محتاج النصيحة يا أخوان لا هنتوا [الأرشيف]

مشاهدة النسخة كاملة : محتاج النصيحة يا أخوان لا هنتوا

BO Abdullatif

13/12/2012, 03:46 AM

السلام عليكم ورحمة الله وبركاته
أشكر القائمين على هذا المنتدى الأكثر من رائع
مالكم بالطويلة أنا بفضل الله فصلت لي طراد 27 قدم درازي للغوص والحداق وساعة الصدر وانشالله يطلع على السنة الجديدة على العموم حبيت استشيركم وش المكاين الي تشوفونها تناسب الطراد وقبل المكاين وش الشغلات الي لا بد انتبه لها في تجهيز الطراد مع العلم ان المكاين الي بركبها مستعمله بشرط انها ما تكون أقل من 2010 وهذا الشي الي متشاغب عليه. زي مانتوا عارفين تشييك المكاين يبغالها واحد فاهم مضبوط وللأسف أنا ما وصلت لهذه الدرجة من الخبره . فياليت الي عنده بعض النقاط يعطينا اياها التي بدورها تحدد نظافة المكاين.
أيضا ايش تشورون علي في طريقة توزيع الكهرب في الطراد.
الله لايهينكم ويرحم والديكم

م/عبدالله

13/12/2012, 08:37 AM

وعليكم السلام ورحمة الله وبركاته

بخصوص المحركات ... طالما القارب جديد ... انصحك بمحركات جديدة
على يدك ولاتتعب فيها . .. ولو جبرتك الظروف المادية ... لابد لك من اخذ
فني محترف يشغل ويجرب .. ويفحص ضغوطها .واهم شيء جرمها سليم من التمليح

اقل مقاس للمحركات وهو الادنى 85 محركين 2 استروك
تحتاج خزان مياة طالما عندك نشاط غوص مزود بمروش وتحتاج الى سلالم لصعود الغواصين
والى قواعد تثبيت للاسطوانات في الجوانب
بخصوص الكهرباء .. زيادة على كهرباء القوارب المتعارف عليها تحتاج
الى كشافات جانبية .

wafi6556

13/12/2012, 11:29 AM

مبروك والله يعطيك خيره ويكفيك شره
واهنيك على الدرازي واحسنت الأختيار...الدرازي 27 من احلى ماقنيت من القوارب والمميز فيه عرضه 2.35 وهو اعرض قارب 27 قدم صناعه خليجيه طبعاً...وصدره مرفوع وبالموج ويعجبك...ومثل ماتفضل م عبدالله الـ85 مناسبه وتعطيك سرعه في حدود 55 كم/س بحموله عاديه...حبذا لو تشيك عليه قبل تستلمه من المصنع من ناحية التشطيب النهائي لأن بعض قوارب الدرازي يكون فيها عيوب في التشطيب...وتكده بالعافيه

سلطان الخير12

13/12/2012, 01:24 PM

BO Abdullatif

14/12/2012, 12:24 AM

بيض الله وجووهكم على الرد وعسى الله يرحم والديكم على ها الكلام الطيب ما قصرتوا

BO Abdullatif

14/12/2012, 12:31 AM

مبروك عليك الطراد
شيك على التشطيب النهائي للطراد
وتانكي البنزين حاول يكون داخل الطراد
ركب مكائن اكبر من 85 حصان
لتفادي الضغط على المكاين مما يزيد عمر المكاين
والله يهنيك في الطراد ويكفيك شره

انا يوم أفصل الطراد بالمصنع قعدت أسولف مع مدير المصنع هو بالذات نصحني إني ما أركب التانكي في وسط الطراد على قولته لا سمح الله لييك ولا شي وقال خذلك من توانك البنزين الكبار الي تكون تحت المخزن الي بجنب المكاين على أساس حتى لو صار الي صار للتانكي كلها دبة شيلها وحط وحدة بدالها مع العلم إني للحين أفكر إني أكلم المصنع على أساس يفصل لي التانكي ويحطه بوسط الطراد
أنتظر تعليقك مع الشباب

هاوي الازرق

14/12/2012, 10:05 PM

مسيكم بالخير عضاء وزوار
مبروك عيك اخوي عبد الطيف طرادك الدرازي الله يعطيك خيرة ويكفيك شره
ولو ان خبرتي متواضعة فعسى تفيدك وتجد بها مرادك
اخوي مشورتي انك تفصل خزان نوع المنيوم بنفسك ويكون
موضعة امام الكبينة بالاستور بسبب انه لو المصنع الي بيركبه بيصب علية الفيبر ولا تستطيع بعدها ان
تخرجة من مكانة والثانية لو انك وضعتة بنفسك تقدر تخرجة وتردة يعني امور ميسرة
والالمنيوم نوع طيب وعدة سنين لما يخرب لو سمح الله
تقبل مروري ولك تحياتي ولا يهون الباقين

wafi6556

14/12/2012, 10:52 PM

انا اقلكم خبره وان سمحتو لي اقول لو انه قاربي وش اسوي

افصل تانكي داخلي ستانليس ستيل 316 وقبل تركيبه ارشه بعازل من الخارج بكذا عمره الأفتراضي 10 سنوات وطالع...وبما ان القارب مازال تحت التفصيل اطلب من المصنع يسوي لي مثل غرفة التفتيش فوق عوامة البنزين وفوق مداخل ومخارج البنزين للصيانه وهذي ممكن كلها تجمع في غرفة تفتيش وحده
وعساكم عالقوه ياشباب مكشات ولله انكم نشاما

م/عبدالله

15/12/2012, 12:20 PM

كلامك ... مضبوط ياوافي .. بخصوص
ترك مجال ... للصيانة .. هذا موضوع مهم

سلطان الخير12

15/12/2012, 04:08 PM

نفس كلام الوافي
انا طرادي عليه تانكي استيل مع توفير فتحات للصيانه

BO Abdullatif

15/12/2012, 07:56 PM

ما قصرتوا يالغالين الله يبيض وجووهكم

BO Abdullatif

21/12/2012, 11:38 PM

يا جماعة الخير معليش سؤال ثاني أنا الحين لازم أعطي المصنع خبر عن قوة المكاين على أساس يضبط الرقعة حقة الطراد لكن وش تشورون علي 200*200 ولا 140*140 او 115*115؟
مع العلم ان الطراد يمكن يحمل أوزان ثقيلة حواي 10-20 اسطوانة غوص مع عدد الغواصين وعدتهم.
بعد في سؤال ثاني بالنسبة للرقعة أنا اعرف انا في فرق بالنسبة للساق القصير والطويل الي ينحطون على الرقعة لكن وش هو ما أدري،فيا ليت احد يشرح لي وش هو ؟

سبع الجنوب

22/12/2012, 12:23 AM

افظل لك حجم 115 مناسبه لحجم طرادك من غير قصور باراء الشباب وأولهم ىلمهندس عبدالله الله يعطيه العافيه ماقصر مع الجميع

wafi6556

22/12/2012, 12:38 AM

يالهوي ياخرابي يبو عبد اللطيف
20 اسطوانه بالتبع...وش رايك تاخذ لك ددسن خمس شناكير:D
ياصاحبي الـ27 مايكفي لمثل هالحموله ابد ولا تنسى التوانك بنزين ومويه
بالنسبه للمكاين 200*2 اشوفها مره كبيره على 27 حتى لو المصنع صمم القدح لها...من وجهة نظري 140*2 تو ستروك كحد اقصى بحكم ان القالب اصلاً خفيف(وخلي في بالك ان المكاين كل ماكبرت زاد مصروف بنزيمها وصيانتها)
وبالنسبه للقدح(الرقعه) وش رايك تأمن المكاين اول بما انك بتشتري مستخدم ثم تفصل ارتفاع القدح عليها
والله يكتب لك مافيه الخير...وسامحنا على ثقالة الدم:)

م/عبدالله

22/12/2012, 02:46 PM

اخوي السائل ... المقترح من المحركات كما قلنا سابقا

الحد الادنى 85 محركين
الحد الاعلى .... ماتتجاوزة 115 محركين وعلى قول اخونا الوافي 140 نقول ماعلية قريبة من وزن 115 ويعتبر محركين متشابهان
لكن .!!
انا ماادري مين اللي يفتيك .. بدون علم ودراية
يعني بالله عليك ونيت داتسون تحط علية محرك جمس . يااخي بالعقل والعلم كلمناك
والشباب اللي معنا اصحاب خبرة ... قارب الدرازي اصلا خفيف لذلك تم تحديد محركاته
بناءا على المواصفات للقالب . ... خليني اقنعك واوصل الامانة

تقول بروح اقول دعموا الرقعه .. وهل تعلم ان اي اضافة في الرقعة
من خشب وخامات تزيد من وزن القارب من الخلف .. زائد الوزن الاضافي لمحركات
200 محركين ... يالطيف . كل الهيدروليك مغمور بالماء .... والقارب مغرز
ومااقول لك على السلبيات الكثيرة في ممشاة .
طيب تقول نرفع القدح ... اقول ماحليت مشكلتك ..وتندم على الخسارة
لان مواصفات قاربك ... لايناسبها الا ما قد حدد له . وله طاقة استيعابية من الافراد
والمتاع .. في شكل وزن تلتزم به ... القارب خفيف المتانة مع قوة المحركات والوزن
الزائد .. ممكن ينشطر في ظل ظروف البحر القاسية . .. صراحة لما قلت 20 اسطوانة
صدمتني ..... بقوة .. لانك مابقيت وزن لركابك ولاحمولة لخزاناتك

هذه نصيحة ببلاش ... وعليك التفكير ولا تنجرف خلف .. الافتاء في غير محلة

الواهج

23/12/2012, 09:28 AM

140*140
قياس علي الطراد

الاخوان عطوك العلم بارك الله فيهم

عقام الرايس

23/12/2012, 12:37 PM

ماشاء الله لا قوة الا بالله ... الله يهنيك ويعطيك خيره ويكفيك شره

اضم صوتي للاخوة الافاضل ... لا تزيد الحمولة هذا بحر .. والمكاين اذا كان وزنها اكثر من المحتمل راح يغرف القارب من الخلف لا سمح الله واذا جاك موج قوي يتعبى الخزان الخلفي وبعدين لا سمح الله احتمال غرق القارب سهل جدا في هذه الحالة

اسهل مثل جابه المهندس عبدالله ( دتسن تركب عليه مكينة جمس ) صح فيه قوة لكن مافيه تناسق وتناسب بين القارب وحجم المكاين وبالتالي ماراح تستفيد من القوة

20 اسطوانه كان يبغالك قارب فوق 31 قدم ومواصفات مدروسة لكن بما انك شريت وفصلت ما انصحك باكثر من 115 بالنسبة للمكاين

والله يبارك لك مرة ثانية

BO Abdullatif

25/12/2012, 11:12 PM

ههههههههههههههههههههه
أولا مشكورين كلكم على الرد الجميل واعذروني على جهلي. أنا أبرر هذا الجهل بمثال الأم الي عندها ولد مستواه عادي واتقارنه بالفطاحل. اعرف أن الطراد وزنه 850 وهو يتحمل حموله محدودة.
الله لا يهينكم
لكن عندي سؤال هلى الطراد يشييل 10 اسطوانات بالراحة؟
:D لسه باقي مصمم

عقام الرايس

26/12/2012, 11:00 AM

م/عبدالله

26/12/2012, 01:07 PM

حياك الله ... عاد انت ولدنا في مكشات
ولزوم نصبر عليك ... كلام اخونا عقام .. درر وفي محلة

لكن عندي سؤال .. انت تعرف كم وزن الاسطوانة الوحدة ...؟

خلينا ندرسها مع بعض . صح

انتظر ردك .

wafi6556

26/12/2012, 10:01 PM

حياك الله ... عاد انت ولدنا في مكشات

.

مسيتو بالخير يارجال

ابو محمد تراك جبت العيد...ذحين كل الشباب عرفو ان عمرك 25 بره (بحساب البلوت طبعاً)...وينادونك عم عبدالله:D

اسطوانة الغوص متوسط وزنها في حدود 15 كيلو اذا ماخانتني الذاكره

عساكم عالقوه

BO Abdullatif

26/12/2012, 11:35 PM

على الاقل فيه تقدم تنازلت عن نصف الحمولة ههههههه

حمل الاسطوانات في العادة ما يكون فيه ( بالراحة ) خصوصا اذا ماكان فيه لها مكان مخصص في القارب تكون فيه ثابتة ولازم تحملها بشكل مدروس من ناحية توزيع الحمل

افضل مكان والله اعلم ان تضعها في داخل المخزن الوسطاني في القارب حتى يكون حملها اقرب لاسفل القارب بدل من تحميلها في الجوانب تحسبا لعوامل الفيزياء

ههههههههههههه تراني ماني طماع عشر اسطوانات فقط لا غير
وبالنسبة للمكان انشالله راح اسوي لها استاند متحرك يبدأ تقريبا من عند الكبينة حقت الطراد خمسة يمين وخمسة يسار
اشكر تواصلك معانا يالغالي عقام

BO Abdullatif

27/12/2012, 12:40 AM

حياك الله ... عاد انت ولدنا في مكشات
ولزوم نصبر عليك ... كلام اخونا عقام .. درر وفي محلة

لكن عندي سؤال .. انت تعرف كم وزن الاسطوانة الوحدة ...؟

خلينا ندرسها مع بعض . صح

انتظر ردك .

هذا من طيبك يالغالي والله يجزاك بالخير. وأذكرك بأن نصايحك ونعليماتك هاذي محتاجين جدا لها و أيضا من الشباب الغالين ويعلم الله أني دعيت لكم على هذي المعلومات و التأنيب الصادر من الناصح .

أما بالنسبة لتوزيع الأوزان على الطراد خليني أعطيك وش في الطراد من إضافات

أولا الطراد بكون فيه تانكي ستاين ستيل في صدره تقريبا من 350-400 لتر (لحد الآن ما فصلته).
ثانيا تانكي الماء عندي حوالي 100 لتر إما في المخزن الخلفي أو الكرسي الي بعد كبينة القيادة
(لأني شلت المخزنين الي بعد كرسي القياد وحطيت بدالها كرسي وفي نفس الوقت مخزن).
زائد جلسات على حرف يو مقلوب في مقدمة الطراد
مع مكاين 2 *115 ياماها 2 استروك
زائدا الحمولة ( من 1-10) ما أدري وشفيني على العشرة
وزي ما قال أخوي الي فوق أن وزن الأسطوانة تقريبا 15 كيلو

م/عبدالله

28/12/2012, 11:12 AM

حيا الله الوافي العزيز
اشهد ان لا اله الا الله واشهد ان محمد رسول الله
مسالة وقت ... و52 بره ...خاتمة مشوار الحياة و نودع يارب اغفر لنا وارحمنا
واحسن خواتيمنا ... والله ياوافي التذكير يخوف ... وما ندري عن اعمالنا

نرجع لموضوعنا

طيب ... بعد الصلاة ان شاء الله نحسبها مع بعض
ونشوف النتيجة .. لي عودة

م/عبدالله

28/12/2012, 05:39 PM

انا وضعت الرد في موضوع مستقل ... من اجل الجميع يتابع معنا

http://www.mekshat.com/vb/showthread.php?p=9087468#post9087468