مسافة خشم الثور عن قرونه(جديد) ........ حله ( ناصر العلي ) .. الحل ( مولود الكنغر )

[ال-رايق]

السلام عليكم ورحمة الله وبركاته

ال-رايق ياخوانه يحب المزوحي=واذا استخفّ دمّه.. لاتواخذونه
ياحبّ حبّي له ,وانا له نصوحي=أحبّه اكثر منكم من غير مهونه
واذا تمادى أنذره,, كان يوحي=وبينضبط بالطيب ,ولّا المرونه
والحمدلله صار شخص سموحي=ثم عاد الى رشده فهل تسمعونه
وصلّح له لغز شاد فيه الصروحي=على أساس الجدّ ,قوّى ركونه
يويش صغير عن مكانه يروحي=مسافة خشم الثور عن قرونه
اكمل حياته,وأمّه لأجله مسوحي=سوّى كذا من قبل تفتح عيونه
==مسوحي/تدر له الحليب
وسلامتكم كلّكم على بكرة أبيكم
أخوكـــــــــــــــــــــــــم/أل-رايق
خيمة الألغـاز بمنتدى مكشــات

[ناصر العلي]

وعليكم السلام ورحمة الله وبركاته
سلمت ياأبومهند
وصح لسانك
ويازينك ويازين مزوحك
خذ راحك
ويش قولك بـ
البيبي حق الكنغر

[صقر السديرات]

صح لسانك ابو مهند
يا مال العافية ابداعات
شغل نظيف حيويه جهد يذكر فتشكر
انت فعلا ملح المنتدى
الله لايخلينا منك
وابو علي مافيه حيله
الظاهر قال به
دمت متجها للقمة

[راعي العجراء]

صح السانك يالرااااااايق
صح السانك يامهندس الالغاز
لغز شغل هندسي متعوب عليه
ابيات تستحق الاشاده بها الله لايضرك
جاري التفكير في هذا اللغز الثمين
حفظك الله

[المزيدي4]

وعليكم السلام ورحمة وبركاته
صح لسانك يا أبو مهنّد
بدعت فأبدعت فأطربت
ويازينك ويا زين مزوحك
وأعذرني كنت بأجاريك ببعض الأبيات المتواضعة لكن بكرة بإذن الله عندي مهمة عمل مشغلة تفكيري
الله يعديها على خير

وخذ رمعة من مساعد محافظ الضلع صقر السديرات الله يمسيك وهو ومن يقرأ بالخير ..

يمن يكون : دابة اسمها :
الحلبوب العمى
دمت مبدعا متجاوزا

[ال-رايق]

اخواني اعذروني
النت مادري وش صار له
على العموم ابوعلي خنق هالفقير
تحياتي

[ابو اسامه 2]

وعليكم السلام ورحمة الله وبركاته

صح لسانك يا الغالي ملايين

وبيض الله وجهك

وكفو يابو علي

تحياتي لك

[ناصر العلي]

اخواني اعذروني

النت مادري وش صار له
على العموم ابوعلي خنق هالفقير

تحياتي


معذور يالغالي
ووالله إني أعاني من نفس المشكلة
النت بهذلتني
لاعادة عليه من الشركة
سلمت وسلم غاليك يالغالي
تحياتي

[ناصر العلي]

وعليكم السلام ورحمة الله وبركاته



صح لسانك يا الغالي ملايين


وبيض الله وجهك


وكفو يابو علي



تحياتي لك


كفوك الطيب يالغالي
لاخلا ولاعدم
تحياتي