المساعد الشخصي الرقمي

مشاهدة النسخة كاملة : عندي استغسار ضروري يالربع


bomahammad
14/12/2012, 02:58 PM
السلام عليكم
شباب عندي استفسار انا امس رحت السوق الشعبي او المزاد اللي في الدمام ولقيت رجال كبير فالعمر شايب يبيع سنارات صيد وشفت عنده سنارات نوع باركودا ودايوا ونوع ايطالي وقالي هذولي اصليين ورواني الكربون والصراحه شكلهم يختلف عن اللي فالسوق ويبين عليهم انهم اصليين وعنده بركودا قديمه يقول انه مستخدمها قبل 20 سنه ومسيومه ب 700 في احد يعرف هالشخص وهل هو ثقه وﻻ يبيع كﻻم
parrotfish
14/12/2012, 04:34 PM
الاخوان يفيدونك ان شاء الله
bomahammad
14/12/2012, 08:28 PM
ماشاء الله 101 مشاهد وﻻ رد افا محد يروح السوق الشعبي
wafi6556
14/12/2012, 08:49 PM
ولله ياصاحبي ماني قادر استوعب... وين حنا...قصبه عمرها عشرين سنه ومسيومه بـ700
الشرهه على اللي يشتريها
أبوحافظ
14/12/2012, 09:56 PM
فيه شركات معروفه لها سمعتها في السوق سواء اوروبيه او امريكيه
وسعرها ارخص بكثير
قصبه ب 700 ريال ومستعمله اعتقد ان عمرها الافتراضي قارب على الانتهاء
bomahammad
14/12/2012, 10:36 PM
اي والله ياشباب انا مستغرب بعد بس راح اروح قريب السوق واصور لكم القصبات وانتو تحكمون عليهم
baracuda
15/12/2012, 01:01 AM
واللهً تبي النصيحة خذ قصبه سعرها معقول وتتحمل وزن
افضل لك من قصبه قديمه سعرها غالي
وغالبا حتى لو اصليه قيمتها العاليه ليست في قوة تحملها بل لانها قديمه
وهي تنفع لهواه جمع مقتنيات وادوات الصيد اكثر ما تفيد الصياد
تحياتي وفي انتظار الصور
ذوالجناح7
15/12/2012, 07:26 AM
السلام عليكم
شباب عندي استفسار انا امس رحت السوق الشعبي او المزاد اللي في الدمام ولقيت رجال كبير فالعمر شايب يبيع سنارات صيد وشفت عنده سنارات نوع باركودا ودايوا ونوع ايطالي وقالي هذولي اصليين ورواني الكربون والصراحه شكلهم يختلف عن اللي فالسوق ويبين عليهم انهم اصليين وعنده بركودا قديمه يقول انه مستخدمها قبل 20 سنه ومسيومه ب 700 في احد يعرف هالشخص وهل هو ثقه وﻻ يبيع كﻻم


هلا خوي آنــــا كنت في السوق أمس الساعه 3 العصر


في ثنين داخل وسط السوق مقابلين بعض

آناااا عااارف أن أسعارهم غاااليه بس أحب أمر عليهم إذا جيت السوق


أشوف شنو عندهم حتى أمس شفت عصا مكتوب عليها USA


أقوله آنا أول مره اشوف هذي العصا كم سعرهااا قال أعتقد بحدود 150


لاكن هي صيني والأستكر بااااين انه أي كلام


أما الثاني خذ أسعاااار تقول يبيع ذهب أسعاره أكثر من المحلات :f


وآنـــا شايفه ياخذ من محلات أعرفهااااا :eek:


والجواب بين السطور


إذا بغيت شوف عروض الأخوان في المنتدى إذا كانت مناسبه


أو عندك محل الربان في الدمـــام عند ثلاجة الشربتلي في هندي أسمه ( إبراهيم )


تفاوض معاه على السعر او عندك في سيهات كم محل أو عندك الخبر عند سوق السمك


في محلات كثير لاكن آنا عن نفسي أفضل ( مركز عرفة + مركز الشارك ) قبال بعض


تقريباً وهم تبع بعض أعتقد أسعارهم مناسبه والله العالم


إن شاء الله قدرت أفيدك وإذا بغيت أي أستفسار راسلني على الخاااص


بالتوفيق إن شاء الله :good2:


تحياتي أخوك / بوحبيب
bomahammad
15/12/2012, 10:24 AM
مشكورين يالربع على الردود الطيبه وتسلم ياخوي بوحبيب افدتني واجد والله