المساعد الشخصي الرقمي

مشاهدة النسخة كاملة : مشكله بسيطه فالباترول .


ابو مقعد511
16/12/2012, 06:25 PM
السلام عليكم ورحمة الله وبركاته
حي الله الجميع كلن بأسمه
........
ياخوان عندي فالباترول (ستاندر) 2007

اللي هو الطبلون من فوق الدرج تحس اول ماتضغط عليه بيدك يتغفص <<< كلمه بدويه :D
مثل الصلصال حق البزارن
ومنعدم علي الطبلون كامل مغير حاط عليه قطعة قماش عالاقل احميه من الشمس ...
.............

المطلوب يا خوان ابي حل لها الطبلون تكفووووون ...؟
.....
وجزاكم الله الجنه ...
وان شاء الله اصور لكم الطبلون
SGL
16/12/2012, 10:09 PM
نجده جلد عند واحد فنان يخليه مثل ماكان أول
com.الطراعيز
16/12/2012, 10:29 PM
ماله حل ابدا
أصيل حجآ زي
16/12/2012, 11:13 PM
http://www.mekshat.com/pix/upload/images39/mk55341_zaz.gif
الحـمـد ُ لله والصـلاة و الـسـلام عـلى رسول الله
وأزوآجـه الـطآهـرآت الـمـُطـهـرآت أُمهـآت الـمـؤمنين
وآله وصحبه ومن وآلآه وجميع الأنبيـاء والـمـُرسلين .



كلامك صحيح يتغفص
كلمة عربية فُصحى .


زي ما قآل لك الأخ / سعيد
صآحب الرّد الثآني .


نجدُه عند محل تنجيد شآطر .


ترى هو رغوّة منفوخة .


وبأجوئنا الحآرة ينعدم .


أنا من أول سنة شريت
كآمري جديدة وضع ولدي عليها قمآش قوي


يعني حتى الزل { السُجآد } السميك { الموكيت } يصلُح
بس تفنن أنت فيه قُصهُ زين ولفلفُه زين ويصلُح .



موفق
وتلقى خير
ls1.5700
17/12/2012, 01:21 AM
اكيد موترك متعرض الا اشعة الشمس بستمرار ماعمره شاف الضل
ولذلك يتغفص 0000 نجده وتنتهي المشكله 000
اذكر واحد من الربع يقول بأن فيه محلات خاصه بالطبالين
يضبطونه كانه جديد 00 حتى الصبغ اي لون تبي + تخشيب الديكور
لو تبي يركبون لك طبلون مورسيدس على ددسن يسوونه
طبعاً المحلات بالرياض 00 ويمكن فيه بالقصيم بس ماني متأكد
ان شاءالله الاعضاء اللي من الرياض يفيدونك عن المحلات المختصه
mjoodee
18/12/2012, 07:02 AM
الشلال ب عنيزه .. وانا مشتغل عندهم اكثر من طبلون سيارهـ بس بصراحه ما اشتغلت ب طبلون الباترول