الفزعه يالربع الطيور انسرقت

[ماجد الهلالي]

السلام عليكم ورحمة الله وبركاته

إخواني الصقاره

اليوم صباح الاثنين انسرقت طيرين من الاستراحة شرق الرياض الساعه 8 ونص تقريباً

الطير الاول / حر قرناس وافي مغتر راسه كاشف وظهره فيه رقاط

الطير الثاني / جيره شاهين بيتيه سودا وراسها اسود وافيه توصل لل 17 عرض تقريباً فيها اثار جدره خفيفه وقديمه بمنخرها الايمن وفيها حجل بكفها الايسر

للأسف لا يوجد صور للطيور

على من يجدها او يعرفها عنها شي الاتصال على جوالي
0546447717 ابو تركي ×

[تكاشف ابروقها]

حسبي الله عليهم ونعمه الوكيل

[عادل الهلباني]

حسبي الله عليهم ..
يالله انك تكشفهم اليوم قبل بكره ..

والله يعقل طيورك يابعدي . وتبشرنا اليوم قبل بكره :.

[صقر الجنوبي]

حسبي الله ونعم الوكيل الله يعقلها

[دانس]

حسبي الله عليهم وابشر بالعوض يامال السلامه
والله يعقلها

[نجم404]

الله يعقلهن ان شاء الله

[خالدد العطاوي]

حسبي الله ونعم الوكيل. والله يعقلها



ابششششر بالعووض وانا اخووك

[راعي الذيبة]

الله يردهن لراعيـــــــــــــــــهن

[ماجد الهلالي]

الله يجزاكم خير

وما اقول الا حسبي الله ونعم الوكيل

والحمد لله على كل حال

[ماجد الهلالي]

حسبي الله ونعم الوكيل. والله يعقلها



ابششششر بالعووض وانا اخووك


العوض براسك اخوي خالد والله لا يهينك

[سلطان 1]

الله يعقلها اخوي.
لكن كان للي سرق جره بينه احفضها
وبلغو الشرطه وعساااا عندهم احد يقص الجره
وريح بالك.
اللي سرقهن هذا الرفيق المزاح اما شيف والا رااااح.

[عادل العيباني]

حسبي الله عليهم عادتهم شرق الرياض قبل العام انسرق طيرين من استراحه اخويانا بشرق الرياض واحد رجع من تالي وواحد على وجهه بعد اتصال واحد من اولياء امور السارقين نزل الطير عند الباب وبلغ اهل الطير عنه وعن الثاني اللي يدعون انه مات وقام بتقفيل جواله والبصمات ورقم الجوال عن الشرطه وليومك مابين شيء

[قرناس ثالث]

حسبي الله ونعم الوكيل الله يعقلها

[كلي فخامه]

حسبي الله ونعم الوكيل الله يردهن يارب

[عواد الشمري2]

اعوذ بالله الله يكفينا وياكم كل من به شر وعسى الله يعقلهن عليكم بسرع وقت
لاحول ولا قوت الا بالله
الحلال يفدا راعيه جعله فدا

[(هزاع)]

الشرطه مابتسويلك شي
بلغ اهل المحلات والمنتديات ونزل لسوق ولابه احد يخدمك بالمناطق بلغه ولابه جايزه للي يبلغك تراها مغريه للشباب يبلغون
خلك فطين حطلك جايزه لبتب ولاجوال زين وبتيجيك الاخبار
والطيور احتمال انها تباع خارج منطقة الرياض

[تربة الشمال]

الله يعوضك خير منهاء الله يرد الذاهبه لراعيهاء

[ابوعزيز2007]

لاحول ولا قوة الا بالله الله يعقلهن يابوتركي وجانا الخبر من الاخ تركي العتيق

[السومر]

الله يعقلهن

[ابوظافر90]

حسبنا الله ونعم الوكيل على كل دني نفس

[راكااااان]

اذا نسرقن من الأستراحه العلم حولك وحويليك مو بعيد عنك ويعرفك زين وأذا فيه عامل عندك بل استراحه تفاهم معه ورح تحصلهن نشاءلله

[دوربيل]

فيه شيهانه خطمت علي قاطعه الدائري قبل كم يوم معها جريرها

[سفير المجمعه]

لاحول ولا قوة الا بالله الله يعقلها عليك

[برق المغيب]

الله يعقلهن وان شاء الله تلقى اللي تجراء واخذهن لاخوف من الله والعياذ بالله

[رعد المطر]

الله يعقلها ويهدي اهل الفعل هذا ويردهم لرشدهم
عليك بالدعاااااء والله يعينك

[بدا]

الله يعوضكم وجعله فدوه لرجولكم

[حشّار]

الله يعقلهن

[عواد الشمري2]

الشرطه مابتسويلك شي

بلغ اهل المحلات والمنتديات ونزل لسوق ولابه احد يخدمك بالمناطق بلغه ولابه جايزه للي يبلغك تراها مغريه للشباب يبلغون
خلك فطين حطلك جايزه لبتب ولاجوال زين وبتيجيك الاخبار

والطيور احتمال انها تباع خارج منطقة الرياض





اضم صوتي للصوت ابو مشعل .

[ابرق الحرار]

الله يسرق شوفه ويعقلها ان شالله الحلال مايضيع

[البرنس الليبي]

الله يهديه اللي سرقها ويرجّع له عقله او يطيّحها بيد عاقل يردها ...لاحول ولاقوة إلا بالله .

[دعاس]

ْ مساكم الله بالخير جميعا
يعقلها الله يابوتركي
اتصل بي ضروري
احتمال تجي صوبنا شمال

[ابن القعيمه]

حسبي الله ونعم الوكيل هذي الاشكال الي تشوه سمعت الصقاقير

[ماجد الهلالي]

ما زال البحث جاري عنها

حسبي الله عليهم

[صقر الكرادشة]

انشاء الله ترجع باقرب وقت واولاد الحلال كثار

[ماجد الهلالي]

ابشركم الحر رجع قبل يومين

والله يخلف على جير شاهين

الحر مطروح بدون سبوق حول خبيب الريم

[عواد الشمري2]

الحمد لله على العقلان والحلال مايروح

[اقهيدان]

حسبي الله عليهم ونعمه الوكيل

[مجازف]

الله يعقلهن ويكصم يدي السارق ويفضحه يارب

[صقارمكشات]

الاخ ماجد انا عندكم يوم السبت عندما عاد الحر وطريقة عودتة الغربية. وان شاء الله تستعقل الشاهين.
سلامي على نفسك وعلى بقية الربع.