المساعد الشخصي الرقمي

مشاهدة النسخة كاملة : صوت طقطقة المكينة


JJJJJ
14/12/2012, 07:05 PM
:(
مساء الخير

يااخوان طلع عندي صوت بالمكينة طقطقطقطقطقطقطق
ورحت الورش وكل واحد يقولي شي اللي يقول تكايات واللي يقول سبايك واللي يقول عمود
واللي يقول المكينة مبوشة واللي يقول غير المكينة وانا صراحة مادري وش اسوي؟!!
توي جاي من الصناعية ولا رسيت على شي

فيه ملاحظة : واحد من اسلاك البواجي فصلته تروح الطقطقة لكن مع الدعس فيه الصوت
ومجرد ماشبكه يجي الصوت مر ةثانية

ولقيت مقطع في اليوتيوب نفس الصوت بالضبط :
http://www.youtube.com/watch?feature=player_embedded&v=1FVa92bPS6c#!
ابونواف سعد
14/12/2012, 08:04 PM
ماذكرت وش نوع السياره
واتوقع انه صوت جنزير او السير مابين التيمن والكرنك وإن شاء الله يفيدونك الشباب والله ييسر امرك
ramy asiry
14/12/2012, 08:43 PM
السيارة كم ماشية....وصوت تك تك لها أكثر من سبب ...ممكن يكون من المكرات وممكن تكون من السيور
مجرد شاطف
15/12/2012, 11:13 AM
اذا كان نفس الصوت وتسمعه حتى لو سكرت الكبوت وعالي هذا الجنزير وصارت معي اخرتها انطلق الجنزير ووضبت المكينه كامله يعني لاتمشي عليها ..
اما اذا كان خفيف وانت مسكر الكبوت ماتسمع لها صوت هذا من التكايات او السبايك مثل ماقالوا ،، وغالباً يكون سببها عدم تغيير الزيوت بوقتها .
Sultan24
15/12/2012, 07:54 PM
تكايات وبداية توضيب
بدوي جنوبي
15/12/2012, 09:59 PM
ويش نوع وموديل وفئة سيارتك ؟
ls1.5700
15/12/2012, 10:21 PM
اخوي صاحب الموضوع انت بنفسك شخص المشكله بستخدام
قطعة خشب تكون طول المتر او اكثر ماعنك مشكله
يتم وضعها على المكان المراد فحصه مثل توضع طرفه على راس المحرك وراسه الاخر باذنك
وتحسس واصنت للصوت
مثال عندك طقطقه بالمكينه ولا تدري من وين
ابدا من راس المحرك حتى تاصل تحتي المحرك من تحت
وكل ماتزود الطقطقه بالمكان اللي وصلت له
تاكد ان المشكله منه
جرب وعطنا خبر
ولك اجمل تحيه 00 وبالتوفيق بأذن الله
ملك الفكتوريا
15/12/2012, 10:38 PM
حسب الصوت الغالب انه جنزير
kald66
16/12/2012, 09:10 AM
بعد اذن صاحب الموضوع انا عندي نفس المشكلة


بدوي جنوبي (http://www.mekshat.com/vb/member.php?u=32037) http://www.mekshat.com/vb/images/statusicon/user_offline.gif
مشرف قسم السيارات



ويش نوع وموديل وفئة سيارتك ؟

جمس ونيت قطع عشرة بدون دبل الموديل 2006 السيارة ماشية 140الف كيلو
رحت لكذا ورشة الى قال غير الطرنية مع العلم ان الظغط عندي فوق الربع بشخط او شخطين ويزود مع الدعس والى يقول غير تكايات والله والله محتار وياليت اذا فية ورشه في الرياض لها مصداقية تدلونى عليها ولكم جزيل الشكر والامتنان
saad222
06/02/2015, 02:11 PM
مساء الخير
اذا ضغط الطرمبه ممتاز يرجع الفني فك غطا البلوف ويشوف وضعها علي طول بيحدد العطل
saad222
06/02/2015, 02:21 PM
اكسبدشن موديل 2009 صوت طقطقه بالمكينه غير صاحب السياره طرمبة الزيت وتكلف 1300 ريال قطع
المهم جاب السياره عندي فكيت غطا البلوف جهت الصوت علي طول حصلت المشكله تكاية البلف الاخير