عزبة …؟

[متقن1]

السلام عليكم ورحمة الله وبركاتة

بشتري عزبة …رايكم افضل عزبة وحدة يكون فيها طبخ وقهوة اوشاي
او اخلي عزبة الطبخ لحاله …؟:r:l:lr:f

[x.ls1.x]

جهز العزبه انت ولاتروح للمراكز الكبار وغيره يقصبونك رح لمحلات الاواني المنزلي وتقض منهم وخذ الي تحتاجه ولا تمر المراكز الكبار الا عشان تاخذ لك شاخوف وشنطة .. بس

[متقن1]

طيب العزبة افضل تكون وحده ام ثنتين

[باسل نجد]

مثل ماقالوا الاخوان جهز عزبتك بنفسك :
١-تحصل أواني أصلية .
٢- تطلع عليك أرخص .
٣- تاخذ عزبتك على مزاجك ، وليس تفرض عليك فرض ، يعني فيه أشياء ماتحتاجها تلاقيهم حاطينها لك أو ان هناك أشياء تحتاجها ولا تلاقيها في تلك العزبة الجاهزة .

أهم شي اختر الشنطة نوعية جيدة وقماش تنزاني




بالنسبة لقولتك عزبة أو عزبتين شف رغبتك . وكل واحد له رغبة .
بعض الشباب يبيها عزبة وحدة ، وبعضهم يفضلها عزبتين للطبخ عزبة وللقهوة عزبة .

بالنسبة لي أفضل عزبتين لأنها تكون خفيفة ، وأحياناً قد لاتحتاج لإحدى العزب فتكتفي بوا

[الرويضة اون لاين]

شنطة صغيرة للقهوة والشاهي واخرى متوسطة للطبخ افضل لك واريح لك

وبالتوفيق..

[الرحال2222]

http://mekshat.com/vb/showthread.php?t=547765

[PATHFINDER 4]

والله بتبلش نفسك خل القهوة لها شنطة والطبخ له شنطه
تبي تطلع طلعة خفافية وش لك بالثقل والحجم تسحبه وراك !
الشئ الثاني الحوسة اللي بتطلع فوجهك لاجمعتهن بشنطة وحدة

وانت وهواك

[q8salem]

بالنسبة لي أفضل عزبتين وحاليا عندي العزبة الصغير عبارة عن شنطتين صغار وخفاف للقهوة والشاي والنسكافيه والهيل ولوازمهم مع الدلة والمزل وعدد 2 قوري شاي وحليب ودافور صغير مع دبة احتياطية ودافور مع دبة كوفيا والبيز والليف والقناد مع القدوع. وقوري كبير للماي الساخن دايم اخليه لحاله. هذي للرحلات الخفيفة.

وعزبة كبيرة للطبخ مجهزها للرحلات اللي تحتاج طبخ وفيها دافور كبير واواني وبهارات وسكاكين ولوازمها


واقترح مثل ما قالوا الاخوان انك تلقي نظرة على العزب الجاهزة وتسجل الأغراض وانت تشتري الشنطة لحالها وعقب تشتري اللوازم على مزاجك ممكن تزيد وممكن تقلل.



وبالتوفيق

[hamad3983]

اذا كنت بالرياض :-

اول شي اقترح عليك عزبتين ، اريح لك ، تخيل فرضا انت بمكان منت طابخ فيه ، بتنزل كل اغراضك ؟ عزبة القهوة والشاهي صغيره وخفيفه

وبعطيك اقتراحاتي يمكن تفيدك ..

اولا العزب من محلات القاضي ، عزبهم ممتازه وجودتها عاليه بعكس نظيره من (بعض) المحلات

عزبة القهوة والشاهي بتكلفك 50 والطبخ 60

وبالنسبة للاواني ، اقترح تلحق على السيف لانه مسوي خصم 60% وتجنب ثم تجنب ثم تجنب اواني محلات لوازم الرحلات لسببين ، الاول انها رديئة ، ولو كانت جيده فسعرها مبالغ فيه

1- عزبة القهوة والشاهي :-
تشتري عزبتك وتدخل بها للسيف ، وتحط فيها : ملقمه ، دلة ، ابريق ، بيالات ، فناجيل ، وعلب القهوة والشاهي والسكر والهيل اقترح عليك تاخذ ستيل من محلات لوازم الرحلات
بالنسبة للدافور ، انا استخدم دافور كوفيا صغير جدا مع علبة غاز استخدام واحد ، وانصحك تاخذ دوافير كوفيا لانها اجود من غيرها

2- عزبة الطبخ :-
قدر ضغط من السيف ، داخله 3 قدور عادية (كبير،وسط،صغير) وسكاكين وملاس ومسن وملعقتين صغار وتاخذ جراب لها من محلات لوازم الرحلات ، وعلب زيت وبهارات ، وصحون
بالنسبة لدافور الطبخ ، عندك الدبة الزرقاء الايطالية هي افضل الموجود ، وعدنك خيارين ، اما راس دافور ايطالي او موقد من هالمواقد الجديدة

واسف ع الاطالة