خبرتكم الطير وحش وش الحل معه

[هواوي يالحر]

السلام عليكم

عندي فرخ حر وأنا الحين اصقره الطير شبه راكد صار
كل ما أحاول أنقزه ما يطالع فيني ولا هو حولي الطير
صحته طيبه أحط الحمامة بيني وبين الوكر ولا ينزل من وكره
يكون موجب عنده تردد ليا بغاء ينزل من وكره وإذا ذبح
الحمامه أجي أحاول أنقزه من قريب ما ينقز
أفيدوني جزاكم الله الجنه

ووش أفضل وقت للطير الوحش يأكل هل هو فليل

[عواد الشمري2]

مايطيح راس الطير الا بالجوع جوعه ووره العلف بكفك وانت تصوت له
طبعن بعد يوم من تنقيزه وسو الطريقه هذي لين ينقز وذا بدا ينقز على الدس ويعلف امسك له حمامه بيدك وحركها وانت تصوت له وهلون لين تشوف اموره زانت
وقصر عليه وحوال كل الامور هذي تكون بالبر اول يوم خله بالمجلس عقب اطلع للبر

[أحمد الشمري1]

ذكر لك عواد الزبدة كامله.

بس تقول طيرك وحش دهله ودقه بالجوع و راح يطيعك وادعه باسمه راح يجيلك.

[Abu Hamad2]

عليك بالجوع وانا اخوك وانسر له نسر لا يشبع الطير
خله يعرف ان العلف منك انت
يعني لا تعطيه وجبه خلك كلما دخلت عليه وفرعتبه تنقزه عي قطعة لحم
والله بعد ثلاث ايام يصير بس ويطيح راسه

[(هزاع)]

افادك عواد
الطير يا اما تصقره ولايصقرك
الجوع هو العلاج طمر الطير يوم عن العلفه الى ان يجيك على وجهه وان ما جاك طمره بعد الى ان يجي
ون رحمت الوحش صقرك الطير

[ذيب خيطان]

جوع الطير ولاتكثر عليه اللعف وخله على يدك باستمرار
ولاقصرو الشباب افادوك اكثر مني

[عاذي]

شف وانا اخوك انا ضد اللي يقول نقز الطير يومين ثلاثه .. الطير لازم يعلف والا تقل المناعة عنده ويصاب بكثير من الامراض .. اهم شئ الطير لاينزل من على يدك ومسحة وانهمه باسمة وخل معك نسر ( رجل حمامة ) وكل ماحطيته على يدك ذوقة العلف تذويق : لاتنسى المحافظة عليه من الوراعين واللي يدخلون فجأه ترى الطير اذا انخلع والله ماعاد ينفع فيه .. والله يوفقنا وياك وجميع المسلمين لما يحب ويرضى ويرزقنا وياك بالصيد المبارك .

[سلطان 1]

شف وانا اخوك انا ضد اللي يقول نقز الطير يومين ثلاثه .. الطير لازم يعلف والا تقل المناعة عنده ويصاب بكثير من الامراض .. اهم شئ الطير لاينزل من على يدك ومسحة وانهمه باسمة وخل معك نسر ( رجل حمامة ) وكل ماحطيته على يدك ذوقة العلف تذويق : لاتنسى المحافظة عليه من الوراعين واللي يدخلون فجأه ترى الطير اذا انخلع والله ماعاد ينفع فيه .. والله يوفقنا وياك وجميع المسلمين لما يحب ويرضى ويرزقنا وياك بالصيد المبارك .

عطااااااك العلم عاذي
الدعواااا ماهي تجووووويع الطير وتطميره كم يوم
الدعوا تدهيل ونقل وتنسير لين يطيح اللي برأسه.

[كلي فخامه]

اذا ماحس بالجوع لاتحاول انه يجيك ابد لو تقعد انت وياه شهر ميطيح الوحوش غير الجوع والحاجه لك ... وفقك ربي

[هواوي يالحر]

الله يعطيكم العافيه جميع وما قصرتو يعلم الله

تجويعه مفهومه بس افضل شئ هل ما اشل برقع الطير إلى وقت عشاه
ولا ما يمنع أشله لا نقلته

[حشّار]

وعليكم السلام
لا بالعكس البرقع شله والطير على يدك حتى لو ماهو وقت عشا

[عواد الشمري2]

لا مافيه مشكله كل ماتنقل الطير تفرع له وتبرقع طول معهو على كفك وانت شغال تفرع وتبرقع وتمسح عليه لين يزين خاطره وتخليه ينسر
الطير اذا ماخزمته بالجوع ماتدهله والطير يوم يصيد يصيد له مهو صايد لك وانت تجي بالكعه وتخذ الصيده منه
وقالوه الشيبان قبل اخبث مع الطير يطيب
وعليك بالصبر والجوع شي اساسي بتطيح الطير ومثل مقالو الربع تخليه ينسر بين الحين والاخر وفالك التوفيق ان شاء الله

[هواوي يالحر]

أشكركم وشكرك يا عواد ما تقصر

[نجم404]

ماقصروا الاخوان الله يكتب لهم الااجر ان شاء الله

[صقارعزاااام]

انا اقولك من حيث خبره خله بوكره الين يطيح من وكره تهبد يدور العيشه وسلامتك

[برق المغيب]

عطوك العلم الاخوان ماقصروا الجوع والتدهيل والمداومة بطيرك على كفك والتنسير كلها تعينك على ترويض الوحش ويستانس معك وعليك بالصبر مادام طيرك فرخ فهو غشيم وان شاء الله انك تأكل من صيده

[هواوي يالحر]

يعطيكم العافيه يا خوان