افالون تطفي فجاة

[الحداااق]

عندي افالون 2007 لاني شخص دايم اترك لمبه البنزين تولع
وعبيها وصارت تطفي فجأة واشغلها وتشتغل عادي احيان تشتغل وتطفي واعيد تشغيلها وتشتغل وتطفي لكن 90 بالمئة اشغلها وتشتغل
من وين الخلل لو تكرمتو

[الحداااق]

انتظر اجابتكم

[SGL]

اكشف على طرنبة البنزين او اكشف عليها كامل كمبيوتر وراح يصيدون الخلل

[أصيل حجآ زي]

http://www.mekshat.com/pix/upload/images39/mk55341_zaz.gif
الحـمـد ُ لله والصـلاة و الـسـلام عـلى رسول الله
وأزوآجـه الـطآهـرآت الـمـُطـهـرآت أُمهـآت الـمـؤمنين
وآله وصحبه ومن وآلآه وجميع الأنبيـاء والـمـُرسلين.
اللهـُم بـك أهـتـدي و بـك أسـتـعـيـن ...............



أخي الكريم / الحداااق


تأكد من أصآبع البطآرية
{ المسكآكآت / القفيز } أنها مشبوكة زين 100% .


ضروري تكون نظيفة
من الصدى والأكسدة ترليون بالمئة .


أذا بها صدى أو أكسدة نظفها بفُرشة
حديد أو نحآس ونظفها حتى تلمع { تلق } .


وشُد الأصآبع وبعدها حُط شوية شحم
أو وزيلين { فآزلين } صنآعي أن حصلت .



http://www.pjtool.com/images/products/detail/1660_3C.jpg




http://i.ebayimg.com/t/Hand-Wire-Brush-Set-6pc-Small-Toothbrush-Type-/04/!BvS4u(Q!mk~$(KGrHqJ,!hgEv1+zyiVdBMD91MNg0g~~_35.J PG




http://www.brushware.co.nz/Small%20Wire%20Brush.jpg





http://www.waldeneffect.org/20121019wirebrushbattery.JPG





http://www.btosports.com/Merchant2/graphics/00000007/6_10InchMaxWireBrush.jpg

[rahban2000]

اولا نصيحه لا تخلي البنزين ينزل عن الربع في الخزان

من كلامك يبدو ان المشكله تكمن في طرمبة البنزين مليئة بالاوساخ تحتاج للتنظيف

[راع البراري]

السلام عليكم
توي جديد بقراطيسي مسجل وحبيت تصير اول مشاركه بموضوعك الاخ الحدااق ..

انت تقول تطفي السياره وتشتغل يعني تطفي وانت داعس او اذا رفعت رجلك عن البنزين يعني اذا هديت وصلت مطب وصلت اشاره وكذا او تطفي وانت داعس البنزين؟

اذا تطفي بعد ما ترفع رجلك عن البنزين اتوقع انك مصلح حاجه بالسياره مغير شي ملحم شي ولا سويت له برمجه وراح يقولون لك سو له برمجه اترك البرمجه عنك فك صبع البطاريه وارجع ركبه يمكن بعده يضبط موترك واذا ما ضبط معك ومشيت وطفى مره ثانيه وقف وفك غطاء البنزين خل الهوا اللي بالتانكي يطلع وشف وش يصير بعدين..

ايه صح اذا فكيت الغطا ومشيت ادعس على الموتر يبي يصير فيه تقطيع شوي بعدين يصفي..

ان شاء الله يضبط موترك من غير خساير..

تغيير الطرمبه او تصليحه خله اخر حل لانه احيانا تصير ما به وبس يخسرونك الورش ع الفاضي..

[الحداااق]

ياجعلني ماابكيكم وتسلمون على الاجابات وان شاء الله بكره ربوع واعمل الي قلتو عليه
مع اني فقدت الطفية يمكن سبوعين الا انها رجعت امس والمشكله لما اشغلها تولع لمبات بالطبلون يمكن 3 لمبات
لكن بطبق الي قلتو والله يجزاكم كل خير جميعا

[ls1.5700]

ممكن تقول لنا ايش المبات اللي تولع بالطبلون

[كاشت بالبر]

اذا فصلت أصابع وأسلاك البطاريه
ثم شبكتها مره ثانيه

واذا هديت بقوه تطفى .. الحل فك غطاء تعبئة التانكي ( مره والسياره شغاله ومره والسياره طافيه ) وبتسمع هواء قوي يطلع وركبه مره ثانيه

واذا ما نفع امسك بها خط أو الدائري .. وبتضبط .. لأنها تحتاج برمجه

قسم بالله أنا مجرب الحل هذا واكتشفته بنفسي بالصدفه .. بعد ما كنت اعاني بعد كل فصلة للبطاريه


و لا تنسى شد على أصابع البطاريه بقوووه

[كاشت بالبر]

ويمكن الطرمبه عندك تحتر اذا كان البنزين قليل

جرب ما تخلي البنزين ينزل عن الربع

[ابوكشتات]

انا اخوي مثل حالتك بس تطفي مع المطبات وراح الوكاله ولقا المهندس حدى الكويلات منحل وشدوه وظبط الموتر

[عقووول]

كان معي التيما ومكينتها تقريبا زي الافلون

وحدة من الثنتين

الاولى ان الطرمبة اذا نزلت على الربع تحتر وتطفي

او الثانية

حساس الكرنك تاكد منه

[المنيعي1]

ماعندي خبرة وأن شاء الله الي ردو بهم بركة.
بس حبيت أعلق على تعبأة البنزين عند أضأت المبة
أنا سياراتي كله مأذكر أني عبيته حتى تولع المبة وأمشي عليها أحياً إلى 100كلم والمبة مولعة والحمدلله مأذكر أنه أثر على الصفاوه أو أثرعلى الطرمبة.

[اكسير الحياة]

يا أخوان العلة في نوعية البنزين اللي في المحطات .. كانت فيه لجنة السلامة التابعة للدفاع المدني في عام واحد قفلوا اغلب محطاتالرياض لانها تدار من العمالة الهندية اللي تخلط الديزل بالنزين وطلع اغلب اصحاب المحطات الاصليين (....) وتم الغاء الادارة وكان المسئول عن الادارة ضابط اسمه عائض القحطاني وتم ابعاده وتعيينه خارج الرياض ...

افضل المحطات هي الادريس وبس

[عبدالرحمن السالم]

ماقصرو الاخوان ، طيب شف برضو فلتر الهواء مرات يصير عليه غبار ويكتم السيارة