى فكره اهدلها حمام مو قوي بس ما تصمل. تطرد شوي ثم تصد وتوقع. جننتني ههههه

شتنصحون يالربع ؟
شسوي بها ؟
شالحل معها ؟


الله يجزاكم خير

تقبلو تحياتي
اخوكم فالكن 1

[رعد المطر]

مساء الخير ياخوي اخبارك طيب ان شاء الله
بسألك الشيهانه صنيع والله لا
الشيهانه سليمه من الامراض
اجبني يافالكون وان شاء الله يصلحها وتطربك

[راكااااان]

اشيهانه طال عمرك انا علمك الأسباب اول حاجه ماترغب الحمام لازم تعلمها عليه صح وثانين اكيد لاهديته على حمام ومالحقت تمسكها على علف وتعلفها وثالث شي الشيهانه تفرع واجد وتشوف صيد او حمام كثير وهي مربوطه ان كان مخيم ولا ستراحه ولا حتى معك ومعودها على الفري الحي جاوبني ونا اعطيك الحل بعد اذن الأخوان صحيح كلامي ولا لا