ماهي مميزات وعيوب القلص...

[راعي ساموده]

السلام عليكم ورحمة الله وبركاته ..
أخواني الاعزاء
أريد ان أشتري قلص وذلك لضيق مساحة السياره لدي ولكن ترددت كثيرا لأن بعض الأخوه افادوني ان ( غثا ) القلص وجرجرته بالبران اكثر من فوائده ؟؟
فياليت من الأخوه المجربين المشاركه

[ارتست]

والله القلص راحه لاتزمل من العفش وتاخذ اللي تبي وزود
لاكن شوري عليك بالأنواع الجيدة................... للسلامة

بالنسبة لإستخدامي اشوفة تمام اجي وأنزل العفش واوقفة جنب الخيمة وأحط فية المراقد في النهار ويصير زي المستودع
ولايصير عندي زحمت عفش بالخيمة

لاكن للعلم القنص اللي عندي مصفح من فوق
http://www.mekshat.com/pix/upload/images19/mk19340_dsc05646.jpg

إن شاء الله أكون أفدتك ولو بالقليل

تحياتي

[ابو فهد 1]

هلا والله .......

والله انه زين مره الي تبي تحطه مهنا زحمه وابداا


بس بشرط خذ شي زين مره وحديد قوي واحسن لك يصير فيه دفرنس وسست لا تقرب الي ماصوره وسسته وحده تراه يبي


يبهذلك والنواع الشقى انت وياه ويبي ينكبك .....

[غالي]

عيب القلص
مثل ماقالوا الاخوان
لكن ابضيف عليهم شيء برا تصميم القلص
الا وهو بالريوس ومشكلة المواقف عند المحلات
الريوس طال عمرك ان كسرت الطاره يسار اهو يجي يمين
وان كسرت الطاره يمين يجي يسار ( بالريوس طبعا)
والمواقف للاسف وللاسف جدا جدا
الي ملاحظ هالحين شوارعنا بدوا يخلون الارصفه للمشاة اكبر من الشارع
اقولها من كل قلبي للاسف ......... لانهم مايدرون ان كل هالي سووه بيجي يوم يكتشفون عيوبه وخطره وحوادث السيارات اكثر من صالح المشيء
مافكروا ان السيارات قاتله باي حادث يصير
والي مهوب ماشيء على الاقل سليم
هم بدوا الشيء الهين ولا اهتموا بارواح العالم وحل الزحمه
هلحين بيزيدون الازدحام
ماادري منهو الي يجيب هالافكار صراحتن
هالحين الديره زحمه بدال مايوسعون الشوارع راحوا يضوقونها !!!!!!!!!!!
لحد يلومني لكن من حر مافي قلبي كن مالهم عيون يشوفون الله يصلح العطا بس
فا اقولك اخوي ان كنت جوا الرياض خصوصا وبتروح فيه جوه المدينه هم والارصفه الي توهم مسوينها عز الله بتعاني وبيطلع بنص الشارع مهوب مكفي
والسلام

[راعي ساموده]

السلام عليكم ورحمة الله ..
اخوي العزيز الفنان ..
والله ان قلصك ممتاز ماشا الله بس مايزعجك بالمطاب والحكحكه بالصمان ؟ وياليت سعره ومن وين شريته وهل فيه تانكي مويه ( غثيث بالاسئله) ههههه

الاخ العزيز ابو فهد 1
وش تقصد بماصوره وسسته وانه يبهذلك ؟؟

الاخ العزيز الغالي غالي

كنت ماشي زين لمين جا طاري المطبات وخربت هههههههههههههههههه والله يانت دخلت عرض

[الربذي]

هلا بخونا ساموده انا ماتمنى ان تكون فلوسي كثيره لين ادخل محل فخم للرحلات ابي اشتريه كله ليش مادري
اخوي انا عندي قلص بس هناك مشاكل في الريوس ومادراكم الريوس مره وقفت قدام محطه ابي اشتري فحم لان كل اغراضنا معنا طبعا فيه ماء وخيمه وراق وحطب ودباب واسطوانه الخيمه صغيره وزنها فقط 15 كم انواع الحوسه وكانت مزحومه ومعي زوجتي واطفالي المهم شريت غرضي وابي امشي الا لازم اريوس عاد انواع الاحراج ياخوك عاد انا ماحب المواقف المحرجه وفيه ناس خربانه سيارتهم ويطالعون فيني قبل اقف انواع القز !!!ولا احب اني اطلب مساعده من احد وخصوصا ان عائلتي معي طبعن اذا ريوست حذف يمين او يسار لو اريوس مترين عقب السياره وانكسر نزلت وليدي قلت تعنتل به !!!! يعني لايلف طبعا ماهو قاويه بس يساعده مافاد بعد جهد جهيد قدرت اريوس مترين مدري 3 متر وبعد بهذله واحراج وضيع وقتنا علينا
بس ولا غير حلو وانت خذلك مستعمل وجربه ان جازلك ولا بعه ولاتكون خسارتك كبيره وعندي واحد تبيه مايغلى عليك بدات انواع المجاملات
طبعا الي عندي خاص لدباب ومشتريه من القصيم ب1400 فقط وجاني بكراتين وركبته عندي بالبيت وشحنه 100 طبعا فصلت له توانك ماء تاخذ 75 لتر
بس ماهو راعي سفر بران قريبه ولا راع المحل يقول يجون بمثله يسحبونه من المغرب حوالى 5000 كم !!!!والعهدع الراوي

[العوشز]

يا أخي إذا أنت تبي القلص للعفش فقط يعني ما معك دبابات مثلا
فنصيحتي ركب شبك وريح بالك
لا مشاكل ريوس ولا غيره
المشكلة فيه ربطه وفكه و بإمكانك التقليل من هذه المشكلة من خلال وضع العفش داخل كيس مخصص لذلك

تحياتي للجميع

[راعي ساموده]

السلام عليكم ورحمة الله ...
أخوي العزيز الربذي هلا والله وغلا
وتسلم والله على هالعرض المغري ...والله اني ضحكت يوم تخيلتك متورط بالقلص وسط المحطه شكلك تقول وش ورطنا بهالقلص ؟؟
بس انا قد شفت قلص مع اخونا مراكي الذيب قلص عليه الكلام فيه كهربا وماطور هوا وخيمه صغيره وتانكي مويه وونش الظاهر لا ومطربل يعني الغبار مايملى عفشك ..

اخوي العوشز ..
أنا عندي الشبك الخلفي اللي تقول عليه لكن مشكلته يطيح السياره ويرفع وجهه

[إبن فيصل]

أنا عندي لك قلص جديد مفصل كفرات كابرس ب1500ريال إذا بغيت راسلني على الخاص.
طبعاً أنا شريت واحد ب1500 وفصلت له شنط وتانكي ماء حوالي 90لتر طبعاً هو شراع وحلو جربته من الرياض رحت فيه حوالي 400كم وصيدت فيه ضبان وطامرت فيه ومن أحسن ما يكون والممشى أمشي فيه حوالي 120 أو 110كم بالساعة.
مع تحياتي...إبن فيصل،،،

[ارتست]

بالنسبة للقنص متوارثة من اجيال لاجيال يجيلة 10 سنوات لذلك ماعندي خبر بقيمته بالضبط
لاكن بالنسبة للعيوب اللي ذكروها الشباب صحيحه بداية في الريوس والفك والتركيب
.................. لكن خدمتة حلو للي مثلاً رايح لروضة نورة او التنهات او المناطق اللي يكثر فيها الطرق المعبدة
وبيني وبينك انا فكيت الكفرات وحطيتها في داخله ومع الايام إكتشفت ان فيه ناس ماتخاف ربها سارقين الكفرات
ومن يومها وأنا حاط سلة فوق الموتر ومريحتني

[العوشز]

أخي سامودة أنا ما أقصد الشبك الخلفي أنا أقصد اللي فوق التندة ( صح أنت ما سألت إلا عن القلص بس أنا ودي أفيدك وأذكرك بشبك التندة )

[جربوع داعس]

اخواني الاعضاء ماقصروا كل شي ماشاءالله وخبروك فيه
ان القلص مفيد جدا ويريحك تاخذ كل شي فيه بس عيبه اذا جيت ترجع بالريوس يبهذلك بس الحين تعودت عليه بالزفلت بس مشكلته بالرمال يغرز فيك بس انت ادعس على الموتر شوي ومايغرز بصراحه انا معي قلص دبابات سيست طبعا وكفراته كبار ياخذ وكنت دايما اغرز فيه مع انه خفيف جدا وبالاونه الاخيره بديت انسم كفرات القلص وماشاءالله بدا يمشي معاي مثل الحلاوه ونصيحتي لك اذا كنت بتشتري قلص سواء للدبابات او للتحميل انصحك بان يكون اللي يربط بين الكفرين عمود مع سيست اثنتين بحيث مع المطبات مايتفكك خاصه قلص التحميل وضروري يركب فيه كفر امامي
هندل بحيث ترفعه وتنزله متى مابغيت بحيث اذا غرزت يمديك تحركه انت واخوياك من مكانه وتخف سيارتك وتطلع ان شاءالله من التغريزه وترجع له مره ثانيه بوضع يمكنك من سحبه لانه كثير من ربعي توهقو فيه ماركبو كفر امامي هندل
واكاوها قامو يفضون العفش الى ماخف القلص وسحبوه...........واسعاره تبدا من 1800 ريال من الصناعيه الى 8000 ريال للقلص الفرنسي ومع اخوي قلص فرنسي شاريه 7000ريال من قبل 5سنوات وماشي معاه وبعد 3 سنوات اكله شجره تحبها قلبك:D ومال العمود وراح للصناعيه وركب فيه سيست لانه يجي بدون سيست بس ميزته ياخذ حموله كبيره ..........
وان شاءالله اكون افدتك اخوي ابو اسامه

[الرهدن]

السلام عليكم /
اللي يبي قلص لايأخذ جاهز00 فهو غير مصمم لنا00
وكلام جربوع داعس كلام عليه العلم ومجرب



.

[ابو درع]

العيب الوحيد في القلوص المصنعه هنا .. ما فيها واير فرامل .

يعني يدف الموتر خاصه القلص الثقيل عند الفرامل ..

وعزلله الي اخترع السله المعلقه انه مبدع وسلملي عليه فكره جداً رائعه

ومن مميزات القلص ارمي فيهاي شي ولا تبالي ماء ..قدر فيه سناء .. حطب . فحم

يريح ولا تشيل هم الموتر بالتنظيف ... هذا ما عندي

[راعي ساموده]

السلام عليكم ورحمة الله وبركاته
أخواني الكرام اشكر لكم تفاعلكم وجزاكم الله خير لأن الفائده عامه لنا جميعا ماهو بس للي يسأل .. وأنا احب اضيف نقطه مهمه
الان ارى بعض الأخوان جزاهم الله خير تلقاهم جارين قلص وزنه مع حمولته يتعدى الستمية كيلو وتلقاه ماسك الخط ويمشي ميه واربعين وحولها ؟؟
طيب فكر معي شوي بس سيارتك لحالها لو صار لك شي طارىء أو طلع عليك بعير كم المسافه اللي تبي عشان توقفها ؟؟؟
أكيد مسافه كبيره....طيب وشلون وانت بعد قالص حمولة نص طن ؟السياره راح يختل توازنها ولايمكن مهما كانت حرفنك بالقياده انك تسيطر عليها لذلك السرعه القصوى وانت معك قلص ومحمل يجب ألا تتعدى المئة كيلو بالساعه عشان تكون واثق من تحكمك بالسياره بأذن الله تعالى ( فكر .. توصل متأخر ولا لاقدر الله يصير لك ماتكره ؟؟)

[RUMAIHA]

الى جميع الاعضاء
السلام عليكم
اول صراحه انا عند قلص وهي افضل من الااسواق وان عملي يتحمل اطول المدة يسمى قلص ابو جمل وتقنيه المانيا واعتبر ا وفيها الاشكال والموديلات وفي نوعين حسب اخيارك
النوع الاول : الألمنيوم
والنوع الثاني: حديد

أما عيوب لجميع القلص
1-عدم مرعاة تحيمل والوزن اكثر من لازم
2- عدم تنظيف المحور وجود داخل التربه قديودي حكحكة
3- يجب تشحيم خفيف داخل المحور لان يسهل دوران

أما ابوفهد
يقول احسن فيه دفرنس وسست

انا اقول النصيحه فهو اردة بسبب
1- ثيقيل الوزن
2- يصرف البنزين عند دفع السيارة

ياخوان في الله
النصيحه:
عندما تذهب الى كشتات اة السفر لاتنسى دعاء الورث والمعوذات
اوشكركم واسحمولي على المداخلة الموضوع
والسلام عليكم
اخوكم
ابو عبدالله

[قناص بغداد1]

خذ القلص من مصنع الربيعان الانع هو الاصلى باذن الله وبه موصفات عده
والله الموفق

[راعي ساموده]

السلام عليكم ورحمة الله ...

أخوي قناص بغداد
وين مصنع الربيعان وكم تلفونهم وياليت معلومات اكثر

[RUMAIHA]

الى جميع الاعضاء
السلام عليكم
اول صراحه انا عند قلص وهي افضل من الااسواق وان عملي يتحمل اطول المدة يسمى قلص ابو جمل وتقنيه المانيا واعتبر ا وفيها الاشكال والموديلات وفي نوعين حسب اخيارك
النوع الاول : الألمنيوم
والنوع الثاني: حديد

أما عيوب لجميع القلص
1-عدم مرعاة تحيمل والوزن اكثر من لازم
2- عدم تنظيف المحور وجود داخل التربه قديودي حكحكة
3- يجب تشحيم خفيف داخل المحور لان يسهل دوران

أما ابوفهد
يقول ان احسن قلص فيه دفرنس وسست

انا اقول النصيحه فهو اردة قلص بسبب
1- ثيقيل الوزن
2- يصرف البنزين عند دفع السيارة
3-لو قدرالله بنشر كفر يحدث انقلاب

اما قلص فرنسي يتفكك ويخرب بسرعه واحياناً يلعلب معك في طريق

ياخوان في الله
النصيحه:
عندما تذهب الى كشتات اة السفر لاتنسى دعاء الورث والمعوذات
اوشكركم واسحمولي على المداخلة الموضوع
والسلام عليكم
اخوكم
ابو عبدالله

[RUMAIHA]

الى جميع الاعضاء
السلام عليكم
اول صراحه انا عند قلص وهي افضل من الااسواق وان عملي يتحمل اطول المدة يسمى قلص ابو جمل وتقنيه المانيا وفيها الاشكال والموديلات وفي نوعين حسب اخيارك
النوع الاول : الألمنيوم
والنوع الثاني: حديد

أما عيوب لجميع القلص
1-عدم مرعاة تحيمل والوزن اكثر من لازم
2- عدم تنظيف المحور وجود داخل التربه قديودي حكحكة
3- يجب تشحيم خفيف داخل المحور لان يسهل دوران

أما ابوفهد
يقول احسن فيه دفرنس وسست

انا اقول النصيحه فهو اردة بسبب
1- ثقيل الوزن
2- يصرف البنزين عند دفع السيارة

ياخوان في الله
النصيحه:
عندما تذهب الى كشتات او السفر لاتنسى دعاء الورث والمعوذات
اوشكركم واسحمولي على المداخلة الموضوع
والسلام عليكم
اخوكم
ابو عبدالله

[مسماري]

ممكن مداخله ايش رايكم في هذا القلص وممكن تبدع فيه على كيفك حسب رغبتك عند المهندس وكله بحسابه وهذا يكلف 1500 ريال

http://www.mekshat.com/pix/upload/images19/mk28043_1133.jpg

[راعي ساموده]

السلام عليكم ورحمة الله ...
أخوي الرميح
تسلم على المعلومات والنصائح

اخوي الأصغر أصغر
مداخله حلوه وسعرها معقول

[مايغرز]

اخذ ياخوي خبرة فوق الشرين سنه بالقلوص00 القلص خطر خطر خطر وكل شي متحرك يجر متحرك فهو غير ثابت وغير مأمون وتسوق ايدك على قلبك ويمكن اتأذي المسلمين اذا فلت مالك غير وانيت الجمس وريح بالك

[يا قلب لا تحز]

لا بد من التنازل عن الدفرنس او توضيبه كل فتره لان القلص اكبر مسببات تعطل وخراب الدفرنس

[googl11]

بكيراوي (جدة ) اعني راعي بحر ود البوت ( القارب ) جب البوت ود هالدباب جب ذاك انقلب ذاك وش السالفه اخواني اهم شي في اي قلص يكون الرابط ( رمانة ) مهب قفيز او خابور ( او شنكار ) والرمانه هي القطعة اللي تجي بالصدام الخلفي تقل خابور فوقه رمانه او كوره ((( جرب وانت الحكم )))))

[كانو1]

يمكن أنزله موضوع بس ناقصتني أصور القلص اللي عندي
رحت للتشليح وشريت صندوق دباب سوزوكي مع الدفرنس وسعره مع القص 350 ريال
ووديته للورشه وصلحتله وصلة شاص ب 150 ريال وسمكرته ب 100 ريال سمكرة هنود
وغيرت اللمبات الخلفية خليتها حقت دينة ب 50 ريال
شريت ثلاثة جنوط مع الكفرات من التشليح حقت كورولا عشان أكبر من جنوط الدباب وتركب بدون تغيير الهوب
وصندوق الدباب كبير واستعمله لي سنة تقريباً والمشكلة الوحيدة أنك ما تقدر تسرع أكثر من 120
وإذا تبي تزبطه أكثر قدم مكان الدفرنس شوي عشان يجي بوسط القلص لكنه يكلف وما له داعي وزع العفش على الصندوق .

[الكويتي 777]

السلام عليكم

ودى اسئل من جرب القلص

عند السحب هل يضر السيارة اذا كان القير تماتيك
مثل جيب التيوتا او النيسان؟
طبعا القلص بيكون فية حمل وعزبة يعنى ثقيل
؟؟؟

[شاص]

ما شاء الله موضوع ثري بخبرات الأعضاء وبتجاربهم الله يجزاهم خير جميعاً.. ولعل الشباب ذكروا معظم المميزات والعيوب للقلص .. واللي ودي أضيف أن البعض يفضل يكون القلص دفرنس مع سست على الدنقل (العمود) لأنه أقوى وأكثر تحمل وخاصة لراعي المطامر بالبران أما العمود فقد ينثي أو يعطب إذا جته ضربه قوية أو أكل مطب لكن يعيب الدفرنس ثقل وزنه مقارنة بالعمود بالإضافة إلى ضرورة ملاحظة زيت الدفرنس باستمرار حتى ما يجيم ..

[أبو مها]

بسم الله الرحمن الرحيم

اخوي اذا تبي قلص اول حاجة تسائل عن:
1- حاجتك في استعمال القلص
2-مواصفات الامان بالقلص او المقطورة المراد شرائة
3-خدمات ما بعد البيع مثلا قطع الغيار والضمان
4-السعر؟ ويحدده جودة المقطورة ونسب الامان فيها وبلد التصنيع. يعني في الغالب الصيني رخيص بس الجودة قليلة جدا.

انتهينا من هذه النقاط الآن نبداء بتقديم المشورة من واقع تجربتي الشخصية
كنت مثلك محتار وشاورت الكثير والكثير واشار على احد الاخوة شوره هذا قبل خمس سنين
وقالي الاسئلة الي كتبتها ببداية مشاركتي اجبته بأن الامان اهم شي عندي
اما السعر مو مشكلة لأني اسافر فيها كثيرا خارج المملكة ومعي عائلتي
اخذني عند معرض متخصص في المقطورات وخذيت احتياجي وشريت واحدة من (مقطورات إيرد وداسكر الفرنسية) حجم 158 دبل صاج طبقتين فوق بعض و الغطى العلوي فيبر
المهم عطوني ضمان سنه سعرها 6500ريل وممكن تاخذا 5000ريال حسب المواصفات، ونسبه الامان فيها اقصى سرعة 180

عموما اسافر عليها وامشي 160 والله اني امشي وكأني ماني مركب مقطورة خلفي هذا بالطرق المعبدة

اما في البر رحت فيها كثير فيها عيب واحد
في الرمل اذا مشيت على جرت سيارات يعني طريق رملي مظروب ما تقدر تمشي اكثر من اربعين

اما في الصمان ما فية احسن منها

وماهي ثقيلة والله اني اجرها بيد واحدة

وتقدر تخزنها في البيت ولها طريقة علشان ما تخرب الكفرات من كثر الوقفه

يعلمونك الطريق اذا شريتها شريتها من وكالة بدر الصبوح وكيل مقطورات إيرد وداسكر الفرنسية الي ببداية طريق الرياض الدمام بعد كبري خالد ابن الوليد


هذي تجربتي والله مالي اي هدف من المشاركة الا النصيحة


وسلامتكم