كربريتر الباترول جنني

[عشقتك يامكشات]

السلام عليكم ورحمة الله وبركاته

عندي باترول 94 سويت له تنظيف كربريتر وغيرت بواجي وبوبينه وبليتين وسويت له وزن ديلكو بالشراره وطلعت من الورشه والسياره 100 ٪ وبعد هالكلام من بكره صارت السياره تقطع وأنا أمشي ، ورجعت له وحصل البواجي مكربنه نظفها وضبط وبعد يوم بس رجعت البواجي وكربنت ورجع معا التقطيع ، ورجعت له ونظف البواجي مره ثانيه ووزن الكربريتر وطلعت من عنده ونفس الطريقه كربنت البواجي مره ثانيه .


تكفون افزعوا لي وش الحل ووش المشكله ووش أسوي

[SGL]

اعرف بلاه مليون باالميه وخذ العلم مني صاحبي معه باترول ونفس طريقتك بعد مانظف الكربريتر ياحبيبي كربريتر الجيب صعب احد يظبطه الا اذا كان واحد فحل فيها لان مشكلته الابر اللي جوه ماهي موزونه وتعطي بنزين زياده وتكربن البواجي رح فكه عند واحد خبره ويظبطه لك حرام بالله انك تنسى الكربريتر وللي صنعه وصرفيته تنساها بس مدري كيف مهندسينكم

[قناص خلاوي]

الكلبليتر نصف المكينة
اذا شكل معك نصيحة ارمه طول يدك وطق واحد وكالة
ترتاح من التقطيع والدخان و خراب البواجي وشفط البنزين

[أصيل حجآ زي]

http://www.mekshat.com/pix/upload/images39/mk55341_zaz.gif
الحـمـد ُ لله والصـلاة و الـسـلام عـلى رسول الله
وأزوآجـه الـطآهـرآت الـمـُطـهـرآت أُمهـآت الـمـؤمنين
وآله وصحبه ومن وآلآه وجميع الأنبيـاء والـمـُرسلين.
يأخوي :
حآجتين لا ثآلث لهُما ///
أما البوآجي ما هي أصلية 100%
أو ما وزن لها خلوصها صح .
ترى البوآجي حتى لو هي جديدة ضروري يقيس الخلوص
وأذا الخلوص ما هو حسب الموآصفآت ضروري يعدلها ويوزنها .
مشروحة تحت بدرسي عن البوآجي .
وترى لا تغتر بلمعآن البوآجي /// ترى
البوجي اللي يلمع وبه حُبيبآت مجهرية نحآس
هي الأفضل .
كــيـف تـغـيـر الــبـوآجـي وكـيـف تـقـراء مـؤ أشــرآتـهـا { دلالات} الخرآب من لونه (http://www.mekshat.com/vb/showthread.php?t=254734)



بـعـض حـلـول تـفــتـفــة مـُحـرك سـيـآ رتك / فحص الشآحن وتغيير البوآجي بأصلي. !!! (http://www.mekshat.com/vb/showthread.php?t=227152)



درس في / لــو نــط { خـرج } بـوجـي أشــعــآل مـن مـُحـرك سـيـآرتـك ؟؟؟ ما الحل ؟ (http://www.mekshat.com/vb/showthread.php?t=237847)



الشيء الأخر :


يمكن ما وزن الأشعآل { الديلكو } صح 100% .
والدليل وجود الدُخآن على البوآجي /// لأنها ما تحرق البنزين .




تـعـلـم كـيـف تـوزن توقيت الشرآرة بمُحركك (وزن موزع الأشـعـل/الديلكو) Adjust Ignition (http://www.mekshat.com/vb/showthread.php?t=225333)http://www.the-transmission-center.com/look.gif (http://www.transmissioncenter.net/highperflist.htm)




وش هو لازآق { لاصآق } التلوث ؟؟؟ مـا أهمـيـتـُه ؟؟؟؟؟ أين نجدُه بالسيآرة ؟؟؟؟؟؟؟ مُهم (http://www.mekshat.com/vb/showthread.php?p=6258373#post6258373) جدآ



نـظـآم الأشـتـعـآل لـمُحركآت الأشتعآل الدآخليIngnition System (http://www.mekshat.com/vb/showthread.php?t=216629)





ســُرعـة الـخـمـول الـعـآلـيـة و الـوآطية (حـقـآئق مُهمة) Fast & Low Idle Speed (http://www.mekshat.com/vb/showthread.php?t=225235)





كـيـف نــُعـدل ســُـرعة الخمول في مـحـركآت البخآخـآتInjector Idle Adjustment ؟؟؟؟؟؟؟ (http://www.mekshat.com/vb/showthread.php?t=388275)





كيف تصيد الخلل وكيف تصون وكيف توزن نظآم الأشعآل ؟؟؟ بالصور وأهم شيء الأشرطة للجميع . (http://www.mekshat.com/vb/showthread.php?t=405266)



لمــُغـذي الوقود { الــمــُكـربن / الكربريتر carburetor } تدلل :
كيف توزن / تعدل / تصلح / توضب / تصون مـُغدي الوقود { الكربريتر carburetor } ؟؟؟؟؟؟؟ (http://www.mekshat.com/vb/showthread.php?t=433423)


كيف تفحص ضغط الوقود لسيآرتك لتتخلص من التفتفة خآصة بالسُرعآت العآلية 77 كلم +؟؟؟؟؟؟؟ (http://www.mekshat.com/vb/showthread.php?t=436855)

[ls1.5700]

صعب يضبط الكبليتر اذا فك
مثل ماقال اخونا sgl دور على واحد فاهم بالكبليتر صح
او الله يعينك ترميه طول يدك وتشري جديد
وتنسى شي اسمه كبليتر وتسلم من صارفية البانزين وكربنت البواجي

[عشقتك يامكشات]

ماقصرتوا والله يعطيكم العافيه جميعاً

[قناص في البر]

السلام عليكم يمكن يكون ردي متأخر.. بس لازم اكتب لك
إذا كنت بجدة في واحد اسمه ابو علي بشارع بلادن قبل دوار القرب اسم محله المركز الصغير
تراه ما ينظف كلبريتر تراه يوظب صحيح غالي بس انسى الكلبريتر هو يجيب كل القطع حقته ويغير جميع الابر والاصلاح ويوزن الديلكو بعد التوظيب ( 500 ) ريال هذا سعرهـ
انا يوسته لجيبي ربع باترول عذبني عذاب الين رحت لذا التركي وارتحت الحمد لله انصحك فيه
فمان الله

[abdulhadi]

السلام عليكم متاسف على الرد المتاخر بس غير كلبليتره وركب كلبليتر تويوتا والله ان تنسى الكلبليتر وصرفيت البانزين
اسئل مجرب والله تدعي لي

[N O Z]

بالنسبة لكربريتر التايوتا انا مجربة


بالنسبة لصفاوة وهذا اكثر شي يهم حقين الكارب فهو يفرق فيها ويصفي الموتر


البنزيم اذا مانقص فهو مثل البلد وكذالك العزم


والميزة الاخرى انه نادر ما يخرب او يحتاج الى تصفية يعني انا مركبه لي 9 شهور الفلتر ما أركبه الا لابغيت اكشت بس اما باقي الايام فأمشي بدون فلتر ولا اصفى منه <<<طبعاً هذا اهمال مني ولا المفروض اني اركبه


لوه الكارب حق النيسان ياشيخ لو تمشي عليه مشوار بس بدون فلتر احتاج لتصفية


الشاهد اذا بغيت تركب كارب تايوتا تحتاج الى :


تتضيط قواعد عشان يركب على ثلاجة النيسان وهذي تحتاج الى مخرطة


فلتر مكينة رياضي لأن فلتر النيسان مايركب على التايوتا وقاعدة فلتر وفلتر التبخير


لي بنزيم اطول من حق البلد


شويت شغل في الكهرب على شان يشتغل الموتر


تضبيط قاعدة سلك الدعسة


هذي الاشياء الي تحتاج انك تسويها علشان تركب كارب التايوتا


طبعاً لو جينا نقارن بين التايوتا والنيسان
الاسعار للاصلي
النيسان بـ2200
التايوتا بـ1450


السعر مافي مقارنه لاكن التايوتا احسب عليه باقي الاغراض وشف كم يطلع لك



هذا الكلام الي قلته لك من واقع تجربة


واذا حبيت تركب انا مستعد اركبلك اياه ولا تحسبني كلت لك هالكلام اسوق لعمري لا والله لاكن حبيت اعرض تجربتي لك ولغيرك من الاعضاء


ولله الحمد الى الان ركبت كمية ولا واحد رجع اشتكالي من شي


كان معك اخوك ابوفهد :

[naif1114]

الشباب ما قصروو
وانصحك ببنزين ٩٥ لان ٩١ يسبب ترسبات بالكلبريتر والبلوف

[. ذيب ساحوق]

اذا انت حول المدينه راسلني ادلك على واحد فنان سويت كلبيتر موتري قبل سنه عنده ولين الحين زي الحلاوه

[اليوسف2012]

اخوي N O Z اشكرك على نصيحتك وماقصرت بس عندي كم سؤال كيف صارت صرفية البنزين وهل العزم تغير ؟

[السرحان502]

فيه واحد في حي البديعة"الرياض" فنااان تلقاه في ورشة خلف مطعم ماك الي في تقاطع طريق حمزة مع طريق المدينة .. ترى أسمه سمير ولا تنسانا من الدعاء

[abw1122]

اخوي مشكله التنظيف يغير لك اصلاح تجاري
ويغير ابره ضخ الوقود وتصير تجاريه
والحاصل انها تتوسع بعد فتره قصيره ويبدا يقطع
ولي معانها معها سابقا
واصلاح الوكاله يجي وجيه فقط بدون ابره الوقود
لانها ماتخرب
عموما اذا قدرت تغير الابره الى ابره شد بلد من كلبريتر من التشاليح
او تشتري كلبريتر جديد
لانها كل ماتصلحها بترجع لو عند افضل مهندس
المشكله من الابره

[بدوي جنوبي]

الكربريتر اذا انفك
انسي انه يرجع مثل أول
اما انه يصرف بنزين او يكربن ويقطع

واحذرو من الجديد اخوى اشترى واحد على انه اصلي بسعر فوق ال 2000 ريال
وطلع مضروب

[أبو الوليد 14]

ركب كربريتر ايدل بروك جديد

[ls1.5700]

او ركب كبليتر التيماء

[وجعين]

ركب مستوبيشي اوتويوتا انتبه تركب بلد لان فيه عيب مصنعي التشغيله بريال

[رويشد المجدعي]

كربريتر ال24بلف اذا انفك مايرجع زي اول
الافضل تريح راسك من ود وجيب وفك وركب وتاخذ جديد

[أحمد محمد1429]

شكلك مركب بواجي نيسان
خذ العلم مني ركب بواجي تويوتا او ngk وتبي تدعي لي ولا تقعد تحوس وتصرف على السياره

[alghamdi95]

ياشباب دلوني علئ فني كلبليترات بالرياض بس يكون فاهم
طحت في واحد مو فاهم وخرب علي الكلبليتر

[كهرووب]

تاكد من العوامه يمكن ماهي موزونه صح او يمكن عندك مشكله بالكويل