ريش الشيهانة بعضة مكسر وش الحل

[مدامع طير]

انا عندي شيهانة جبلية طول 12 في 11،5 طيرها كويس لكن
عندها بعض الريش مكسر وهي :
الموس والنايفة والثالثة والرابعة في الجناحين كلها
وبعض ريش الذيل وش الحل تكفون بلحق شيهانتي

[رعد المطر]

مساء الخير ياخوى الريش اذا متكسر مو مشكله يتوسر

[مدامع طير]

كيف الطريقة هذي لان واحد صديقي صقار كبير يقولي عطه في كاس كبير فيه مويا حره وحط فيه الريش المتكسر جربتها مفادت اذا كانت صحيحة
اشرحلي بالتفصيل

[عواد الشمري2]

كيف الطريقة هذي لان واحد صديقي صقار كبير يقولي عطه في كاس كبير فيه مويا حره وحط فيه الريش المتكسر جربتها مفادت اذا كانت صحيحة
اشرحلي بالتفصيل
وش كاسه وشلون تغطييها اشرح بالله الطريقه الي قاله خويك والي انت سويته !!

[مدامع طير]

طبعا هذا الرجال له ٣٤ سنه صقار انا جيت عنده قالي في ريش مكسر قلتله وش الحل قالي تاخذ كاسة او
قص علبة من فوق وحط في الكاس او العلبة مويا حار وتجي عند اي ريشة مكسرة تاخذ الريشه وتحطه في الكاسة او العلبة
بس ماسألته لما احط الريشه كم تقعد ثانيه اخليها في الكاسة ٢٠ ثانية والا ٣٠ ثانية او غيرها انا سويت كذا عشر ثواني

[عواد الشمري2]

الماء الحار تصبه على الذنابه اذا اخر الريش به شي اما ريش الجناح ومنكسر مايرجعه الماء الحر لازم يوسر ولا تخليها للسنه الجيه تغسل وتذب ويطلع لها ريش جديد وبخصوص التوسير اذا تبي تعرفه علميت لصق للريش المكسور وكل شخص له طريقه وسل خويك عنه اكيد يعرف

[برق المغيب]

يامدامع الطير الماء الحار للريش اللي ينثني تمسحه بالماء الحار وعلى مهلك بدون ماتضغط على الريشة ..... مهو المتكسر واللي جاوبك عليه اخونا عواد