مازلت انا عطشان ماني براوي ....................... حله ( ابو ماجد ) .. الحل ( شقيقه )

[ابو اسامه 2]

السلام عليكم ورحمة الله وبركاته



مازلت انا عطشان ماني براوي=لغز ٍ جديد جاك ان قلت لي هات
دامك تريد اللغز والقلب هاوي=ابشر بمن يرضيك رغم المسافات
كلمه وكلمه دايم ٍ في تساوي=حتى وهي في اللفظ دايم شبيهات
الأوله في الراس تلقاه زاوي=والثانيه اسم لإحدى القريبات
اول ثلاث حروف طفل ٍ شقاوي=تلقى بدون الذيل اخ لشقيقات
ياللي تحب الشعر وي الغطاوي=نسمع نشوف الحل ماهي صعيبات
ابو اسامه
منتديات مكشات
الالغاز

[صقر السديرات]

صح لسانك يا مبدع
وش القصة اليوم مافيه الا ابيات تطرب
مرور للسلام واباء الاعجاب ماشاء الله تبارك الله
دمت بخير

[ابو اسامه 2]

صح لسانك يا مبدع
وش القصة اليوم مافيه الا ابيات تطرب
مرور للسلام واباء الاعجاب ماشاء الله تبارك الله
دمت بخير


هلا بك يا الغالي

هذا من حسن ذاتك وعيونك الحلوه

صح بدنك يا غالي

تحياتي لك

[ابو ماجد 2]

صح لسانك واعتلا شانك
لغز جزل من جزل
نرمع قبل الزحمه الشقيقه

[المزيدي4]

يسلم لسانك يا بعيد الهقاوي
يا راعي الجزلات جبت الجزيلات
أوردتنا يا شيخ عدٍّ رهاوي
عدٍّ رهيٍ يروي الذوق والذات
اللي وَرَده يعوّد اليوم راوي
ويشتاق له في كل وقتٍ وحزّات
كتبت لك أبياتٍ وكنت ناوي
أرمع برمعة علّها تثبت إثبات
لكن أبو ماجد سبق بالدعاوي
زعيمنا حلال كل الصعيبات

[ابو اسامه 2]

صح لسانك واعتلا شانك



لغز جزل من جزل
نرمع قبل الزحمه الشقيقه



صح بدنك يا الغالي


والجزاله منكم واليكم


والرمعه في الصميم


كفو كفو كفو


شقيقه ( الصداع )
شقيقه ( الاخت )



تحياتي لك

[ابو اسامه 2]

[QUOTE=المزيدي4;9030607]
يسلم لسانك يا بعيد الهقاوي=يا راعي الجزلات جبت الجزيلات
أوردتنا يا شيخ عدٍّ رهاوي=عدٍّ رهيٍ يروي الذوق والذات
اللي وَرَده يعوّد اليوم راوي=ويشتاق له في كل وقتٍ وحزّات
كتبت لك أبياتٍ وكنت ناوي=أرمع برمعة علّها تثبت إثبات
لكن أبو ماجد سبق بالدعاوي=زعيمنا حلال كل الصعيبات



اهلا ً هلا بالطير طير ٍ نداوي=ان جاء على صيده فالصيد مات
وان جا على لغزي يجرح يداوي=ما ياخذ لحلّه يوم ٍ وساعات
ما نعرف لرمته ضلع وسماوي=وعند ( ابو سعد ) نلقى الاجابات
بارك الله في حياتك يا غلاوي=ويجعل حياتك بين فرحه ومسرات


تأييد موفق يا الغالي وبيض الله وجهك