المساعد الشخصي الرقمي

مشاهدة النسخة كاملة : دلوني على ورشة الباترول بالقصيم


سلمانـ
14/12/2012, 09:21 PM
السلام عليكم الله يسعدكم ابي ورشه للفتك غير ورشة الخضير لان الموتر عندي يقطع وفيه كتمه قويه والكتمه كل مالها تزود والتقطيع بعد ويوم الاربعاء كنت رايح للرياض وبالطريق ولعت لمبة التشييك ولاول مره تولع ومن بكرا طفت واليوم وانا رجع من الرياض ولعت ثاني ياليت احد يدلني ع الورشه المناسبه ويوصف لي مكانه ولو بشكل بسيط واللي يبي يعرف الموتر هو فتك 2005 سفاري لو احد يعرف المشكله وجزاكم الله الجنه
برايدوي عنيد
14/12/2012, 09:36 PM
هلابك اخوي

لمبه التشييك غالبا يصير السبب حساس الهواء لو تفكه ووتنظفه وجرب بعد لو تفصل البطاريه لك ربع ساعه

عندك ورشه ابوسليمان الهبيش بعد الخضير وكذلك ابوعبدالله الصمعاني بالتشليح

تحياتي
سلمانـ
14/12/2012, 09:40 PM
يامال العافيه يابريداوي بس وين الحساس وشلون افكه ووين مكانه
ابوسند9
14/12/2012, 09:55 PM
اخوي سلمان
عند ورشة ابو خالد الخضير والهبيش كلهم جنب بعض بريده حي خضيراء
فلتر الهواء متى غيرته؟ واذا تبغى تتاكد انه من الفلتر فك الفلتر برا وشغل وجرب وشوف اللمبه تطفى ام لا
الشي الاخر خرطوش الهواء الكبير الخارج من فلتر الهواء ورايح للمكينه فكه وشيك عليه زين ربما فيه شق بسيط وانا اشك ان المشكله منه ودائم يسبب بلاوي والسبب ان البنشري عند تنظيف الفلتر يرفع الخرطوش على فوق بقوه ومن ثم ينشق
واذا ما ضبط فك حساس الهواء وموقعه شوفه راكب في خرطوش فلتر الهواء وشيك على الفيش ربما منفصل احد اسلاكه او متوسع الفيش وبنفس الوقت نظفه بالهواء
سلمانـ
15/12/2012, 01:42 PM
راح اجرب اسوي اللي قلت لي عليه يارب يفيد
العطاوي a511
15/12/2012, 03:02 PM
مايحتاج ورشه فتك ولا غيره مادام لمبه التشيك تولع معك اقرب كمبيوتر يطلع لك المشكله
سلمانـ
15/12/2012, 10:01 PM
للفايده اللمبه طلعت من حساس القزوز وهذا بعد فحص الكمبيوتر واما التقطيع والكتمه راح اروح للخضير بكرا ويارب تنحل مشكلته لانه قال يمكن الديلكو وبالنسبه للهبيش فأنا كنت احسبه هو الخضير لاني مادري وش السالفه كل الورش مكتوب عليها الخضير لاكن الحين عرفته الخضير في امان الله
سلمانـ
17/12/2012, 01:12 PM
اليوم الصباح كنت عند ابو خالد الخضير يقول اللي يسبب التقطيع والكتمه هو الكويلات بس ياترى كيف اقدر اتفاهم مع الكويلات يعني سعرهن غالي والرجال يقول لازم يتم تجربتهن مع سياره ثانيه ولاكن مافي طريقه معينه افحصهن فيها بدون مااغيرهن
الحنومي
17/12/2012, 02:03 PM
مالك الا ورشة يوسف الخضير
يأاخوان والله خبير بالفتك
بريدة التشاليح بعد تشليح الزمام وبعد الرقيبة وبعد الجمعة يجيك على اليمين
الي البرمجة هو يبرمج
وشكراا