الموتر باثفندر المشكله تخبيط نريد الفزعهال

[الغرابيM]

السلام عليكم ورحمة الله وبركاته
عندي باثفندر 2003 الموتر تماتيك ماشي حول 400 طلع صوت طقطقه وولعت لمبة الزيت وطفيت الموتر علطول رجعت شغلته صوت طقطقه قوي مع ارتفاع بالحراره بسيط مع العلم ان الموتر ماوضب ابد ولافيه نقص حتى عايرة الزيت بعد المشكله ممتاز جدا والزيت اشقر وش سالفته ووين اوديه انا من القصيم

[رفيع المقام]

وعليكم السلام ورحمة الله وبركاته

تشخيص مبدأي

عندك مشكله وضعف في طرمبة الزيت وزين انك طفيت السياره علطول ..

خذ الموتر بسطحه وعالورشه الموثوقه ..

[الغرابيM]

كلامك صحيح اخوي لان اول ماوقفت وسحبت العيار يطلع دخان مع فتحة العيار وهذا دليل ان الطرمبة متوقفه

طيب وش راح ياكل اخوي قطع

[sreeee3]

واضح ان عندك مصفاة الزيت(شبك) داخل المحرك مسدود.
معناتها ان الزيت ما يتحرك بالمحرك. اي ان السيارة تمشي بدون زيت.
لازم تنقلها لورشة ميكانيك. يفك الكرنكيس ( فتحه اسفل المحرك ) راح تشوف مثل التراب المتجمع وهو عبارة عن زيت محترق متجمع ( بسبب ان اكثر الزيوت رديئه و خاصتا التويوتا و غيرها من الزيوت الاصليه )
و يمكن تشوف برادة و قطع حديد و هذا من التآكل الي حدث في قطع المحرك نتيجة عدم وصول الزيت اليها.
العمل انه اذا ما شفت قطع حديد انك تشيل المصفاة و تنظفها و تركبها بعدين تركب الكرنكيس وتغير المصفاة الخارجيه و تعبي زيت جديد و تجرب اشتغال المحرك.
احيانا تنفع هذه الطريقة اذا لم تتآكل القطع الداخليه كثيرا.
اذا لم تنفع هذه الطريقة فلازم تفك المحرك قطعه قطعه و تبدل القطع التالفه او ان تغير المحرك بمحرك اخر جديد او مستخدم. ×

[kshtat999]

لو سمحت ايش الكرنكيس تقصد الكرتيل(خزان الزيت ) واذا تبي ورش ياصاحب الموضوع عندك الجربوع والمؤقت الذهبي بصناعيه السليم ببريده

[مخاوي خوياه]

افضل ورشه من واقع تجربه للنيسان
خصوصا الباثفندر
الجربوع بصناعية السليم

[naseer11]

لاتبعد عن الجربوع رح واسال عن سليمان او عبدالله مايقصرون معك

[PATHFINDER 4]

صوت الطقطقة لاتكون مسامير الثلاجة
لاتشغل السيارة وركب موترك بسطحة وعلى ورشة الجربوع اذا كنت بالقصيم او ورشة الثنيان اذا كنت بالرياض

فك المسامير 200 ريال