رجة السفاري الربع .. هل من حل ؟

[abo tareq14]

بسم الله الرحمن الرحيم
السلام عليكم ورحمة الله وبركاته ،،
صبحكم / مساكم
الله بالخير جميعاً ،،،

عندي مشكلة عجزت عن حلها في الجيب السفاري م93 ربع ..
المشكلة هي وجود رجة قوية جداً بعد أكل المطب علماً بأنها نادراً ما تجي ..
يعني تصير بالشهر مرة أو مرتين لكنها قوية جداً لدرجة أنك ممكن توقف وتنزل من السيارة شوي تتمسك لك في عمود ولا شجرة عشان تروح الرجة من جسمك :( ..

كشفت عند بعض الورش والموازين ( جمع ميزان :D )
غيرت ذراع التوازن اللي بالعرض في مقدمة السيارة وركبت أصلي وغيرت جلب تحت الدفرنس وماخليت مكان ممكن يكشفون المشكلة إلا رحت لهم وللأسف مالقيت نتيجة .

إذا فيه أحد مرت عليه المشكلة هذي ولقى لها حل أو يعرف وش حلها يفيدني وله دعوة بظهر الغيب

وشكراً لكم ...

[hgvfdu]

وعليكم السلام ورحمة الله وبركاته

طيب اخوي انت غيرت مساعد الدركسون تراه يسبب رجه لدرجة ان بعض الاخوان يدبل مساعد الدركسون

[SGL]

ياصويحبي امس متكلمين بهذا الموضوع تلقاه اخر الصفحه بعنوان حل رجة السفاري موضوع مفيد جدا

[abo tareq14]

وعليكم السلام ورحمة الله وبركاته

طيب اخوي انت غيرت مساعد الدركسون تراه يسبب رجه لدرجة ان بعض الاخوان يدبل مساعد الدركسون



نعم غيرته وما فيه فايدة للأسف ...

[sgl2002]

ارفع الموتر من الامام وهز الكفرات الاماميه فوق وتحت

اذا فيها فضاوة معناه تحتاج شد رمانات

واذا مانفع شل الوردات

[abo tareq14]

ياصويحبي امس متكلمين بهذا الموضوع تلقاه اخر الصفحه بعنوان حل رجة السفاري موضوع مفيد جدا

حياك الله أخوي ..
اطلعت عالموضوع ، وليست هي الرجة المقصودة ، الرجة اللي تجي فموتري كأنك تمشي لك في بطناج تريلات الله يجيرك لدرجة أن الموتر من قوتها بيتفكك ، وما تجي مع سرعة محددة ما تجي الا مع بعض المطبات وبعضها لا بغض النظر عن المطب صغير أو كبير ..

[abo tareq14]

ارفع الموتر من الامام وهز الكفرات الاماميه فوق وتحت

اذا فيها فضاوة معناه تحتاج شد رمانات

واذا مانفع شل الوردات


سويت شد للرمانات عند العضيب وما نفع ...

[SGL]

شفت الموضوع سوي اللي فيه تروح الرجه وشيك على جلد العمود اللي يركب فيه المساعد وعلى الاذرعه يكون فيها فضاوه وبذات الجلده اللي تحت الدوده

[abo tareq14]

شفت الموضوع سوي اللي فيه تروح الرجه وشيك على جلد العمود اللي يركب فيه المساعد وعلى الاذرعه يكون فيها فضاوه وبذات الجلده اللي تحت الدوده

شكراً لاهتمامك ومتابعتك ..
الموتر فيه فرارات هل للعمود تأثير مع وجود الفرار ؟
عموماً سيتم التشييك و التنفيذ بإذن الله وأسأل الله أن يكون فيها الفرج

[salih100]

اذا كانت الجنوط تجاري فغيرها لجنوط اصليه لازم يكون كل شي بميزان في الموتر ع شان ما تصلح في موقع ويكون موقع ثاني مضروب.

[عقووول]

ارسلي رقمك خاص ورا افيدك

[abo tareq14]

ارسلي رقمك خاص ورا افيدك

شكراً لاهتمامك أخي الكريم ، للأسف المشاركات أقل من 50 عندي ومن شروط إرسال رسالة خاصة أن تكون المشاركات أكثر من 50 ..

فضلاً وليس أمراً أرسل لي رقمك عالخاص وأنا اتصل بك ،، لا عدمتك .

[أحمد محمد1429]

حياك الله أخوي ..
اطلعت عالموضوع ، وليست هي الرجة المقصودة ، الرجة اللي تجي فموتري كأنك تمشي لك في بطناج تريلات الله يجيرك لدرجة أن الموتر من قوتها بيتفكك ، وما تجي مع سرعة محددة ما تجي الا مع بعض المطبات وبعضها لا بغض النظر عن المطب صغير أو كبير ..

هذا هو العلاج ولا تصرف فلوسك انا صارت معي الموتر كله ينتفض حتى الدركسون ماتقدر تمسكه ولا تروح حتى تهدي حتى 40 او30 وياما سببي لي إحراج . خذ العلم شل الوردات وشف النتيجه وتراك منت خسران إذا مانفعت رجعهن

[التغلبي 502]

اخوي انا عندي رجة من بعد ال 80 رجه تفك المخ ومساعد الدركسون توه جديد ماله اسبوعين استرالي وتوني مرصص مالي الى اسبوع والكفرات جديده بالون والجنوط جديده وركبتها ولا احلى منها وطلعت عليها الدهنا ولا احلى ورجعت من الدهناء بيومين موتري ماهو مرتري فيه رجه عجيييبه بعد ال80 اتوقع انها من صليبات العمود كيف اعرف او اتاكد من وين المشكله وش ممكن تكون منه اتمنى تفيدوني

[حسين2002]

تأكد من كراسي القير والمكينة

[عشق البر]

شف يالغالي انا قد جتني رجه شبيهه باللي وصفتها وماتروح الا اذا هديت مره وتجي مع اكل المطب او اذا الطريق مكسر ووو

ماخليت شي ماغيرته ولكن ذاك اليوم جيت اغير الكفرات وقلت خلني بشيك على الهوبات
وتفاجئت يوم اني لقيت بهن شعر (شطب) وغيرتها والى يومك نسيت الرجه فانت شيك عليهن منت خسران شي

بالتوفيق

[التغلبي 502]

تاكدت من الكراسي ومن الهوب وكلها سليمة

[الــنــشــمــي]

انا متاكد انها الجلب حقت عمود التوازن اللي فوق الدفرنس الامامي
صارت معي وبالقوة عرفتها وبعد تعب
تراني متاكد مليون بالمية انها الجلب

[التغلبي 502]

الله يبيض وجهك يا النمشي اهنيك على تحليلك وغيرتها ولا احلى وشاكر لك

[VTC KSA]

ياليت تصورونها وتنزلونها بالموضوع يا اخوان

[abo tareq14]

شكراً للجميع على التفاعل والردود وأعتذر للانقطاع لظروف السفر ..

جاري التشييك على السيارة بإذن الله والتأكد من جميع الملاحظات التي تم طرحها هنا وعسى الله يكتب اللي فيه الخير للجميع .

[راعي البرهـ]

يا الربع رجه الباترول با البوالين مالها حل ابدا ابدا
رحت للعضيب ورصص وغير جلد وريلات وشد على الرمانات وشحمها وخذ مني الف ريال وبدون فايده يقول ما اعطيك ظمان ابدا ركبت فرارات اللي تفصل الدفرنس الامامي ومهنا فايده ابد
عاد يقولون ان فيه ميزان اسمه الباديه في الصناعيه القديمه يعطيك ضمان والكلام على الراوي ان صاحب الميزان سوري ويخرط او يغير الغطاء اللي على الركب الاماميه وبعدها ان شاء الله وداعا للرجه

[Hawawii]

رجة 80 من الجنوط التجارية ولا وبعد عند 120

[الــنــشــمــي]

الله يبيض وجهك يا النمشي اهنيك على تحليلك وغيرتها ولا احلى وشاكر لك
وجهك ابيض وانا تحت امرررك

[خشير الذيب]

الله ييسر لك ولجميع المسلمين عطوك حلها الشباب

[ابوتركي1010]

رجة السيارة من اسباب كثيرة بس فيه ناس الله يصلحهم سياراتهم جديدة وتكون فيها رجه والسبب الرئيسي لرجه هو كفرات البالون تضر السيارة بشكل كبير واحد يقول كيف تجي الرجه من البالون اول شي خذ كفر جديد بالون ومشه على الارض تلاحظ ان أطراف الكفر ما تلمس الا بشي بسيط فيها فراغ مما يسبب رجه دائمه اهم شي في الكفر يكون دعستة تكون كامله على الارض لا للبالون نعم لدنلوب ( متعصب دنلوب مقاس 750)

[ls1.5700]

شيك على ربلات البنهارد الامامي اكيد فيها فضاوه شيك عليها
وان شاءالله ينتهي المشكله