طـــلب من اهـــل الشرقية الكرام

[المتنبي911]

السلام عليكم ورحمة الله وبركاته

مساكم الله بالخير


انا صراحه يالربع بري بحت وطول عمري صيدي بري

لاكن استاجرت لي قارب صيد انا وشباب معي واعجبني صيد البحر وراعي الصيد يتولع باي شي


وصراحه من ذاك اليوم وانا معجبني صيد البحر وشريت سنارات لاكن ماطلعت مثل صيد القارب اجلس بالساعات ولا اصيد شي والغيت فكرة السناره


ندخل بالموضوع :

انا قررت اشتري قارب صيد.

لاكن ماعندي خلفيه عن سواقته ولا خلفيه عن الاماكن الخطره بالبحر

فا انا الي ابيه اذا فيه ناس بالشرقية يعطون دورات على القوارب

او احد بيستقبلني معه اتعلم على الطراد والاماكن الخطره بالبحر وانا مستعد اتحمل بنزين

طراده وطعم الصيد , وما ابغا شي من الصيد بس ودي اتعلم عشان اقدر اطلع رخصه واشري قارب .

وانا ان شاءالله جازم ومعزم .


انا ساكن بالدمام وين اهل الدمام ...


وشاكر للجميع

[حجازي مكاوي]

وعليكم السلام ورحمه الله وبركاته
اخوي ان شاء الله يرد عليك اصحاب الطرادات وتتعلم منهم كل خير
وربي يسر امرك ان شاء الله
بالتوفيق يالغالي

[Hawwat Yanbu]

حبيبي خذلك فتره في البحر

استاجر قوارب
اطلع بفلينه
صيد على الكساره

خذلك اول شي هوري خشب تتعلم عليه
اتعلم على البحر بشكل عام

بعدين فكر انك تاخذ قارب لأن المشكله ماهي في الرخصه
في مخاطر البحر من تغير في الجو يخرب عليك المطور
وبعدبن القارمن ما ترك شي

تقبل مروري

[سلطان الخير12]

يا هلا وومرحبا فيك
مثل ما قالك الاخ
حاول تستاجر وشوف كيف القياده والتراخيص
وموج الشتاء مابيقصر
ياتكره البحر
ول تحبه بزياده
وشلك بالبحر وهواله ورزق الله على السيف

[المتنبي911]

وعليكم السلام ورحمه الله وبركاته

اخوي ان شاء الله يرد عليك اصحاب الطرادات وتتعلم منهم كل خير
وربي يسر امرك ان شاء الله

بالتوفيق يالغالي



الله يجزاك خير





حبيبي خذلك فتره في البحر


استاجر قوارب
اطلع بفلينه
صيد على الكساره


خذلك اول شي هوري خشب تتعلم عليه
اتعلم على البحر بشكل عام


بعدين فكر انك تاخذ قارب لأن المشكله ماهي في الرخصه
في مخاطر البحر من تغير في الجو يخرب عليك المطور
وبعدبن القارمن ما ترك شي


تقبل مروري



صادق وهذا الي انا ابغاه ابغا اتعود على القارب قبل لا اشريه

مسموح اني اطلع للبحر بفلينه ؟ ؟ حرس الحددود مايعارضون؟؟

وايش الهوري الخشب ؟؟ مافهمت


الله لايهينك ويرزقك الجنه

يا هلا وومرحبا فيك
مثل ما قالك الاخ
حاول تستاجر وشوف كيف القياده والتراخيص
وموج الشتاء مابيقصر
ياتكره البحر
ول تحبه بزياده
وشلك بالبحر وهواله ورزق الله على السيف

والله السيف متعب ولي شهرين يومين اطلع واماكن مختلفه اذا صدت صت سمكه وحده باليوم وتطلع ابوشنب


لاكن انا رجال ادور المغامرات واحب استكشف

[سلطان الخير12]

الفلينه ممنوع
وهوري ممنوع ولا تلاقي
وعليك ببحر الجبيل فيه خير الله يزيده
او طريقة صيدك فيها مشكله ومن ناحيت المغامره
عندك واسطة تسوى تغامر

[المتنبي911]

شاكر مرووووووووووووووركم وننتضر الجميع

[raaad]

السلام عليكم تخوي قبل لا تفكر تاخذ قارب تاكد من نفسك من الناحية الصحيه اولا وثانيا القلب لازم يكون حجر لان الداخل للبحر مفقود والخارج مولود وعندنا بالدمام خاصة مناطق خطره جدا مليىه بالتيارات فان لم تكن لك خبرة مسبقه فلا تجازف بحياتك لان الموضوع مو موضوع سواقه وبس الموضوع كيف تتصرف اذا صار معاك اي موقف وخاصة لازم يكون عندك خبرة بعد بالقطع الميكنيكية والله ييسر امرك

[sniper-fish]

مرحبا اخوي التنبي
الاخوان ماقصروا .. لكن انا ابعقب وابزيد على كلامهم ان كل شي في التعلم والممارسه صدقني يجي واذكر كثير من الاخوان راعين بر ولالهم بالبحر لامن قريب او بعيد بل بعظهم من دياااار مافيها بحر مثل (( نجد )) ولاهو قصور بهم لكن بعيدين عن البحر ومع ذلك تعلموا واصبحوا من افضل الناس بالبحر .. اخوي لاهنت تواااصل معي وابشر بالخير . وتصير ان شاء الله اكبر نوخذه بالبر هههههههههههه


اخوك/ برنو ٣

[المتنبي911]

شاكر للجميع ردودكم وماقصرتو


اخوي برنو كيف اتواصل معك


وياليت تراسلني لاني مقدر ارسل رسال ماوصلت 50مشاركه

ولك الشكر

[sniper-fish]

ارسلت رساله على الخاص لك

[عاشق البحرE]

صباح الخير اخوي المتنبي ..

الشباب ما قصروا و عطوك بعض النقاط ..

خلني اقولك شيئ خله في بالك زين : تحب المغامره شيئ و تتهور شيئ ثاني .. البحر ما يرحم أبد لو كان فيه تهور .. هذي مو تحطيم لك هذي نصيحه بس ..

و عشان اعطيك العزيمه بقولك قصتي .. من عمري و مالي علاقه بالبحر نهائي .. قبل تقريبا قبل ثلاث سنوات .. عزم فيني واحد من الأصدقاء لتأجير طراد للصيد و طلعت معه .. مع اني ما كان ودي اطلع و كنت متخوف من البحر .. و بعد هذي الطلعه و تجريب الصيد صرت أدمان من جد .. صرت اطلع في الشهر مرتين الى ثلاث مرات .. تخبر التأجير مصروف كبير ... و بعدها عزمت اشتري طراد و حمد الله ما قصروا الجماعه معي شوي شوي و تعلمت ..

و اللحين الحمد لله تعلمت .. بس الحذر واجب و عندي السلامه اولى من اي شي .. لدرجه اني ارجع من الفرضه اول ما أحس ان الجو بيقلب و بالخصوص اذا كان الهوا جنوبي او شرقي ..

لو تعلمت حبه حبه ان شاء الله بكون وضعك طيب ..

اصحاب الطرادات ما راح يكون عندهم فرصه للتعليم كثيره .. و الأفضل انك تشتري طراد و تطلب من اصحاب الطرادات النزول معك و تعليمك على طرادك أفضل ..

بالنسبه للرخصه تراها سهل و أختباره مجرد أسئله ..

[raaad]

السلام عليكم اخوي عاشق البحر معاك حق وكلامك عدل لا صار جنوي شرقي يبهدل اشوي ولو كان جنوبي بس لا تطلع البحر ولا تتعب نفسك لان السمكة اصلا ماتفتح فمها بالجنوبي سبحان الله

[accentkool]

اتمنى لك التوفيق اخوووووووووي
اشتر البوت وتعلم علية حبة حبة

[وعد السادس]

ابشر كلمني وحياك الله
اخدك معاي بالطراد

[ذوالجناح7]

مـــا شاء الله الشباب ما قصرو معاك


برنو 3
عاشق البحرE ( بوعبدالله )
وعد السادس


بعد كلام الأخوان مافي بعده كلام


دام النواخذه معاك بالتوفيق إن شاء الله :good2:

[المتنبي911]

شاكر لكم ردودكم

وماقصرتو الله يبيض وجيهكم ويرفع من مقداركم