نبغى خبير يفيدنا بحساس دبل يوكن

[عمر1431]

عندي يوكن 2005 غيرت حساس الدبل اربع مرات وغيرت الصوفه ونظفته وعند تشغيل الدبل من اول يوم يخرب
تكفون الفزعة وش الحل او دلون علي احد عنده خبره وشكرا للجميع

[المساعيد 1]

ورشة الشيبان ببريدة سلهم وسعرهم حار

[baaasss]

وش الحل اللي عند ورشة الشيبان او ياليت تزودنا برقمهم.. والسعر ماهو مشلكة لان الدبل اتعبانا بالحيل ولا لقيته له حل غير تغيير الحساس وبعد كم شهر يخرب وهكذا دواليك!

[عمر1431]

رحت لشيبان والقرعاوي والوكالة وكل واحد يركب حساس جديد وبعد يومين يخرب

[saad.saud]

السلام عليكم
أخوي عمر1431 ... صارت لي مشكلة حول مشكلتك وغيرت الحساس فوق ثمان مرات لمدة اربع سنوات . لكن عندي لك شوي علوم عنها :
1 . هل تطلع لك رسالة (يجب اصلاح الدفع 4 عجلات ) ومعناها المشكلة من الحساس , وكثر خرابه يعني فيه شيء يخربه وهو زيت الدبل . فلابد تغير الصوفة اللي بين الدبل والحساس (ترى الدبل فيه أكثر من صوفة ) وعلشان تغير الصوفة المطلوبة لا بد من فك وتنزيل الدبل.
2 . احتمال سويتش التغيير(يسار الدركسون ) يكون خربان .
3 . دينمو التعشيق (فوق حساس الدبل) ممكن يكون خربان .
4 . احتمال ضعيف يكون الخراب من كمبيوتر الدبل .
فيه ورشة غيرت عندهم الصوفة (ورشة جيركو) في الصناعية القديمة بالرياض . فك وتنزيل الدبل وتركيب الصوفتين مع الحساس 700 ريال وقطع تقريبا 700 ريال .
الله يسر أمرك

[ls1.5700]

طيب اخوي افحصه كمبيوتر ويعطيك العلم
انا شاك ان موترك فيه اللتماس قد يكون سلك منجرح يلمس الحديد
او الحساس يجيه زيت
حاول تحطه على حفره زيت وتشيك عليه