المساعد الشخصي الرقمي

مشاهدة النسخة كاملة : مشكلة بالقير الفتك 2008


sh236
16/12/2012, 09:37 PM
السلام عليكم
انا يالربع عندي مشكلة بالقير الفتك 2008 الخرطوش الي يطلع من القير ويروح الرديتر دائما’ ينشق علي والله عشر مرات اغير الخرطوش ولا فيه فايدة و كلمت يوسف الخضير ويقول ما يشتغل تماتيك وش السواة اليوم تعطل على الخط وقت المطر ومعي اهلي والله اني بغيت اشب في السيارة :mad::mad::f:mad::mad::alarm:
ابوسند9
16/12/2012, 09:45 PM
اخوي اول مره اسمع خرطوش قيرالفتك ينشق؟
طيب انت تقصد لي مبرد الزيت؟ ممكن توضح اي الخراطيش فيه اثنين واحد رايح وواحد راجع؟
وهل هو ينشق او ينفصل؟
والعشره اللي غيرتها من وين مشتريها؟
وضح وان شاء الله نفيدك
sh236
16/12/2012, 09:49 PM
ابو سند مسيك بالخير
حق مبرد زيت القير الي رايح الرديتر
sh236
16/12/2012, 09:51 PM
والعشرة بعضها من الوكالة والبعض من المحلات
ابوسند9
16/12/2012, 11:46 PM
اخوي
اولا
اذا بتركب من المحلات لازم تاخذ شي يتحمل حراره 120 درجه وموجود عند محلات كبس الهيدروليك
لذا انت عندك مشكله
اما انسداد طبلة الاديتر اللي هو مبرد القير والزيت ما يدور او انسداد بسيط ومن ثم ينحشر الزيت وينشق اللي
او عندك حاجه تشق اللي
اما حاجه حاده وتقص اللي مع الحركه
او عندك القزوز منشعر او ماسورة القزوز ويضغط الهواء على الخرطوش ومع حرارة الزيت وحراره القزوز ينشق اللي
لذا اول اجراء انصحك انك تفك طبلة الاديتر السفلى وتضغطها بهواء وتشوف هل يطلع اوساخ ام لا
والافضل تغيرها ب 280 ريال ومنها تسيخ الاديتر وتغير الطبله اللي فوق افضل
لكن والله شي غريبه اول مره اسمع عن ها المشكله
وسؤالي هل سبق ان غيرت زيت القير؟
ls1.5700
17/12/2012, 01:06 AM
كلامك اخوي ابو سند9 عين الصواب كل الاحتمالات جايزه
بس فيه نقطه مهمه اللي هي
قد يكون اللي قصير مره ويكون مشدود
لازم يصير باللي زياده شوي على اساس ماينقطع مع المطبات او المطامر
او تحرك المكينه وخاصه اذا كان كراسي المكينه منكسره او كسراسي القير
شيك على اللي الواصل من القير حتى الاديتر هو مشدود يالله واصل او لا
اذا مافيه زياده باللي فـ 100% المشكله من عدم زياده باللي
وشيك على كراسي المكينه والقير

انا مره حصلت معي انطلق اللي من الاديتر بس ماالومه جرت عليه الله لايوريك
المهم الحمدلله صار اللي فيه زياده قصيت منه شوي وركبيته بقفيز قوي
وغيرت زيته بالوكاله مره وحده لانه نصف الزيت طلع برى
هذى ماعندي والله يعينك وييسر امورك بأذن الله
sh236
21/12/2012, 09:44 PM
السلام عليكم و اسف على التاخير

بالنسبه للرديتر سويتله تصيخ كامل ونظفت طبله الرديتر هذة يوم غيرت الهوز رقم سبعه:D والي مظبوط لا طويل و لا قصير الله يعين والله ما بقى شي ما سويته لاكن ربي كريم.
الان ركبت هوز تريلات (شاحنات) 7 طبقات وقفيز اصلي بس عبيت زيت قير تايوتا نفس لون زيت قير الفتك هل في مشكله؟
مخطور
22/12/2012, 09:10 PM
السلام عليكم ورحمة الله وبركاته
اخي العزيز
زيت القير للفتك خاص
سعره في محطات وكيل صيانه لنيسان 390 ريال مع شغل اليد
اذا كنت في جنوب الرياض عندك مخرج 25 عائشة بنت ابي بكر
جوار القلعة للمناسبات يوجد محطة فيها صيانة نيسان
مر عليهم وغير الزيت كامل ب 390 ريال اضمن لك
واعيد واكرر زيت القير للفتك خااااص
وهذا اسم الزيت
ATF
MATIC J

مايخذ معك التغيير 20 دقيقه ولهم طريقتهم الخاصه بالتغيير
وهي يقمون بفك السرة من الاسفل ويفرغون الزيت القديم الي عندك في جالون ويشفون كم عدد اللترات الي نزلت من القير ويعبون نفس المقدار
وتحياتي لك
العطاوي a511
22/12/2012, 10:03 PM
الحل عندي بسيط جدآ

شوف ياطويل العمر اول شي انت اللي اللي ركبته ماهو حق زيت حق ماء هاذا اللي يخليه ينشق ولي الزيت موجود فقط بالوكاله

لاكن في لي اطلق من لي الوكاله وهو ليات الكبس تحصلها بمحلات كبس الليات خذ لي من ليات السياره الاصليه وجب مقاسه بالضبط لان الفتحه فيه بوصه بوصتين ثلاث لازم تاخذ المقاس الاصلي عشان مايجي تهريب اذا جاء الصيف الزيت يحتر واذا كان اللي اكبر من المقاس راح يهرب تنقيط ماراح تلاحظه وتصير مشكله لان الفتك ماله عيار وهاذا اللي نكبنا

المهم ياطويل العمر اذا شريت اللي اشتر قفيز اصلي عدد اثنين لكل مكان وحط سليكون اللماني اصلي على مكان اللي لاتاخذ التجاري ماينفع ابد

انتبه لايجي السلكون وسط اللي يقفل مجرى الزيت حط على الماصوره فقط وكثر واربط القفيز ربطآ مبرحآ وانتظر ساعه لين يجف السليكون وتمتع بالقياده بدون تهريب نهائي باذن الله

معلومه مهمه

حقين ليات الكبس اغلبهم لايوجد عندهم المقاس المطلوب الله يعينك تدور لين تلقى

محلات الكبس لو تساله هل يصلح للزيت بيقولك لا هاذا حق كبس بس ماينفع لان مايركب عليه قفيز لاتاخذ بكلامه

لان المقاس الصغير يركب عليه قفيز والتجربه خير برهان اهم شي المقاس

وادعلي
sh236
22/12/2012, 10:13 PM
جزاكم الله خير وما قصرتو وبيض الله وجيهكم

بالنسبه للزيت تقريبا نفس زيت الفتك(ATF ) وللاسف ما عندنا في الشرقيه ناس متخصصه في الفتك.
والي ركبت من محلات كبس الاهواز 7 طبقات نفس مقاس الوكاله ربع بوصة وعلى فكرة مريت الحرامي اقصد الحمراني وم لقيت الي ولا حتى طلبيه.الي الحين الامور طيبه باذن الله. ومشكورين على النصايح .
ابو خــــالد
23/12/2012, 06:58 AM
مشكلتك بسيطه جدا
...
لك رساله عالخاص
sh236
25/12/2012, 07:52 PM
الله يرحم والديك انا ماقدر ارسل على الخاص لاني جديد:D بس قريت الرساله كيف ارد عليك طال عمرك؟
ابو خــــالد
25/12/2012, 08:05 PM
الله يرحم والديك انا ماقدر ارسل على الخاص لاني جديد:D بس قريت الرساله كيف ارد عليك طال عمرك؟


جتن رسالتك اللي به رقمك
بحاول اتصل بك اليوم أو بكرا
ازد السراه
25/12/2012, 08:16 PM
هذا هو زيت الفتك الاصلي من الوكالة وقد قمت بتغييره سعر اللتر 60 ريال غالي ولا يروح القير فيها حبيت افيد بس ويعذروني الاخوان المهندسين

http://www.autone.ru/published/publicdata/H3951AUTONE/attachments/SC/products_pictures/kle23-00002_nissan_matic_fluid_j_enl.jpg
أبوحمود303
25/12/2012, 10:48 PM
اطرح الحل هنا يا هاوي الذيب ودنا بالفايدة ودمت
ابو خــــالد
25/12/2012, 11:25 PM
مشكلته على ما أظن بلي زيت القير الداخل لطبة الرديتر يصير المجرى متوصخ وشبه متسدد ومع السرعه والضغط ينشق لي الزيت الرايح ؛ أما الراجع مافيه مشكله ﻷنه سالك
وبالنسبه للحل أنا عندي ليات زيت قير جدد صناعه تركيه هي نفسه اللي مركبه على موتري من حوالي سنتين وزينات بالحيل والليات مالهن شغل مبطيات عندي وقلت أعطيه أحد يستفيد منه (ﻷنه هي أصلا مهيب غاليه ولاتسوى بيعته) وكلمت الرجال ونصحته بالمبرد الخارجي دامه فاك اللي وطبة الرديتر ويركب هالليات اللي عندي
ls1.5700
26/12/2012, 03:18 AM
بارك الله فيك ووسع رزقك من حيث لاتعلم
وكثر الله من امثالك الطيبين
وجزيت خير الجزا
البواردي5
26/12/2012, 11:06 AM
الفتك التماتكيك

وخاصة رعين البر لازم تركب صاجه تحت الرديتر عشان تحمي الليات حقات المبرد لانها واضحه اي شجره او قشع على طول ينشق........... نصيحه مجرب
sh236
29/12/2012, 05:44 PM
الله يجزاكم خير جميعا وما قصرتو على النصايح الغاليه
و دمتم.
sh236
23/01/2013, 11:13 PM
تم بحمد الله تركيب رديتر خارجي في ورشة الثنيان والفضل يعود لله سبحانه ثم ل اخوي هاوي الذيب فله كل الشكر والتحيه و التقدير
العطاوي a511
24/01/2013, 12:41 AM
لاتلغي الاصلي يحتر القير
الواهج
24/01/2013, 01:51 AM
انت مركب هدرز
sh236
26/01/2013, 12:04 AM
السلام عليكم
الي الحين الامور تمام وحرارة القير ممتازة
اخوي الواهج
لا مافيه هدرز
كديان
03/02/2013, 05:13 AM
وش نوع المبرد اللي ركبته ؟ هل امريكي ام لا ؟
بالقصيم عندنا العثمان او السيف يركبونه
السيف عنده نوعين
مبرد ٦ او ٥ مواصير ب٥٠٠ مع التركيب
و نوع ٨ مواصير او لفات ب٥٥٠ او ٦٠٠
طبعا امريكي

كل مازادت اللفات افضل للقير
يبرد الزيت بشكل اسرع
ابو زيد101
30/07/2013, 12:30 PM
يالربع المبرد زين عشان الخلط وما الخلط يصير زيت القير مستقل عن الرديتر لكن كيف يبرد القير وانت مثلا ممسوك في زحمه لك ساعه ونص لا مروحه عليه ولا شي والجووو حار مره ولا الموتر يمينك ويسارك صوالي في هذي الحاله كيف يبرد اقنعوني افادكم الله:confused::confused:
asd112
01/08/2013, 06:39 AM
يالربع المبرد زين عشان الخلط وما الخلط يصير زيت القير مستقل عن الرديتر لكن كيف يبرد القير وانت مثلا ممسوك في زحمه لك ساعه ونص لا مروحه عليه ولا شي والجووو حار مره ولا الموتر يمينك ويسارك صوالي في هذي الحاله كيف يبرد اقنعوني افادكم الله:confused::confused:

والله اخوي كلامك 100٪ انا بعد ابي احد يقنعني لاني معي فتك 2002 وقبل كده خلط ماء وزيت وتم التظيف الحرامي يقول تغير قير المهم غيرت لديتر كامل ولله الحمد وكله تمام بس محد نصحني بتركيب مبرد خارجي ابد
ابو زيد101
01/08/2013, 12:00 PM
والله اخوي كلامك 100٪ انا بعد ابي احد يقنعني لاني معي فتك 2002 وقبل كده خلط ماء وزيت وتم التظيف الحرامي يقول تغير قير المهم غيرت لديتر كامل ولله الحمد وكله تمام بس محد نصحني بتركيب مبرد خارجي ابد

انا موتري 2008 ومالي شهر من خلط الزيت والماء :mad:ورحت وصلحتة مثلك وقالو في البرد كويس المبرد الخارجي لاكن في الصيف :fما ينفع وبعض الناس يقول انا لي سنه واللي يقول اكثر بس هاذي كلهااا توفيق من ربي يعني تلاقيه في بعض المدن اللي مافيها زحمه ومشواره البقاله البيت الاستراحه وراجع :Dواللي راعي بر ما يطلع في هل الوقت الا كان في ليل في البرد الموتر لو تمشي وتمسك خط بدون مروحه ماا ضره :rوالمرد اللي يركبونه العالم انا شايفه بنفسي ماصوره ملففه يمين ويسار يعني لو احط انا ماصورت فريون حقت مكيف بيت والفها واشبك اليات فيها ما فرقة عنه :no2: وهذي وجهت نظري يوم صرت افكر فيها وانا اشوف ان الميزه الوحيده فيهاا انك تنسا شي اسمه خلط مويه وزيت الا اذا كان عليه مروحه يمكن يتغير الكلام :good: بس الفتك مره حاشرين قشه حشر يعني ما فيه مجال وانا عن نفسي اقول ان الواحد يصير عينه على الاديتر وبس ولا شاف ان اديتره مبطي يعني له من اربع سنين وفوق يغيره وبس واللي شاري الموتر ما يدري عنه يغير ولا يشاور بعد:eek: وينتبه له ولا طول يغيره واللي عنده شي غير يناقشنااا فيهاا كلي اذان صاغيه:D:D:D
ابو زيد101
01/08/2013, 12:01 PM
المبرد الخارجي:D