علب لحفظ الهيل والقهوه

[عاشق الغرا]

السلام عليكم أعضاءوزوار منتدى مكشات


أغلب المكشاتيه واهل البر وانا واحد منهم تكون العزبه بالسيارة بشكل دائم بحيث يكون اموره جاهزه وعزبة اذا بغاء يطلع للبر

المشكله لدي ريحة الهيل والقهوه والبهارات اذا ركبت بالسياره او اركب معي احد تقول داخل محل حواج او محل بيع قهوه
وأكثر شي تطلع ريحته وتفوح بالسيارة الهيل

لاحد يجيني ويقول الهيل ريحته زينه أنا مااحب تكون بالسيارة ريحه ابد


السؤال هل يوجد طريقه حفظ او علب للهيل والقهوه وغيره بحيث تكون الريحه ماتطلع بالسيارة

حطيت اكياس ولانفع دلوني على شي ماتطلع ريحة الهيل وغيره منه

أكون لكم من الشاكرين



.

[خالد ...]

اذا انت في الرياض انصحك تروح ( ايكـيـــــــا ) بين مخرج 16 و 17

قسم اواني الطبخ و عندهم علب محكمه وعمليه و لا تاخذ مساحة واشكال كثيرة ...

[Cyber]

افضل حل تحظهن في اكياس ال zipper وتحطه في اي علبه عادي وانسى الريحة

http://www.clearbags.com/images/catpics/Zipper_Pouch_Gusset2.jpg

[XTERRA -2010]

طيب الهيل ريحته زينه


ههههههخخخخ

أرسلت بواسطة GT-N7100

[Hamdi_an]

يوجد لدى محلات (دايسو) علب يابانية لها غطاءين، وهي ممتازة جدا لهذه المهمة
محلات دايسو في الرياض في مجمع العثيم بالربوة
وفي الأحساء في مجمع العثيم
ولهم فروع في أماكن أخرى

[جرة قلم]

أنا أضعها في علب زجاجية:
(علبة جبن سائل المراعي) :D :D
محكمة الإغلاق، وتحفظ النكهة، ولا تخرج ريحة

[عاشق الغرا]

الله يبيض وجيهكم جميع

[دواوير]

حسب علمي ان الهيل لا يصلح مع الاكياس البلاستيك وبعد فترة تشوف البلاستيك متأكل من الهيل ...

فيه علب استيل لها سنه عن اغلاقها وقوية جدا ولكن بحثت عنها ولم اجدها .....

[ابوفهيدان]

اما ريحة حواج ههههههههههههههههههههههه ضحكتني

طيب انا استخدم علب شاي الوزة الحديد وحاطها معاي
واحد للهيل وللقهوة و للبهارات ومافي احسن منها لاريحة ولا تتغير النكهة

[ابورايف]

اذا انت في الرياض انصحك تروح ( ايكـيـــــــا ) بين مخرج 16 و 17

قسم اواني الطبخ و عندهم علب محكمه وعمليه و لا تاخذ مساحة واشكال كثيرة ...

أتفق مع خالد

قبل فتره أشتريت منهم علب وبصراحه تستحق الأقتناء

تقبل مروري

[ذيبان 2000]

صحيح ايكيا عنده حاجات زينه بس انا احطها بعلبة ستانلس ستيل ومن احسن ما يكون لا ريحه ولا شيء

[ابوجليله]

اخوي القهوه حطها في علبة بلاستيكيه محكمة الاغلاق وراح ترتاح اما الهيل انا عانيت منه لما حطيته في علبة قزاز حقت العسل ههههههههههههههه ومشاءالله وحده بوحده

[كاريرا]

أنا أضعها في علب زجاجية:
(علبة جبن سائل المراعي)
محكمة الإغلاق، وتحفظ النكهة، ولا تخرج ريحة

انا نفس الشي انواع واشكال من الزجاج بعد استخدامها بالمطبخ

اهم شي تلفها بسفنج عشان ماتنكسر ولو يحصل تلبيسة تنزاني افضل

صارلي اكثر من ثلاث سنين تمنع الريحة وتطيل العمر

[وسام الغضب]

بالنسبا لي اضعهم في اكياس شفافة ذات مقاسات مختلفة وبعدين احطها في الجراب او اكياس اللي من السنيدي او ابرماية المخصصة للبهارات
وبدون اي رائحة

[الحربي حاتم]

بسم الله الرحمن الرحيم
إن شاء الله تلقا مطلوبك

[ابو طاهر]

انا حاطها في علب ستانلس استيل تحفظ النكهة ولا تطلع ريحة في السيارة

[عاشق الاتحاد]

انا حاطها في علب بلاستيك البن والهيل والشاهي
وعند رجعتي اضعهما في الثلاجه
وعند الخرجه اخرجها واضعها في الشنطه
وبسم الله توكنا

[الأحمدي أحمد]

مابعد علب الجبن المراعي خاصة الجديده منها
إحساس رائع وتوفير للمال بدل ماترميها ^_^

[فيصل التميمي]

ان كانك في الرياض برق الحياء عنده علب استيل ومفصل عليها اجراب احسن شي للقهوة والهيل

[كاريرا]

من واقع التجربة

الزجاج هو افضل مانع وحافظ للنكهة

حتى علب حفظ الشاي والهقوه الخاصة بالمطاعم والفنادق والمطابخ المنزلية تاتي زجاج او فخار ونادرا مايصنعون ستلين او بلاستك

وكلن ينام ع جنبه اللي يريحه

[الفيافي]

ضعها بقارورة زجاجية مثل حقت الاجبان السايلة لايغير طعمها وريحتها بسيطة جدا

[كاريرا]

جربو الطريقة هذي وعلموني


http://www.mekshat.com/vb/showthread.php?t=552253

[ابوسليمان.]

استعمل الطاحونه الكهربائية ،،
والقهوة والهيل احفظها حب باي علب للحفاظ على النكهه والطعم والجودة وعدم الاسراف ..

[ابواديب33]

القزاز لكن يبغالك تفصله لبس من قماش مقوى او اسفنج