ددسن بخاخ ومشكلة ليات الماء ,,

[عآشق الذيب]

السلام عليكم ورحمة الله وبركاته

اخواني

عندي مشكله بصراحه زهقت منها

من قبل فتره كل شوي طالع لي تهريب باحد ليات السيارة الماء
حتى اليوم طلع لي تهريب بعد

هذا خامس لي يخرب معي وش المشكله يـ اخوان

علما بان الليات مختلفه اللي تخرب يعني مو نفس اللي انا اغير ويخرب

انا بصراحه طرا على بالي قلت يمكن المشكله من بلف الحراره وان فيه شي

علما بان الحراره ثابته على الخط الثاني يعني الربع ماترتفع ولا تنزل

فـ اللي مرت عليه المشكله يفيدنا

الددسن بخاخ 2001

هل هو من بلف الحراره ام ان الليات لها وقت وتخرب ؟ اذا كان من البلف بشيله

[SGL]

السلام عليكم اول شي هذي الحركه ماتجي الا اذا موترك تعرض للحراره قبل كذا الشي الثاني شكلك تحطله ماي عادي وماهو شرط الليات تكون خربانه احيان يكون نفس الكوع متواكل او القفيز خربان واحيان يكون اللي خربان مثل ماتقول وغير الليات ياخي هي كلهاعلى بعض ماتجي5 او6ليات والبلف خله لاتفكه وذا كان البلف حق بلدها خاف ربك ركب واحد جديد اصلي[/U]

[كاشت بالبر]

يمكن الليات اللي ركبتها تجاريه وما تتحمل

ركب ليات أصليه من الوكاله


واذا كنت تغسل المكينه بديزل أو الخ ...
نصيحه لا تغسلها فقط نفخ بالهواء المضغوط عند البناشر وصلى الله وبارك

لأن الديزل ينشف ويشقق الليات والجلد والربلات والصوف والسيور

و رش الماء على المكينه الحاره يعدمها

[عآشق الذيب]

السلام عليكم اول شي هذي الحركه ماتجي الا اذا موترك تعرض للحراره قبل كذا الشي الثاني شكلك تحطله ماي عادي وماهو شرط الليات تكون خربانه احيان يكون نفس الكوع متواكل او القفيز خربان واحيان يكون اللي خربان مثل ماتقول وغير الليات ياخي هي كلهاعلى بعض ماتجي5 او6ليات والبلف خله لاتفكه وذا كان البلف حق بلدها خاف ربك ركب واحد جديد اصلي[/U]


وعليكم السلام
ايوالله صدق كلامك الموتر جاه حراره
اما البلف له سنتين مشتريه وكاله
لكن المويا اللي فيها ماء عادي ماهو ماء اخضر
هل ممكن يكون سبب اخر ؟
ويعطيك الف عافيه

[عآشق الذيب]

يمكن الليات اللي ركبتها تجاريه وما تتحمل


ركب ليات أصليه من الوكاله



واذا كنت تغسل المكينه بديزل أو الخ ...
نصيحه لا تغسلها فقط نفخ بالهواء المضغوط عند البناشر وصلى الله وبارك


لأن الديزل ينشف ويشقق الليات والجلد والربلات والصوف والسيور


و رش الماء على المكينه الحاره يعدمها






كل الليات اللي انا ركبت اصلي بس اللي يخربن الثانيات

ويعطيك الف عافيه ع النصيحه بيض الله وجهك

[SGL]

المويه خذ مويت تيوتاء الجالون45ريال والباقي ماء مقطر ولا يوجد سبب اخر كل الاسباب ذكرناها

[عآشق الذيب]

المويه خذ مويت تيوتاء الجالون45ريال والباقي ماء مقطر ولا يوجد سبب اخر كل الاسباب ذكرناها


يعطيك الف عافيه ماقصرت

[ls1.5700]

المشكله ماهي من الماء سوا كان عادي او غيره
المشكله موترك بالعربي يحشر هوى
شك على اللي الراجع للقربه شوف هو مسكر او لا
انفخه بفمك وشوف
اذا كان مضبوط
شيك على الراس عند مهندس ممتاز قد يكون فيه شعر او تنسيم لاسمح الله
وان طلع زين مافيه مشكله
فك الاديتر وصيخه
وتنتهي المشكله بأذن الله

[sgl2002]

طبيعي اذا ماكنت مغير الليات من قبل

لانه تصير قديمة ومع مرور الماء الحار تنشق

وهذي صارت لي بالباترول وقت الصيف

وغيرت جميع الليات اصلية وماعاد رجعت

اذا انشق عندك نفس اللي مره اخرى هنا تصير مشكلة

[عآشق الذيب]

يعطيكم الف عافيه ماقصرتو