المساعد الشخصي الرقمي

مشاهدة النسخة كاملة : وش احسن عصيان ومكينه افضل الماركات وانسبها سعر


ابراهيم_999
15/12/2012, 03:24 AM
السلام عليكم

مثل ماهو واضح بالعنوان

احتاج مساعدة في عده صيد احسن عصيان ومكينه افضل الماركات وانسبها سعر بالدمام او الخبر
broken_hrt_
15/12/2012, 11:19 AM
عليكم السلام اخوي ابراهيم ...

بخصوص القصبات في انواع جيدة مثل دايوا و جي ام سي ولكن المشكله في معرفة الموديلات الأصليه والقديمه
واذا تبي تريح راسك خذلك كروبر (هاموره ) افضل الأنواع حالياً ماشاء الله عليها شريتها قبل 3 شهور وسحبت عليها احجام كبيره
بس سعرها شوي غالي انا ماخذ 5.5 متر بحدود 270 ريال ... بس تستاهل وكورية اصلي

اما المكاين فالأغلبية تمدح بمكينة بانكس 7000 وسعرها 135 الى 145 ريال ..

هذه الأسعار من محلات الخبر بجانب سوق السمك بالخبر الشماليه واتوقع الدمام نفس الشي تزيد او تنقص 5 ريال

وان شاء الله باقي الإخوان بيفيدوك اكثر مني ...

بالتوفيق ..
أبو أشجان
15/12/2012, 11:20 AM
السلام عليكم ورحمة الله و بركاته
اسعد الله صباحك أخي الكريم
للعصا أنواع كثيره تتعتمد على طريقة الصيد هل هي من الشاطئ أو من القارب و العصا يوجد منها التلكسوبيه و منها مايأتي مجزأ الى قطعتين .
و للماكينه أيضاً تأتي بأنواع و أحجام كثيره تعتمد على أيضاً على طريقة الصيد منها مكائن لصيد من الشاطئ و نوعية للمجرور أو اللفاح .
إذا أردت الصيد من الشاطئ خذ لك عصا بايلوت مقاس 5 متر و تأكد من أنها صناعه كوريه و الماكينه عندك البانكس st 7000cالذهبيه أو iso 7000 وتأكد من إنها صناعه كوريه تكون محفوره على نفس الماكينه و ليس ستكر
أسف على الإطاله
ابراهيم_999
15/12/2012, 05:24 PM
اخوي بروكن هارت مشكووور على الرد

اخوي ابو اشجان انا اصيد على الاسياف ماعندي طراد اما عصا اللفاح وطريقه الصيد فيه عندي فكره عنه بسيطه انها تكون عصا قصيره وقويه لا لا اقصد على الشاطيئ

ياليت يااخوان تدلون على المحلات الكويسه الي تبيع الاصلي تقريبا من زمان اسمع عن البانكس 7000 وريست عليها ان شاء الله فيه اصلي وتقليد ؟ والعصيان وبالنسبه للخيط 50 بق قيم ينفع الحجم ؟ واللون وش الانسب
المطيري33
15/12/2012, 07:16 PM
السلام عليكم نخش في الموضوع على طول العصاء عندك ديجي الخضراء مجربها وجيده والمكاين البانكس الكوريه سي5000 السوداء حلوه مجربها وتخدم والاسعار معقوله عندك اول محل في سوق السمك في اليسار بالخبر ينزل في المكاسر
ابراهيم_999
15/12/2012, 08:49 PM
مشكور يالمطيري وبيض الله وجهك
broken_hrt_
16/12/2012, 09:41 AM
اخوي ابراهيم

بخصوص البانكس 7000 انتبه للكوري والكوري فقط
في الجهة الطويله من المكينه اللي تركب عالقصبه لازم يكون مكتوب عليها صنع في كوريا

انتبه من الصيني

تحيااااااتي لك وبالتوفيق
ابراهيم_999
17/12/2012, 02:26 AM
شباب شريت مكينه بانكس والعصا اسمها ابوا << اذا ماغلطت باسمها abu لونها بني 5 متر المكينه ماعليها كلام لكن العصا كيف ياشباب ؟
صياد الاحساء
17/12/2012, 06:16 AM
احسنت الاختيار
بالنسبه للخيط 45ممتازوميدار12-14
هذي احسن مقاس لسيف
ابراهيم_999
17/12/2012, 08:18 AM
احسنت الاختيار
بالنسبه للخيط 45ممتازوميدار12-14
هذي احسن مقاس لسيف

اخوي الخيط اخذت 50 افضل نوع ياباني مايحضرني أسمه لونه ازرق فيها 500 متر

اما الميدار اخذت انواع وكميه هي والثقالات ومشكور