كل مايخص الخيام

[عزيزو]

السلام عليكم ورحمة الله وبركاته

وش رايكم نعرض في هذا المنتدى عرض البيع والشراء واراء الشباب في تجاربهم وبعض المعلومات الكافية في جميع الخيام بحيث نستفيد وتعم الفائدة للجميع.




....................... تحياتي

[راعي المقانيص]

وعليكم السلام ورحمة الله وبركاته

يعطيك العافية على الموضوع الجميل

وراح أنقل تجربتي الشخصية مع الخيام

اذا كانت رحلتي رحلة طرقية تمشي بدون تخييم في مكان معين فأنا أستخدم الخيمه الصغيره الي تنباع دائما عند المحلات الكبيره مثل هايبر بنده وجيان وكارفور .............. الخ

وسعرها مايتجاوز 40 ريال وحقت شخص واحد

وهي ممتازة جدًا توقيك من البرد والمطر وهذا من واقع تجربه شخصيه فأنا أستخدمها منذ قرابة سنتين واول ما استخدمتها كان بعض الزملاء يجدعون من التعليقات الجميله علي انا وخيمتي والحين كلهم ماينزلونها من سياراتهم
لخفة حملها وتركيبها ( تحطها جنب الجلنط كانها قارورة ماء صحة )

واذا تبي تعرف هي تدفيك وتوقيك من المطر قبل لاتشتريها امسك البولستر حقها وانفخ فيه كانك تنفخ في شي تبي تشوف هو يهرب هواء والا لا اذا نسم الهواء داخل الخيمة هذي ابعد عنها واذا نفخك ما اخترق الخيمة فهو جيد

وهذا نموذج منها

http://www.allproducts.com/manufacture98/wwwupalcn/product1.jpg

واما اذا كانت الرحلة لموقع معين للتخيم فيه فنستخدم الخيام الصباحية والحجم على حسب عدد الاشخاص

واسف على الاطاله

[راعي المقانيص]

راعي الموضوع أنحاش وخلانا الله يستر علية

[أبو صياح]

شكرا اخي الكريم على الموضوع المفيد ولكن اين الصباحية هالأيام وين تنباع
الأصلية طبعا
تحياتي لك....