بس العشم تاتي علينا مجاميع ....................... حله ( وحيد الدرب ) .. الحل ( ريح )

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغيز خفافي

لغز على اللي يرمع اللغز سقناه=مني وصوفه وانت منك المراميع
ويش التي لانا ولا انته تمناه=بنتٍ ولا ظنيت عن رمعها اتضيع
لو بالتمني مفرده مابغيناه=بس العشم تاتي علينا مجاميع


مع تحيات ابو ماجد

منتديات مكشات - خيمة الالغاز

[وحيد الدرب]

صح لسانك
رمعة
اللهم اجعلها رياحا ولا تجعلها ريحا

[صقر السديرات]

صح لسانك ابو ماجد
ويا الله حيه وابقه
رمت وحيد الدرب قوية
دمت مبدعا

[ابو اسامه 2]

وعليكم السلام ورحمة الله وبركاته

صح لسانك يا الغالي ملايين

وش رايك في

نزله
نُزل

تحياتي لك

[ناصر العلي]

وعليكم السلام ورحمة الله وبركاته
سلمت يالغالي
وصح لسانك
ومؤيد لرمعة أخونا وحيد الدرب
الرِّيحُ : الهواء إذا تحرك .
( مؤَنث ) . والجمع : رياح ، وأرواح ، وأرياح .
اللهمَّ اجعلها رياحًا(جمع)، ولا تجعلها ريحًا(مفرد)

[الخامسي1]

عليكم السلام ورحمة الله وبركاته

وصح السانك

واسمح لي بذا البيتين مجارات تقرقع في الحنجرة




اللغز ماهو صعب لو عسر معناه=الصعب والله من غدت له مشاريع
اللي على نظم القصائد عهدناه=يسبك ذهب ماهو بخبز ومراصيع
الشاعر اللي طاب من فعل يمناه=وان قال كلمه سامعه ذب له ريع
مدرار دار الدر مثبت حسبناه=الاف جابه وفوقها غير ماذيع
مريت اسلم والله اعطاه وأغناها=عني وعن مدحي كفو له مساريع
يستأهل الناموس من طيب مجناه=شاعر فحل وافكار راسه مطاويع

[ابو ماجد 2]

صح لسانك
رمعة
اللهم اجعلها رياحا ولا تجعلها ريحا

صح بدنك اخوي وحيد
وصح لسانك ملايين
كفو كفو كفو كفو كفو
رمعه بالصميم
نعم الريح
لله درك يالغالي

[ابو ماجد 2]

صح لسانك ابو ماجد
ويا الله حيه وابقه
رمت وحيد الدرب قوية
دمت مبدعا

صح بدنك
هلا بالغالي
تأييد موفق
بيض الله وجيهكم جميعا

[ابو ماجد 2]

وعليكم السلام ورحمة الله وبركاته

صح لسانك يا الغالي ملايين

وش رايك في

نزله
نُزل

تحياتي لك


هلا بك يابو اسامه
صح بدنك والحل عند وحيد الدرب

[ابو ماجد 2]

وعليكم السلام ورحمة الله وبركاته
سلمت يالغالي
وصح لسانك
ومؤيد لرمعة أخونا وحيد الدرب
الرِّيحُ : الهواء إذا تحرك .
( مؤَنث ) . والجمع : رياح ، وأرواح ، وأرياح .
اللهمَّ اجعلها رياحًا(جمع)، ولا تجعلها ريحًا(مفرد)


هلا بك يادكتور
صح بدنك وسلمت من الشر
تأييد موفق
بارك الله فيكم جميعا
وما قصرت بالشرح
ملاحظه قراتها
حول حديث اللهم اجعلها رياحا ولا تجعلها ريحا
- كان إذا هاجت ريح استقبلها بوجهه ، وجثا على ركبتيه ، ومد يديه وقال : اللهم إني أسألك من خير هذه الريح ، وخير ما أرسلت به ، وأعوذ بك من شرها وشر ما أرسلت به ، اللهم اجعلها رحمة ، ولا تجعلها عذابا ، اللهم اجعلها رياحا ، ولا تجعلها ريحا
الراوي: عبدالله بن عباس - خلاصة الدرجة: ضعيف جداً - المحدث: الألباني - المصدر: ضعيف الجامع - الصفحة أو الرقم: 4461

[ابوماريا]

سلمت يابو ماجد على اللغز
وبيض الله وجهك

وكفوووو يا وحيد الدرب

[ابو ماجد 2]

عليكم السلام ورحمة الله وبركاته

وصح السانك

واسمح لي بذا البيتين مجارات تقرقع في الحنجرة



اللغز ماهو صعب لو عسر معناه=الصعب والله من غدت له مشاريع
اللي على نظم القصائد عهدناه=يسبك ذهب ماهو بخبز ومراصيع
الشاعر اللي طاب من فعل يمناه=وان قال كلمه سامعه ذب له ريع
مدرار دار الدر مثبت حسبناه=الاف جابه وفوقها غير ماذيع
مريت اسلم والله اعطاه وأغناها=عني وعن مدحي كفو له مساريع
يستأهل الناموس من طيب مجناه=شاعر فحل وافكار راسه مطاويع


هلا بالغالي
هلا بك ملايين يابو نايف
هلا بمكحل الخيمه
عدت كما عهدناك الله يزيدك من فضله
كنت اخشى انك عقب البطى تذبل اللياقة
لكنك جزل ودائما جزل
الله لايخلينا من تواصلك الراقي

[ابو ماجد 2]

سلمت يابو ماجد على اللغز
وبيض الله وجهك

وكفوووو يا وحيد الدرب


هلا بالمثالي
سلمت من الشر
شرفنا تواجدك يالغالي