أفضل شي [الأرشيف] - منتديات مكشات

مشاهدة النسخة كاملة : أفضل شي

راعي الهيجة

26/08/2006, 01:48 PM

السلام عليكم ورحمة الله وبركاته
ماهي أفضل أوقات الرحله سواءً كشتة صيد أونزهه شتويه أو رحلة بحريه أو سياحيه داخليه وخارجيه؟
من وجهة نظري افضل هذه الأوقات هو:
وقت الاستعداد للرحله يوم تروح تشتري لوازمك ويوم تنظف البارود وتتفقد الفشق وكمية الضغط اللي تحتاجه وتتفقد(الثايه) العزبه
أو تقص التذاكر وتشتر الملابس وغيره
انا ألقى متعة غير معقوله :D بالتجهيززززززززز
هل أنتم كذا ولا وشلون:confused:

دسم الشوارب

26/08/2006, 02:01 PM

للناس فيما يعشقون مذاهب
عاد اكره مالي حزة التزهب
اما ان نشدتني عن أفضل أوقات الرحله فهي مسكة الخط
وخاصةً خط العوده إذا تخيلت اني علطول باتروش والبس الهدوم النظيفه وانطل عمري على السرير ...ياسلام
هذا إذا كانت الرحله بعيد و بالايام

وتقبل تحياتي ياراعي الهيجة

خشم الحصان

26/08/2006, 02:57 PM

الاخ الغالي
راعي الهيجة
السلام عليكم
اخي الكريم غفر الله لي ولك من الصعب انك تحدد ولكن فيه اشياء حلوه مثل (بسرة الحلي) وهي
1-تفقد العده
2- مسكت الخط (لله يالها طعم وخنه سنها قهوة بين عشوين)
3- مابي اشوف اي نور او عوميد كهرب في البر
4- رنة هالعله (الجول) يوووووه ياهي تجيني تكه وغلقه
5- السواقه في البر (سنها مرقة جرد)
6-تنزيل العده (ولاحد يساعدني) ودي بالي يساعدني اشب فيه قاز وطفيه بخشبه
7- تحميل العده وترتيبها في السياره ولا ابي احد حولي يغثن (يعني دبره)حط هذا وخر هذا
8- شب النار
9-المشي حافي
هذا قليل من نهر دجله والفرات
تبي السز الرحله كلها زينه مايذب منها شي مثل النخله (يستفاد من كل شي فيها)
وسلامتكم
اخوك
خشم الحصان

راعي ساموده

26/08/2006, 03:05 PM

السلام عليكم ورحمة الله ..
ياأخون فيه انتحال شخصيه هنا موجود بيننا .؟؟؟؟؟؟؟؟؟؟؟؟
الأخ اللي كاتب قبلي منتحل شخصية خشم الحصان وأنا عندي دليل قاطع على صحة كلامي

بأنتظار ردودكم

المتهادي

26/08/2006, 03:28 PM

انتحال شخصية ...وشخصية مين ....خشم الحصان ...

ارجوك تثبت ......لا تلقي التهم جزافاً ....

وكيف يكون عندك دليل ........هل لازم نحلف عليك ...عشان الدليل ....

ارجو من المشرفين الـتأكد من صحة الدعوى ....

غالي

26/08/2006, 05:18 PM

ياويلك ياخشم الحصان جتك المداهمه هههههههههههههههههههه
والله العظيم مشكله
هالحين شككتوني احد يدخل من شغلي وانا ادخل المنتدى منه ومخزن فيه النك نيم والباسوورد :(
الله يستر
واحب شيء لي في طلعة البر هو
اول مادخل البر واشوف الوادي والخضار من بعيد وانا مقبل عليها ياسلااااااااااااااااااااااام ابي متى نصمل على مكان واحط رجلي على الارض بس :)

خشم الحصان

26/08/2006, 06:10 PM

الاخ المشكك
ساموده
السلام عليكم
اقول الله يثيبك لا تشك ولا تشكك علي قولت ام كلثوم يوم انها تقول الله يعفو عنا وعنها (اكدو اشكو فيك)
لي خط الرد هو محاسيك ترك رجيتن الله يرج الموذي امين
اخوك
خشم الحصان
....................
نغزه..........مشكله وش يبون في واحد منسهل تحت لوري مبنشر الله اكبر ياغلام الديمن
دقشه........ مدري وش الطبخه لكن نحتري سهيل لين يبين

قناص بغداد1

26/08/2006, 09:36 PM

نفس ما قلت يالهيجه

راعي ساموده

26/08/2006, 10:58 PM

السلام عليكم ورحمة الله ...........
هههههههههههههه شفتو اني صادق الان ظهر الحق ................
شوفو المشاركه الاولى لخشم الحصان والرد الثاني تمام معي أنتم على الخط .................... شفتوا ؟؟؟
الرد الاول لم يذيل كعادة عمنا خشم الحصان ب ... نغزه ... قرصه ... مغصه
أما الرد الثاني فقد ذيل بذلك ... شفتوا وشلون كفشت الفرق

دسم الشوارب

26/08/2006, 11:23 PM

الوافي عزام

27/08/2006, 12:23 AM

مرحبا مرحبا مرحبا بالبران واهلها

اما انا ازين حزه عندي لاصرت بالشمال حول رفحا وعرعر وفيحان

ومتغدي زين وخويي طيب ومصلين العصر وقانصين لين برد الوقت

وجلسنا عصير نستعد للممسى (ممسى وهدا)

وشربنا لنا كم فنجال من اللي هيلها وعويديها يحفر الراس

وبعدها بيالة شاهي مضبوطططططططططط

كني ملكت الدنيا واللي فيها .

راعي ساموده

27/08/2006, 12:31 AM

الله يهديك اخوي الوافي عزام وااله ان دمعتي سالت اتخيل وصفك واتخيل طلعتي من الدوام يوم سبت في عز الشمس ؟؟

الوافي عزام

27/08/2006, 01:07 AM

اخوي ساموده
جعلك ماتدمع على غالي
الله لايجيب دمعتك وانا اخوك
دموع الرجاجيل غاليه بالحيل

ترانا كلنا مثل حالتك
دوام وعيال وغثا بال من هالدنيا الله يعين عليها

المترو

27/08/2006, 01:40 AM

السلام عليكم ورحمة الله وبركاته

والله برأيي المتواضع ان افضل ما في الرحلات وكما ذكر ووصف وصف بليغ الاخ الحبيب الوافي عزام
واضيف صور لوصف الوافي عزام

هذه الصور بعض من الارشيف الشتوي للسنوات الماضيه وهي لحظات من((((( افضل شيء ))))))))كما ورد بعنوان الموضوع
الاولى ضباب صباحا وكان طول الليل امطار خفيفه همالي بالدهنا ء غرب محطة الشرق الاوسط ويالها من ذكريات

http://www.mekshat.com/pix/upload/images19/mk3016_one.jpg

الصوره الثانيه
مضحى بالنفود حول لينه بعد دوجه من بعد طلوع الشمس حتى الضحى والارض ممطوره ولا انسى مرور الذود اللي بالصوره علينا وسباق الحيران بمهيل الطعس ؟؟؟والدجاج اللى بالقصديره لم يستوي ؟؟؟ ودواء ابو غازي الشعبي خوفا من الماغص!! :D

http://www.mekshat.com/pix/upload/images19/mk3016_tow.jpg

ويأتي هذا الاثر المحبوب الى للقلب بقمة السعاده لتلك الرحله

http://www.mekshat.com/pix/upload/images19/mk3016_habrafingerprint.jpg

وبما ان فيه كم واحد ذكر مسكت الخط وان لها طعم خاص اقول صحيح وانا اقصد الخروج من الديره واليس اليها وهذه احد مسكات الخط

http://www.mekshat.com/pix/upload/images19/mk3016_road1.jpg

وبالختام الله يبلغنا الشتاء القادم لنستمتع به على طاعة الله ونشوف الربع والاحباب فقد اشتقنا لهم ولطعاتهم والله يا انا خرمان بر ؟؟؟؟؟؟؟؟

وارجو المعذره لاني طولت عليكم لكن الموضوع اثار الشجون والسبب الوافي عزام ؟؟؟

دله وفنجال

27/08/2006, 02:45 AM

السلام عليكم...
مشكور ياراعي الهيجة على طرحك للموضوع.
اما من ناحيتي فكل شيء يتعلق بكشته استمتع فيه وخاصة لاصارة المشية بلليل والخط رايح جاي ولا حولك احد مثل خط حايل المدينة (الجهراء) وكذالك التسدح على النفود امسيان وشب الظوية والمعاميل حولك والشباب ملتمة على بعضة والجو مغيم وتوة واقف المطر ونت امتلهلم بلفروة وداقة لطمة لاييبس خشمك.
ومن ناحيت جديدي خشم الحصان افضل ماعنده انه يحلت الحذيان(الله يكرمكم) ويتمشا حافي هذا الي مدعين الشطوب واجد اللهم ياكافي الي الواحد منهن يتغبابة بعير من الكبر.
هذا والله اعلم...

عمار السفينه

28/08/2006, 08:05 AM

أنا فيني من خشم الحصان (شكله طالع علي ) شااااااااااايب